სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: მინისტრი 17-წლამდელთა ნაკრების წევრებს შეხვდა

თარიღი: 2017 აგვისტო 22


სპორტისა და ახალგაზრდობის საქმეთა მინისტრი ტარიელ ხეჩიკაშვილი დღეს, მიხეილ მესხის სახელობის სტადიონზე 17-წლამდელთა ნაკრების წევრებს შეხვდა.

გიორგი ნემსაძის გაწვრთნილმა 17-წლამდელთა ნაკრებმა, რომელიც ევრო 2018-ის შესარჩევი ტურნირისთვის ემზადება, რამდენიმე დღის წინ უკრაინაში საერთაშორისო შეჯიბრება მოიგო. ვიკტორ ბანნიკოვის სახელობის თასის XIV გათამაშებაში ქართველმა ჭაბუკებმა ზედიზედ დაამარცხეს ბელარუსი, უკრაინელი და ესტონელი თანატოლები, ფინალში კი ისრაელის ნაკრებს 4:1 სძლიეს. საქართველომ ზედიზედ მეორედ მოიგო ეს ტურნირი.

ევრო 2018-ის საკვალიფიკაციო ეტაპზე ქართველი 17-წლამდელები ოქტომბრის მიწურულს ითამაშებენ. ნემსაძის გუნდის მეტოქეები შესარჩევ ჯგუფში იტალიელი, ლატვიელი და მონტენეგროელი თანატოლები იქნებიან. თამაშებს საქართველოს სხვადასხვა ქალაქი უმასპინძლებს.

„გილოცავთ ამ გამარჯვებას. ქართულ ფეხბურთს სჭირდება წარმატებები და მიხარია, რომ მომავალი თაობა სწორედ წარმატებით იწყებს. მინდა დიდი მადლობა გადაგიხადოთ იმ სიხარულისთვის, რომელიც თქვენ გულშემატკივრებს მიანიჭეთ. ორიოდ თვეში ევროპის ჩემპიონატის საკვალიფიკაციო მატჩები გელით და მსურს იმ თამაშების დასრულების შემდეგაც გახარებული გიხილოთ. ვისურვებდი, რომ თქვენი მომდევნო გამარჯვებების შესახებ ჩვენი ფეხბურთის ქომაგების გარდა ევროპის დიდმა საფეხბურთო ოჯახმაც შეიტყოს. იმ თაობამ, რომელსაც ფეხბურთის ფედერაციის პრეზიდენტი ლევან კობიაშვილი წარმოადგენს, წარმატებას შრომის ხარჯზე მიაღწია, მათ ნამდვილად არ ჰქონდათ ისეთი პირობები, როგორიც თქვენ გაქვთ. მინდა, რომ ეს იცოდეთ და გაითვალისწინოთ. თუ მოინდომებთ, აუცილებლად დიდ წარმატებას მიაღწევთ", - განაცხადა სპორტისა და ახალგაზრდობის საქმეთა მინისტრმა ტარიელ ხეჩიკაშვილმა.

„მადლობა ბიჭებს და მადლობა ყველა გულშემატკივარს! მიხარია, რომ გიორგი ნემსაძემ, რომელიც უდავოდ წარმატებული მოთამაშე იყო, სამწვრთნელო ასპარეზზეც მიგვაჩვია გამარჯვებებს. მსურს მადლობა გადავუხადო ბატონ მინისტრს ქართული ფეხბურთის მხარდაჭერისთვის. დარწმუნებული ვარ ეს გუნდი და ეს თაობა კიდევ არაერთი გამარჯვებით გაგვახარებს, მათ შორის ოფიციალურ ტურნირებშიც", - განაცხადა ფეხბურთის ფედერაციის პრეზიდენტმა ლევან კობიაშვილმა.

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.