სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: 2017-2018 წლების ევროსეზონი ევროპალიგით დაიწყო

თარიღი: 2017 ივნისი 30


ქართულმა კლუბებმა 2017-2018 წლების ევროსეზონი გუშინ, 29 ივნისს დაიწყეს. სამწუხაროდ, ევროპალიგის პირველი საკვალიფიკაციო ეტაპის პირველ შეხვედრაში სამივე ქართული კლუბი დამარცხდა.

ქვეყნის ვიცე-ჩემპიონმა საჩხერის ჩიხურამ ავსტრიის პირველობის მეოთხეადგილოსან ალტახის რაინდორფთან 0:1 წააგო. სტუმრებმა ერთადერთი გოლი თამაშის დასაწყისშივე გაიტანეს - ჩიხურას მცველები შეცდნენ და ავსტრიელთა კამერუნელ თავდამსხმელს ლუის ნგვატ-მაჰოპს დინო ჰამზიჩის კარის ახლო მანძილიდან დალაშქვრა არ გაუჭირდა.

ჩემპიონატის მესამეადგილოსანმა ბათუმის დინამომ პოლონეთის ვიცე-ჩემპიონს ბიალისტოკის იაგიელონიას ქუთაისში, რამაზ შენგელიას სახელობის სტადიონზე უმასპინძლა. პოლონელებმა ერთადერთი გოლი 49-ე წუთზე გაიტანეს - სილიან შერიდანმა გამოიჩინა თავი. მას ჯერ კიდევ მე-16 წუთზე შეეძლო ანგარიშის გახსნა, თუმცა ბათუმელთა მეკარემ ანატოლი ტიმოფეევმა მისი პენალტი მოიგერია. 11-მეტრიანი საჯარიმო დარტყმა მირზა ფარტენაძის მიერ იაცეკ გორალსკის წინააღმდეგ წესების დარღვევის გამო დაინიშნა.

საქართველოს თასის მფლობელი ქუთაისის ტორპედო სლოვაკეთში ტრენჩინთან განადგურდა. მიუხედავად იმისა, რომ გიორგი გურულის გოლით ტორპედო იგებდა, მასპინძლებმა საშინაო შეხვედრის სასურველი ანგარიშით დასრულება მოახერხეს. ტრენჩინის მეხუთე გოლი ქართველმა ლეგიონერმა გიორგი ბერიძემ შეაგდო.

საპასუხო მატჩები 6 ივლისს გაიმართება.

29 ივნისი, 2017. ევროპალიგა - პირველი საკვალიფიკაციო ეტაპი. ბორის პაიჭაძის სახელობის დინამო არენა
ჩიხურა (საჩხერე) 0:1 რაინდორფი (ალტახი, ავსტრია)
გოლი
: 0:1 ლუის ნგვატ-მაჰოპი (4)
ჩიხურა: დინო ჰამზიჩი, გიორგი განუგრავა, მიხეილ სარდალიშვილი, გიორგი კორიფაძე, დიმიტრი ტატანაშვილი, ლევან კაკუბავა, ლაშა ჩიკვაიძე, ზაზა ჭელიძე (პაპუნა ფონიავა 67), შოთა კაშია (კაპ), თორნიკე გორგიაშვილი (გიორგი გაბედავა 83), ნიკა გელაშვილი (ბესიკ დეკანოიძე 71)
მწვრთნელი: სოსო ფრუიძე
რაინდორფი: მარტინ კობრასი, ლუკას გალვაო, ფილიპ ნეტცერი (კაპ), ემანუელ საკიჩი, ქრისტიან გებაუერი (მუმი ნგამალეუ 64), პატრიკ სალომონი, სიმონ პაისინგერი, შტეფან ნუცი (კრისტიან დობრასი 83), ბენედიკტ ზეხი, ჰანს აიგნერი (ადრიან გრბიჩი 74), ლუის ნგვატ-მაჰოპი
მწვრთნელი: კლაუს შმიდტი
გაფრთხილება: შოთა კაშია, ლაშა ჩიკვაიძე, ლევან კაკუბავა, ლუკას გალვაო
მსაჯები: ერეზ პაპირი; დავიდ ელიას ბიტონი, ლიოზ ედი (ისრაელი)

29 ივნისი, 2017. ევროპალიგა - პირველი საკვალიფიკაციო ეტაპი. ქუთაისი, რამაზ შენგელიას სახელობის სტადიონი
დინამო (ბათუმი) 0:1 იაგიელონია (ბიალისტოკი, პოლონეთი)
გოლი
: 0:1 სილიან შერიდანი (49)
მე-16 წუთზე ანატოლი ფიმოფეევმა სილიან შერიდანის პენალტი მოიგერია
დინამო: ანატოლი ტიმოფეევი, მირზა ფარტენაძე, ბორის მახარაძე, გიორგი ქავთარაძე (მიხეილ გორელიშვილი 78), თემურ შონია (კაპ), ვალერი თევდორაძე (არჩილ ტვილდიანი 65), ანზორ სუხიაშვილი, დავით კვირკველია, ელგუჯა გრიგალაშვილი (ოთარ მარცვალაძე 82), თორნიკე თარხნიშვილი, იაროსლავ კვასოვი
მწვრთნელი: კონსტანტინ ფროლოვი (უკრაინა)
იაგიელონია: მარიან კელემენი, იაცეკ გორალსკი, ტარას რომანჩუკი (კაპ), დმიტრო ხომჩენოვსკი, ლუკაშ ბურლიგა, არვიდას ნოვიკოვასი (ლუკაშ სეკულსკი 75), ფიოდორ ჩერნიხი (პრჟემისლავ მისტკოვსკი 83), გუტიერი ტომელინი, ივან რუნიე, სილიან შერიდანი, პიოტრ ტომასიკი (გილერმე სიტია 50)
მწვრთნელი: ირენეუშ მამროტი
გაფრთხილება: ელგუჯა გრიგალაშვილი, იაცეკ გორალსკი, ვალერი თევდორაძე, ტარას რომანჩუკი, სილიან შერიდანი, არჩილ ტვილდიანი, ლუკაშ სეკულსკი
მსაჯები: ერიკ ლამბრეხტსი; ჯო დე ვეირდტი, კარელ დე როკერი (ბელგია)

29 ივნისი, 2017. ევროპალიგა - პირველი საკვალიფიკაციო ეტაპი. სლოვაკეთი, ტრენჩინი, მესტსკი
ტრენჩინი (სლოვაკეთი) 5:1 ტორპედო (ქუთაისი)
გოლები
: 0:1 გიორგი გურული (10), 1:1 ანტონიო მანსე (36), 2:1ანტონიო მანსე (40), 3:1 ჰამზა ჩატაკოვიჩი (75), 4:1 იაკუბ პაური (81), 5:1 გიორგი ბერიძე (87)
ტრენჩინი: ადრიან ჩოვანი, ლუკაშ სკოვაისა, აბდულ ზუბაირუ, მარტინ შულეკი, გიორგი ბერიძე, ჯეიმს ლოურენსი, იაკუბ პაური (აშრაფ ელ მაჰდიუი 84), დესლი უბინკი, ჰილარი გონგი (მილან კვოცერა 65), პეტერ კლეშჩიკი (კაპ), ანტონიო მანსე (ჰამზა ჩატაკოვიჩი 73)
მწვრთნელი: მარტინ შეველა
ტორპედო: როინ კვასხვაძე (კაპ), ანრი ჭიჭინაძე, დავით ხურცილავა, ოლეგ მამასახლისი (შოთა ბაბუნაშვილი 46), თორნიკე კაპანაძე, გიორგი კუხიანიძე (დავით ხურციძე 82), გიორგი გურული, გრიგოლ დოლიძე, გიორგი ქიმაძე, მერაბ გიგაური, ბექა ტუღუში (მათე კვირკვია 67)
მწვრთნელი: კახა ჩხეტიანი
გაფრთხილება: მერაბ გიგაური, ანტონიო მანსე, მარტინ შულეკი
მსაჯები: ტიმ მარშალი; პოლ რობინსონი, გეორგიოს არგიროპულოსი (ჩრდილოეთი ირლანდია)

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.