სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: საქართველო 5:0 ლატვია

თარიღი: 2017 მარტი 29


საქართველოს ეროვნულმა ნაკრებმა 2017 წელს პირველი შეხვედრა მოიგო: ვლადიმირ ვაისის გუნდმა ლატვია ამხანაგურ შეხვედრაში 5:0 გაანადგურა!

ვაისის ნაკრებმა პირველი ტაიმი 2:0 მოიგო. მე-18 წუთზე ჯანო ანანიძემ გიორგი ქვილითაიას წაქცევისთვის დანიშნული პენალტი გოლად აქცია, 33-ე წუთზე კი თავად ქვილითაიამ გაიტანა: ეფექტურად, კუთხურის შემდეგ გადაგზავნა ბურთი ლატვიელთა კარში.

მეორე ტაიმში საქართველომ 3 გოლი გაიტანა. 66-ე წუთზე ქვილითაიამ თავური დარტყმით დუბლი შეასრულა, 77-ე წუთზე ჯანო ანანიძემაც დუბლი მიითვალა - საჯარიმოს გარედან უძლიერესი გასროლით შეაგდო გოლი, 89-ე წუთზე კი გიორგი არაბიძემ სტანდარტული შეასრულა უნაკლოდ - 5:0.

ეს იყო მეტოქეთა მერვე დაპირისპირება. საქართველომ და ლატვიამ 3-3 მატჩი მოიგეს, 2-ჯერ კი ფრედ ითამაშეს. გუშინდელი გამარჯვების წყალობით, „ჯვაროსნებს" ბურთების უკეთესი სხვაობა აქვთ - 14:10. საგულისხმოა, რომ საქართველომ სამივე შემთხვევაში ამხანაგურ დაპირისპირებაში იმარჯვა, ოფიციალურ მატჩებში კი ლატვიელებმა ორჯერ მოიგეს, ორჯერაც ფრედ ითამაშეს. აქვე გეტყვით, რომ საქართველოს ნაკრებმა პირველად სძლია მეტოქეს დიდი ანგარიშით და პირველად 1998 წლის და ხუთი მოუგებელი მატჩის შემდეგ.

და ბოლოს: ეს პირველი „ჯვაროსნების" პირველი მოგება დიდი ანგარიშით 2015 წლის 8 ოქტომბერის შემდეგ. იმ დღეს საქართველომ ევრო 2016-ის საკვალიფიკაციო ტურნირში გიბრალტარს უმასპინძლა და 4:0 სძლია.

28 მარტი, 2017. ამხანაგური. თბილისი, ბორის პაიჭაძის სახელობის დინამო არენა. 14000
5:0 ლატვია
გოლებ: 1:0 ჯანო ანანიძე (18, პენ), 2:0 გიორგი ქვილითაია (33), 3:0 გიორგი ქვილითაია (66), 4:0 ჯანო ანანიძე (77), 5:0 გიორგი არაბიძე (89)
საქართველო: გიორგი მაკარიძე, უჩა ლობჟანიძე, დავით ხოჭოლავა, გურამ კაშია (კაპ), გიორგი ნავალოვსკი (ჯიმი ტაბიძე 78), ნიკა კვეკვესკირი, ვაკო გვილია (ოთარ კიტეიშვილი 36), ჯანო ანანიძე (ვაკო ყაზაიშვილი 83), ჯაბა ჯიღაური (გიორგი არაბიძე 63), ლადო დვალიშვილი (სანდრო კობახიძე 63), გიორგი ქვილითაია (ნიკა კაჭარავა 78)
მწვრთნელი: ვლადიმირ ვაისი (სლოვაკეთი)
ლატვია: ანდრის ვანინსი (პაველს შტეინბორსი 46), ვიტალის მაქსიმენკო, ვიტალის იაგოდინსკისი (მარცის ოშსი 46), კასპარს გორკშსი (კაპ), ალექსანდრს სოლოვიოვსი, ოლეგს ლაიზანსი (არტის ლაზდინში 81), იანის იკაუნიეკსი, გლებს კლუშკინსი (ივანს ლუკიანოვსი 65), ალექსეი ვიშნაკოვსი (დენის რაკელსი 46), დავის იკაუნიეკსი, გირტს კარლსონსი (ვალერის შაბალა 46)
მწვრთნელი: მარიან პაჰარსი
გაფრთხილება: ლადო დვალიშვილი, გლებს კლუშკინსი, დავის იკაუნიეკსი, ვიტალის მაქსიმენკო, დავით ხოჭოლავა, იანის იკაუნიეკსი, გურამ კაშია
მსაჯები: სურენ ბალიანი; მესროპ ღაზარიანი, ატომ სევგულიანი (სომხეთი)

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.
კატეგორია : ფეხბურთი თარიღი : 2017 დეკემბერი 04
2 დეკემბერს, გორის თენგიზ ბურჯანაძის სახელობის სტადიონზე საქართველოს დავით ყიფიანის სახელობის თასის 2017 წლის გათამაშების ფინალი გაიმართა.
კატეგორია : ფეხბურთი თარიღი : 2017 დეკემბერი 01
მიხეილ მესხის სახელობის სტადიონის VIP დარბაზმა საქართველოს სპორტულ ჟურნალისტთა ასოციაციის მიერ გამოცემული წიგნის - „ვიტალი დარასელია 60" - პრეზენტაციას უმასპინძლა.
კატეგორია : ფეხბურთი თარიღი : 2017 ნოემბერი 29
24 ნოემბერს ესპანეთში, ბასკეთის ავტონომიის ქალაქ ეიბარში საქართველოს სპორტისა და ახალგაზრდობის საქმეთა სამინისტროს და საქართველოს სპორტულ ჟურნალისტთა ასოციაციის მიერ ერთობლივად გამოცემული წიგნის - „ბასკებით დაწყებული ისტორია" - პრეზენტაცია გაიმართა. წიგნის ავტორი სსჟა-ს აღმასრულებელი კომიტეტის წევრი, სპორტული ჟურნალისტი ლაშა გოდუაძე გახლავთ.
კატეგორია : ფეხბურთი თარიღი : 2017 ნოემბერი 27
საქართველოს საფეხბურთო ჩემპიონატის 2017 წლის სეზონი ქუთაისის „ტორპედოს" ტრიუმფით დასრულდა. ქუთაისლებმა ჩემპიონობა თბილისის „დინამოსთან" შეხვერდაში „დინამო არენაზე" მოიპოვეს.