სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფუტსალი: საქართველო 2:2 იტალია - ნაკრები ევროპის ჩემპიონატის ფლეი ოფშია!

თარიღი: 2017 აპრილი 12


საქართველოს ფუტსალის ნაკრებმა მეორე შესარჩევი ეტაპის უკანასკნელ შეხვედრაში ჯგუფის ფავორიტ იტალიასთან ფრედ 2:2 ითამაშა, მეორე ადგილი დაიკავა და ახლა ფლეი ოფში ეცდება ევრო 2018-ის საგზურის მოპოვებას.

ავთანდილ ასათიანის გუნდი იტალიასთან გადამწყვეტ მატჩს 2 ქულით შეხვდა. საწყის შეხვედრებში, 8 და 9 აპრილს, „ჯვაროსნებმა" ერთნაირი ანგარიშით 1:1 ითამაშეს ჰოლანდიასთან და ბელარუსთან. მიუხედავად იმისა, რომ გადამწყვეტ მატჩს სტუმრები 2:0-ს იგებდნენ (მათ პირველი ადგილი განაღდებული ჰქონდათ), ქართველმა ფეხბურთელებმა ანგარიშის გათანაბრება და მესამე ქულის მოპოვება მოახერხეს.

საქართველოს ნაკრების მეტოქე ფლეი ოფში 6 ივლისს, შვეიცარიის ქალაქ ნიონში, უეფას შტაბ-ბინაში დაგეგმილი წილისყრის შემდეგ გაირკვევა. ასათიანის გუნდის შესაძლო მეტოქეები არიან უნგრეთი, ხორვატია, რუმინეთი, სერბეთი, პოლონეთი, ჩეხეთი და საფრანგეთი. ევრო 2018-ის უკანასკნელი ოთხი მონაწილე ორმატჩიანი დაპირისპირებით - შინ და გარეთ - გამოვლინდება. ფლეი ოფის თამაშები 10-13 და 24-27 სექტემბერს გაიმართება.

ევროპის 2018 წლის ჩემპიონატს გაისად, 30 იანვრიდან 10 თებერვლის ჩათვლით სლოვენია უმასპიძლებს. სლოვენიელთა მხარდამხარ ფინალურ ეტაპზე ასპარეზობა უკვე გაინაღდეს იტალიის, აზერბაიჯანის, უკრაინის, პორტუგალიის, ესპანეთის, ყაზახეთის და რუსეთის ნაკრებმა გუნდებმა.

შეგახსენებთ, რომ საქართველოს ფუტსალის ნაკრებმა ევროპის საგაისო ჩემპიონატისკენ სვლა პირველი საკვალიფიკაციო ეტაპიდან დაიწყო. იანვრის მიწურულს „ჯვაროსნებმა" თბილისში უმასპინძლეს მეტოქეებს და დიდი უპირატესობით გაიმარჯვეს: ისრაელთან 3:0, შოტლანდიასთან 11:0, შვეიცარიასთან 6:3.

8 აპრილი, 2017. ევრო 2018-ის II საკვალიფიკაციო ეტაპი. თბილისის ოლიმპიური სასახლე. 1000
1:1 ჰოლანდია
გოლებ: 1:0 არჩილ სებისკვერაძე (6), 1:1ელ ჯანუტი (27)
საქართველო: ზვიად კუპატაძე (მეკარე), შოთა ჭანუყვაძე, ირაკლი თოდუა, ვახტანგ ჯვარაშვილი, არჩილ სებისკვერაძე; ალექსანდრე ჯამბურია (მეკარე), მურთაზ კაკაბაძე, გიორგი ნიშნიანიძე, შოთა თოფურია, ლევან კობაიძე, კახა მაისაია, დავით ბობოხიძე (კაპ), ნიკა კურტანიძე
მწვრთნელი: ავთანდილ ასათიანი
ჰოლანდია: როზენბეეკი (მეკარე), ელ ჯანუტი, მაკრაო, ბუზამბუ, ელ მორაბიტი (კაპ); კუიუკი (მეკარე), საადუნი, მოსაუი, სენტ ჯასტი, ველსებოერი, ატაიბი, ბუუზანი, ჯორდანი, ალუჩი
მწვრთნელი: მაქსიმილაან ტიადენი
გაფრთხილება: ბუზამბუ, მოსაუი, მურთაზ კაკაბაძე
მსაჯები: ოლეგ ივანოვი (უკრაინა), ნორბერტ შილაგი (უნგრეთი), ოზან სოიქანი (თურქეთი)

9 აპრილი, 2017. ევრო 2018-ის II საკვალიფიკაციო ეტაპი. თბილისის ოლიმპიური სასახლე. 1000
1:1 ბელარუსი
გოლებ: 1:0 რონინიო და სილვა (22), 1:1 ჩერნიკი (22)
საქართველო: ზვიად კუპატაძე (მეკარე), შოთა ჭანუყვაძე, ირაკლი თოდუა, რონინიო და სილვა, არჩილ სებისკვერაძე; ალექსანდრე ჯამბურია (მეკარე), მურთაზ კაკაბაძე, გიორგი ნიშნიანიძე, შოთა თოფურია, ლევან კობაიძე, კახა მაისაია, დავით ბობოხიძე (კაპ), ვახტანგ ჯვარაშვილი, ნიკა კურტანიძე
მწვრთნელი: ავთანდილ ასათიანი
ბელარუსი: გოლოვნიოვი (მეკარე), როგოვიკი, ჟიგალკო, რაბიკო, გონჩაროვი; შჩერბაჩენია (მეკარე), ოლშევსკი, სილივონჩიკი, ჩერნიკი (კაპ), გუსაკოვი, ალეინიკოვი, კრიუკინი, გორბენკო, ჩეხოვსკი
მწვრთნელი: ანდრეი ტოლმაჩი
გაფრთხილება: შოთა ჭანუყვაძე, ოლშევსკი
მსაჯები: ნორბერტ შილაგი (უნგრეთი), ადმირ ზაჰოვიჩი (სლოვენია), ოლეგ ივანოვი (უკრაინა)

11 აპრილი, 2017. ევრო 2018-ის II საკვალიფიკაციო ეტაპი. თბილისის ოლიმპიური სასახლე. 3300
2:2 იტალია
გოლებ: 0:1 რომანო (10), 0:2 ბოავენტურა (12), 1:2 ერკოლესი (16, სკ), 2:2 პუტანო (25, სკ)
საქართველო: ზვიად კუპატაძე (მეკარე), შოთა ჭანუყვაძე, ირაკლი თოდუა, რონინიო და სილვა, არჩილ სებისკვერაძე; ალექსანდრე ჯამბურია (მეკარე), მურთაზ კაკაბაძე, გიორგი ნიშნიანიძე, შოთა თოფურია, ლევან კობაიძე, კახა მაისაია, დავით ბობოხიძე (კაპ), ვახტანგ ჯვარაშვილი, ნიკა კურტანიძე
მწვრთნელი: ავთანდილ ასათიანი
იტალია
: პუტანო (მეკარე), ერკოლესი, ლიმა (კაპ), ონორიო, პატიასი; მოლიტიერნო (მეკარე), რომანო, სკინინა, ბოავენტურა, ფორტინო, მერლიმი, კალდეროლი, კავინატო, ბორდინიონი
მწვრთნელი: რობერტო მენიჩელი
გაფრთხილება: შოთა ჭანუყვაძე, არჩილ სებისკვერაძე, პუტანო, ზვიად კუპატაძე, კავინატო
მსაჯები: ოლეგ ივანოვი (უკრაინა), ოზან სოიქანი (თურქეთი), ადმირ ზაჰოვიჩი (სლოვენია)

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2017 ივლისი 24
დღეს თბილისის დინამოს ისტორიაში პირველი საერთაშორისო მატჩის 80 წლის იუბილეა: 1937 წლის 24 ივლისს საქართველოს საუკეთესო კლუბმა ბასკეთის ნაკრებს თბილისში, ლავრენტი ბერიას სახელობის დინამოს სტადიონზე უმასპინძლა. ამხანაგური მატჩი სტუმრების გამარჯვებით დასრულდა - 0:2.
კატეგორია : ფეხბურთი თარიღი : 2017 ივლისი 17
19-წლამდელ ფეხბურთელთა ევროპის ჩემპიონატის ფინალში ინგლისმა 2:1 დაამარცხა პორტუგალია და ამ ასაკში პირველად მოიპოვა კონტინენტის უძლიერესი გუნდის ტიტული. თავის მხრივ პორტუგალია, რომელმაც ინგლისის დარად მესამედ ითამაშა ფინალში, კვლავ მეორე ადგილზე დარჩა.
კატეგორია : ფეხბურთი თარიღი : 2017 ივლისი 13
ევროპის 19-წლამდელთა ჩემპიონატის ფინალში ინგლისის და პორტუგალიის ნაკრებები ითამაშებენ. ფინალური შეხვედრა 15 ივლისს, გორში, თენგიზ ბურჯანაძის სახელობის სტადიონზე გაიმართება. თამაში 20 საათზე დაიწყება.
კატეგორია : ფეხბურთი თარიღი : 2017 ივლისი 12
საქართველოს 2016 წლის ჩემპიონმა სამტრედიამ ევროსეზონის პირველი შეხვედრა აზერბაიჯანის უძლიერეს კლუბთან ყარაბაღთან 0:5 წაგებით გახსნა. საპასუხო შეხვედრა 18 ივლისს, თბილისში, ბორის პაიჭაძის სახელობის დინამო არენაზე გაიმართება.
კატეგორია : ფეხბურთი თარიღი : 2017 ივლისი 06
საქართველოს 19-წლამდელთა ნაკრებმა ევროპის ჩემპიონატზე მეორე შეხვედრა ჩაატარა: თბილისში, მიხეილ მესხის სახელობის სტადიონზე შვედეთს 2:1 სძლია. ჩვენი ჯგუფის მეორე მატჩში პორტუგალიამ ამავე ანგარიშით სძლია ჩეხეთს და 1/2-ფინალში ასპარეზობა გაინაღდა.