სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

კატეგორია : ფეხბურთი თარიღი : 2008 მაისი 31
დღეს, 31 მაისს საქართველოს ეროვნული ნაკრები ფეხბურთში ქალაქ ვიზეუში ამხანაგურ შეხვედრას გამართავს პორტუგალიის ეროვნულ გუნდთან. პორტუგალიელთათვის ქართველების წინააღმდეგ მატჩი ბოლო საკონტროლო შეხვედრაა ევროპის ჩემპიონატზე გამგზავრების წინ  და ამიტომ, მასპინძლები უძლიერესი შემადგენლობით ითამაშებენ.
კატეგორია : ფეხბურთი თარიღი : 2008 მაისი 28
ტალინში საქართველოს ეროვნულმა ნაკრებმა დროებითი თავკაცის, ხორვატი პეტარ სეგრტის ხელმძღვანელობით ამხანაგური მატჩი გამართა ესტონეთის ნაკრებთან. თამაშის განმავლობაში ჩვენი გუნდი 0:1-ს აგებდა, თუმცა მატჩის დასრულებამდე 8 წუთით ადრე ნაკრები 17 წლის ლევან ყენიამ იხსნა.
კატეგორია : ფეხბურთი თარიღი : 2008 მაისი 27
3 ივნისს "ეროვნულ" სტადიონზე,საქართველოს ნაკრების ბომბარდირის, შოთა არველაძის გამოსათხოვარი მატჩი გაიმართება. საქართველოს მოქმედი და ვეტერანი მოთამაშეებით დაკომპლექტებული გუნდი მსოფლიო ფეხბურთის ვარსკვლავებს - "არველაძის მეგობრებს" დაუპირისპირდება. 27 მაისს, კაფე "მსოფლიო სპორტში" მატჩის ორგანიზატორები შოთა არველაძესთან ერთად ჟურნალისტებს შეხვდნენ და წინასამატჩო სამზადისზე მიაწოდეს ინფორმაცია. (ფოტოგალერეა)
კატეგორია : ფეხბურთი თარიღი : 2008 მაისი 27
27 მაისს საქართველოს ეროვნული ნაკრები ტალინში ესტონეთის ნაკრებს ამხანაგურ შეხვედრაში დაუპირისპირდება. მატჩის პირდაპირ ტრანსლაციას თბილისის დროით 19:00 საათიდან "საზოგადოებრივი მაუწყებელი" გეგმავს. ამ შეხვედრაში საქართველოს ნაკრების მთავარი მწვრთნელის პოსტზე დებიუტი ელის ხორვატ პეტარ სეგრტს.
კატეგორია : ფეხბურთი თარიღი : 2008 მაისი 27
ლიტვის ჩემპიონი „კაუნასი“ ერთ-ერთ ქართველ ლეგიონერს შეელია – 29 წლის გივი კვარაცხელია ბელარუსში, კერძოდ „მტზ-რიპოში“ გადავიდა. კვარაცხელია „კაუნასში“ 2005 წლიდან თამაშობდა. 2006 და 2007 წლებში ის ლიტვის ჩემპიონი გახდა. როგორც „კაუნასს“ ისევე „მტზ-რიპოს“ მილიარდელი ვლადიმირ რომანოვი ფლობს (რომლის საკუთრებაა აგრეთვე შოტლანდიური „ჰართსი“).
კატეგორია : ფეხბურთი თარიღი : 2008 მაისი 25
საქართველოს ნაკრების 26 წლის მცველი ოთარ ხიზანეიშვილი "ფრაიბურგიდან" "აუგსბურგში" გადავიდა. ოთარმა "ფრაიბურგში" ოთხი სეზონი გაატარა და სულ 31 მატჩში 1 გოლი გაიტანა (აქედან ბუნდესლიგაში 8 მატჩი). ბოლო სეზონში მან სულ ორ მატჩში მიიღო მონაწილეობა, რაც მისი კლუბიდან წასვლის მიზეზიც გახდა.
კატეგორია : ფეხბურთი თარიღი : 2008 მაისი 23
23 მაისს "ეროვნულ" სტადიონზე აფხაზეთის ფეხბურთის 100 წლისთავისადმი მიძღვნილი,ამხანაგური შეხვედრა ჩატარდა, რომელშიც ერთმანეთის პირისპირ საქართველოს კლუბებისა და აფხაზეთის ნაკრებები წარსდგნენ. მატჩი ფრედ - 1:1 დასრულდა. აფხაზეთის ნაკრებიდან გოლი თემურ ქეცბაიამ გაიტანა, მეტოქე გუნდიდან კი დავით მუჯირმა. (ფოტოგალერეა)
კატეგორია : ფეხბურთი თარიღი : 2008 მაისი 21
საქართველოს ნაკრების ყველა დროის საუკეთესო ბომბარდირი - 35 წლის შოთა არველაძე 21 მაისს საღამოს თბილისში ჩამოვიდა. არველაძე საფეხბურთო კარიერას ასრულებს და გამოსათხოვარი მატჩისათვის ემზადება, რომელიც 3 ივნისს "ეროვნულ" სტადიონზე გაიმართება. ერთმანეთს შოთას მეგობრები, საქართველოს ნაკრები წევრები და ევროპული ფეხბურთის ვარსკვლავები შეხვდებიან. (ფოტოგალერეა)
კატეგორია : ფეხბურთი თარიღი : 2008 მაისი 21
21 მაისს, საქართველოს ფეხბურთელთა ეროვნულმა ნაკრებმა, მთავარი მწვრთნელის მოვალეობის შემსრულებლის პეტარ სეგრტის თავკაცობით, პირველი ვარჯიში, გლდანში, საფეხბურთო კლუბ "ამერის” სტადიონზე გამართა. ეროვნული ნაკრები, 27 მაისს, სტუმრად ესტონეთის ეროვნულ გუნდს შეხვდება, ხოლო 31 მაისს, პორტუგალიაში ადგილობრივ ეროვნულ ნაკრებს დაუპირისპირდება. (ფოტოგალერეა)
კატეგორია : ფეხბურთი თარიღი : 2008 მაისი 20
20 მაისს "სფფ"-ში გამართულ პრესკონფერენციაზე საქართველოს ეროვნული ნაკრების მთავარი მწვრთნელის მოვალეობის შემსრულებელმა - პეტარ სეგრტმა იმ 34 ფეხბურთელის ვინაობა დაასახელა, რომლებიც 27 მაისს ესტონეთთან და 31 მაისს პორტუგალიასთან სტუმრად ჩასატარებელი ამხანაგური მატჩებისთვის მოემზადებიან.