სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: ვიტალი დარასელიას სახელობის მეორე ტურნირი დაიწყო

თარიღი: 2017 აპრილი 20



ვიტალი დარასელიას სახელობის მეორე საერთაშორისო ტურნირი 17-წლამდელ ფეხბურთელთა შორის დღეს დინამო თბილისის საფეხბურთო აკადემიაში საზეიმოდ გაიხსნა.

დინამო თბილისი, იტალიის ინტერი, აზერბაიჯანის გაბალა, ბელგიის გენტი, შარშანდელი ტურნირის ჩემპიონი - ჰოლანდიის ალკმაარი, თურქეთის ტრაბზონსფორი, ხორვატიისა და უკრაინის დინამოები - წლევანდელ ტურნირში ეს გუნდები მონაწილეობენ. დინამო თბილისის 17-წლამდელთა გუნდი (მთავარი მწვრთნელი ვლადიმერ გოჩაშვილი) A ჯგუფში მოხვდა ინტერთან, გენტთან და გაბალასთან ერთად.

ტურნირის გახსნის საზეიმო ცერემონიალში დინამო თბილისის პრეზიდენტი რომან ფიფია, სპორტისა და ახალგაზრდობის საქმეთა მინისტრი ტარიელ ხეჩიკაშვილი, ექს-დინამოელი, საქართველოს ვიცე-პრემიერი, ენერგეტიკის მინისტრი კახი კალაძე და ვეტერანი ფეხბურთელები მონაწილეობდნენ.

სპორტისა და ახალგაზრდობის საქმეთა მინისტრმა ტარიელ ხეჩიკაშვილმა განაცხადა: „დღეს ჩვენ ლეგენდარული ქართველი ფეხბურთელის ვიტალი დარასელიას სახელობის მეორე საერთაშორისო ტურნირის გახსნაზე ვიმყოფებით. დინამო თბილისის პრეზიდენტმა ბატონმა რომან ფიფიამ შარშან მშვენიერ შეჯიბრებას ჩაუყარა საფუძველი და სასიხარულოა, რომ ეს ტურნირი წლეულს გაცილებით წარმომადგენლობითია. ამ დღეებში იუნიორ დინამოელებს არაერთ ძლიერ გუნდთან მოუწევთ დაპირისპირება, რაც ადასტურებს, რომ ამ შეჯიბრის პრესტიჟი და მნიშვნელობა წლიდან წლამდე იზრდება. გადაუჭარბებლად შეიძლება ითქვას, რომ ასეთი მაღალი დონის ასაკობრივი საერთაშორისო ტურნირები ხელს უწყობს ქართული ფეხბურთის განვითარებას, ფასდაუდებელ გამოცდილებას სძენს დამწყებ მოთამაშეებს. ამისთვის მსურს გულწრფელი მადლობა გადავუხადო ამ ტურნირის მესვეურებს და ორგანიზატორთა ჯგუფს. ქართული ფეხბურთის ისტორიაში ყველაზე მნიშვნელოვანი გოლის ავტორი ვიტალი დარასელია სამუდამოდ ჩაეწერა ჩვენი სპორტის ისტორიაში. მიხარია, რომ დინამო თბილისმა ბატონ ვიტალის ხსოვნას რამდენიმე წლის წინ ამ შესანიშნავი საფეხბურთო აკადემიით მიაგო პატივი, აგერ უკვე მეორე წელიწადია კი მისი სახელობის პრესტიჟულ საერთაშორისო შეჯიბრებას ატარებს".

ჯგუფური ეტაპის თამაშები 20, 21 და 22 აპრილს გაიმართება, 24 აპრილს ნახევარფინალური პაექრობები შედგება, 25 აპრილს კი ჩემპიონი და საპრიზო ადგილზე გასული გუნდები გამოვლინდებიან.

სამინისტროს პრესსამსახური

ფოტოგალერეა

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.