26 მაისი – დამოუკიდებლობის დღე

საქართველოს სპორტისა და ახალგაზრდობის საქმეთა მინისტრმა - ლევან ყიფიანმა და ოლიმპიური კომიტეტის პრეზიდენტმა - ლერი ხაბელოვმა 24 მაისს ქარელში ძიუდოს ახალი დარბაზი გახსნეს.

სპორტისა და ახალგაზრდობის საქმეთა სამინისტროს ინიციატივით, მიმდინარეობს შეხვედრები საქართველოს სახვადასხვა რეგიონებში სპორტზე პასუხისმგებელ პირებთან და მმართველ ორგანოებთან.

20 მაისს სპორტისა და ახალგაზრდობის საქმეთა სამინისტროს საქართველოს კალათბურთელთა ნაკრების და „ატლანტა ჰოუქსის" ცენტრი ზაზა ფაჩულია სტუმრობდა. საქართველოს ნაკრების კაპიტანი სპორტისა და ახალგაზრდობის საქმეთა მინისტრს ლევან ყიფიანს შეხვდა, შეხვედრის დასრულების შემდეგ კი ჟურნალისტებს და გულშემატკივრებს სხვადასხვა საინტერესო კითხვაზე უპასუხა.

17 მაისს, საქართველოს სპორტისა და ახალგაზრდობის საქმეთა მინისტრი ლევან ყიფიანი და ადმინისტრაციული დეპარტამენტის უფროსი აკაკი ლოდია ზესტაფონს სტუმრობდნენ.

19 მაისს, სპორტის და ახალგაზრდობის საქმეთა  სამინისტროს და სასჯელაღსრულების, პრობაციისა და იურიდიულ საკითხთა სამინისტროს თაოსნობით პრობაციონერებს შორის მინი-ფეხბურთის ტურნირი ჩატარდა. შეჯიბრება, რომელსაც სპორტისა და ახალგაზრდობის საქმეთა სამინისტროს გვერდით მდებარე მინი-მოედანმა უმასპნძლა 8 გუნდს შორის ჩატარდა.

სამშაბათს ლანჩხუთში სპორტის მინისტრი ლევან ყიფიანი იმყოფებოდა, რომელმაც მაჟორიტარ დეპუტატ თემურ ჩხაიძესთან, გამგებელ ზაზა ურუშაძესა და საკრებულოს სპორტის კომისიის თავმჯდომარე გოჩა ჯანაშიასთან სამუშაო შეხვედრა გამართა.

51 წლის ასაკში გარდაიცვალა ვეტერანი კალათბურთელი, გასული საუკუნის 80-იანი წლების თბილისის დინამოს ერთ-ერთი ლიდერი, საერთაშორისო კლასის სპორტის ოსტატი გელა დარსაძე. ბოლო ხანს ის საკალათბურთო გუნდის „ქუთაისი 2010"-ის მწვრთნელი გახლდათ.

12-13 მაისს საქართველოს სპორტისა და ახალგაზრდობის საქმეთა მინისტრი ლევან ყიფიანი საქმიანი ვიზიტით აზერბაიჯანში იმყოფებოდა. ლევან ყიფიანი აზერბაიჯანის სპორტისა და ახალგაზრდობის საქმეთა მინისტრს აზად რაგიმოვს შეხვდა და ურთიერთთანამშრომლობაზე ესაუბრა.

გუშინ, 13 მაისს, 16:17 საათზე, ავღანეთში, NATO-ს ოპერაციაში მონაწილე საქართველოს შეიარაღებული ძალების ბაზაზე მასშტაბური ტერორისტული თავდასხმა განხორციელდა, რასაც 3 ქართველი სამხედრო მოსამსახურე შეეწირა: უმცროსი სერჟანტი ზვიად დავითაძე, კაპრალი ალექსანდრე კვიწინაძე და კაპრალი ვლადიმერ შანავა. ისინი საქართველოს შეიარაღებული ძალების მე-4 ქვეითი ბრიგადის 42-ე ბატალიონში მსახურობდნენ.