სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: საქართველო 3:0 სენტ კიტსი და ნევისი

თარიღი: 2017 ივნისი 08


საქართველოს ეროვნულმა ნაკრებმა სენტ კიტსის და ნევისის ნაკრებს მიხეილ მესხის სახელობის სტადიონზე უმასპინძლა. ამხანაგური შეხვედრა ქართველი ფეხბურთელების გამარჯვებით დასრულდა - 3:0.

ვლადიმირ ვაისის გუნდს 11 ივნისს, მოლდოვის დედაქალაქ კიშინიოვში მსოფლიო ჩემპიონატის შესარჩევი მატჩი ელის მასპინძელთა გუნდთან. სენტ კიტსის და ნევისის ნაკრებთან საწვრთნელი თამაში სწორედ ამ შეხვედრისთვის მოსამზადებლად დაიგეგმა. ცნობისათვის: ეროვნული გუნდი პირველად გაეჯიბრა კონკაკაფის ზონის წარმომადგენელს.

ეროვნულმა ნაკრებმა ყველა გოლი მეორე ტაიმში გაიტანა. მიუხედავად იმისა, რომ საწყის 45 წუთში ქართველი ფეხბურთელები დიდ უპირატესობას ფლობდნენ, სტუმართა კარის დალაშქვრა ვერ შეძლეს. შესვენების შემდეგ კი ვლადიმირ ვაისის მიერ განხორციელებულმა ცვლილებებმა სასურველი შედეგი გამოიღო. ეს განსაკუთრებით გიორგი არაბიძის გამოჩენაზე ითქმის - დონეცკის შახტარის ახალგაზრდა ფეხბურთელმა ეროვნული გუნდის შეტევას მეტი სიმძაფრე და სილამაზე შემატა, რაც გოლებშიც აისახა.

გიორგი არაბიძემ ორივე გოლი სტანდარტულიდან გაიტანა. ორივე შემთხვევაში სტუმრებმა მის წინააღმდეგ თამაშისას დაარღვიეს წესი. 51-ე წუთზე გიორგიმ შესანიშნავად შეასრულა საჯარიმო დარტყმა, 73-ე წუთზე კი 11-მეტრიანი ნიშნულიდან არ დაუტოვა შანსი მეკარეს. მესამე გოლი ასევე შეცვლაზე შესულმა ლადო დვალიშვილმა შეაგდო - მეკარის საჯარიმოსთან უმეთვალყურეოდ დარჩენილმა ერთი შეხებით დალაშქრა კარი.

„საქართველოს ნაკრებმა ვერ აჩვენა ის ფეხბურთი, რომელიც გვინდოდა რომ გვენახა. ამის მიზეზი რამდენიმე ფეხბურთელის არასასურველი ფორმაცაა... გიორგი არაბიძე მშვენიერი მოთამაშეა, ასეთი დონის შეხვედრებში მისი მსგავსი ფეხბურთელები დიდ როლს თამაშობენ, თუმცა მიმაჩნია, რომ მისთვის 90 წუთის თამაში მაინც ადრეა... მიმაჩნია, რომ გოლი უფრო ადრე რომ გაგვეტანა, სხვანაირი თამაში იქნებოდა... გიორგი მერებაშვილი? მას შემდეგ, რაც ეროვნულ გუნდს ვწვრთნი, ის პირველად ვათამაშე და ვფიქრობ, არაერთი ქართველი ფეხბურთელის დარად, მასაც უჭირს ბურთთან განშორება... მოლდოვასთან მატჩზე წინასწარ ვერაფერს გეტყვით, მხოლოდ ის შემიძლია დაგპირდეთ, რომ გუნდი მხოლოდ მოსაგებად ითამაშებს და საამისოდ ძალას არ დაიშურებს", - განაცხადა ვლადიმირ ვაისმა.

საქართველოს ეროვნული ნაკრები მოლდოვაში 10 ივნისს, შაბათს გაემგზავრება.

7 ივნისი, 2017. ამხანაგური. თბილისი, მიხეილ მესხი. 4000
3:0 სენტ კიტსი და ნევისი
გოლებ: 1:0 გიორგი არაბიძე (51), 2:0 გიორგი არაბიძე (73, პენ), 3:0 ლადო დვალიშვილი (80)
საქართველო: გიორგი მაკარიძე, გიორგი ნავალოვსკი (ლაშა შერგელაშვილი 77), გურამ კაშია, ოთარ კაკაბაძე (საბა კვირკველია 73), ჯიმი ტაბიძე, ჯაბა კანკავა (კაპ), გიორგი მერებაშვილი, ნიკა კვეკვესკირი (ბუბა დაუშვილი 46), ვაკო ყაზაიშვილი (ლადო დვალიშვილი 67), ბაჩანა არაბული (გიორგი არაბიძე 46), ნიკა კაჭარავა (ელგუჯა ლობჟანიძე 67)
მწვრთნელი: ვლადიმირ ვაისი (სლოვაკეთი)
სენტ კიტსი და ნევისი: ჯამალ ჯეფერსი, ჯეისონ სენტ ჯასტი (მაიკლ ნოტინგემი 88), თეო უარტონი, ლუი მეინარდი, კიმარეე როჯერსი (გვონ ამორი 56), ჰარი პანაიოტუ (ჯეიკობ ჰეზელი 89), თრიზენ ლიდერი (კაპ), რაჰიმ სომერსელი (ომარი სტერლინგ-ჯეიმსი 75), ჯასტინ სპრინგერი, ზეფანია თომასი (ჯერარდ უილიამსი 65), რომეინ სეიერსი
მწვრთნელი: ჟაკ პასი
გაფრთხილება: კიმარეე როჯერსი, რომეინ სეიერსი, ჯერარდ უილიამსი, ჯიმი ტაბიძე
მსაჯები: ზავენ ოვანისიანი; ერიკ არევშატიანი, ვანიკ სიმონიანი (სომხეთი)

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.