სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: 80 წლის წინ - დინამო 0:2 ბასკეთის ნაკრები (ესპანეთი)

თარიღი: 2017 ივლისი 24


თბილისის დინამოს საერთაშორისო მატჩებისადმი მიძღვნილი წიგნი
(საქართველოს სპორტულ ჟურნალისტთა ასოციაცია; 2017)

დღეს თბილისის დინამოს ისტორიაში პირველი საერთაშორისო მატჩის 80 წლის იუბილეა: 1937 წლის 24 ივლისს საქართველოს საუკეთესო კლუბმა ბასკეთის ნაკრებს თბილისში, ლავრენტი ბერიას სახელობის დინამოს სტადიონზე უმასპინძლა. ამხანაგური მატჩი სტუმრების გამარჯვებით დასრულდა - 0:2.

ესპანელებმა 1937 წელს საბჭოთა კავშირში იმოგზაურეს და მოსკოვში, კიევში, თბილისსა და სხვა ქალაქებში რამდენიმე ამხანაგური შეხვედრა ჩაატარეს. ბასკეთის ნაკრების სტუმრობამ საქართველოში უდიდესი ინტერესი გამოიწვია, ამიტომ, დინამოსთან მატჩის შემდეგ მეორე შეხვედრაც გაიმართა - სტუმრებს 27 ივლისს საქართველოს ნაკრებიც გაეჯიბრა. ბასკებმა ის თამაშიც მოიგეს - 3:1.

თბილისის დინამოს საერთაშორისო მატჩების ათვლა 1937 წლის 24 ივლისიდან იწყება. სადღეისოდ დინამოს საერთაშორისო თამაშების რაოდენობა, ევროპის საკლუბო ტურნირების ჩათვლით, 800-ს აღწევს.

ბასკეთის ნაკრების სტუმრობას რამდენიმე წიგნი მიეძღვნა. მათ შორის ბოლო, „ბასკებით დაწყებული ისტორია", რომელიც თბილისის დინამოს საერთაშორისო მატჩებზე მოგვითხრობს, ივნისში გამოიცა საქართველოს სპორტულ ჟურნალისტთა ასოციაციის ძალისხმევით.

24 ივლისი, 1937. ამხანაგური. თბილისი, ..ბერიას სახელობის დინამოს სტადიონი 40000
დინამო
0:2 ბასკეთის ნაკრები (ესპანეთი)
გოლები
: 0:1 ისიდრო ლანგარა (35), 0:2 მიხეილ მინაევი (89, სკ)
დინამო: ალექსანდრე დოროხოვი, შოთა შავგულიძე (კაპ), გიორგი ჭუმბურიძე, ვლადიმერ ჯორბენაძე, მიხეილ მინაევი, გრიგოლ გაგუა, თენგიზ გავაშელი, მიხეილ ბერძენიშვილი, ბორის პაიჭაძე, ლუარსაბ ლოლაძე, მიხეილ ასლამაზოვი (ვლადიმერ ბერძენიშვილი 65)
მწვრთნელი: ალექსეი სოკოლოვი
ბასკეთის ნაკრები: გრეგორიო ბლასკო, პაბლო ბარხოსი (პედრუ არესუ 21), სერაფინ აედო, ლეონარდო სილაურენი, ხოსე მუგუერსა, რობერტო ეჩებერია, გილერმო გოროსტისა, პედრო რეგეირო, ისიდრო ლანგარა, ენრიკო ლარინახა, ემილიო ალონსო
მწვრთნელი: პედრო ვალიანო
მსაჯები: ა.შელჩკოვი; მალოჟინსკი, სულტანი (საბჭოთა კავშირი)

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.