სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: მინისტრმა ახალგაზრდული ნაკრები გაამხნევა

თარიღი: 2017 სექტემბერი 01


სპორტისა და ახალგაზრდობის საქმეთა მინისტრი ტარიელ ხეჩიკაშვილი საქართველოს 21-წლამდელ ფეხბურთელთა ნაკრებს ფეხბურთის ფედერაციის ტექნიკურ ცენტრში ესტუმრა. „ბასაზე" მინისტრი ფეხბურთის ფედერაციის ვიცე-პრეზიდენტებთან ალექსანდრე იაშვილთან და კახა ჭუმბურიძესთან ერთად მივიდა.

გია გეგუჩაძის გუნდი ევროპის ჩემპიონატის მორიგ შესარჩევ ციკლს დღეს, გორში, თენგიზ ბურჯანაძის სახელობის სტადიონზე პოლონეთთან მატჩით დაიწყებს. თამაში 20 საათზე დაიწყება. შეგახსენებთ, რომ ევროპის 2019 წლის ჩემპიონატის საკვალიფიკაციო ტურნირში საქართველოს ნაკრების მეტოქეები დანიის, ლიტვის, ფარერის კუნძულების და ფინეთის ნაკრები გუნდებიც იქნებიან. კონტინენტის პირველობას ორი წლის შემდეგ იტალია და სან მარინო უმასპინძლებენ.

„ტრადიციისამებრ, ყოველი მნიშვნელოვანი თამაშის წინ ჩვენ ვხვდებით ფეხბურთელებს და ვამხნევებთ. საქართველოს ეს ახალგაზრდული ნაკრები ნამდვილად კარგი გუნდია, აქ არიან მოთამაშეები, რომლებსაც ნამდვილად შეუძლიათ ქართული ფეხბურთის საერთაშორისო ასპარეზზე კარგად წარმოჩენა და დარწმუნებული ვარ, ამ შესარჩევ ციკლში ეს ბიჭები ევროპის საფეხბურთო საზოგადოებას აალაპარაკებენ. ვფიქრობ, საქართველოს ახალგაზრდულ ნაკრებს შეუძლია ევროპის ჩემპიონატის ფინალური ეტაპის საგზურის მოპოვება, მით უმეტეს, რომ ჩვენი გუნდის მომავალი მეტოქეები ნამდვილად არ განეკუთვნებიან გრანდებს. ახლა მთავარია მონდომება და თავდადება", - განაცხადა მინისტრმა ტარიელ ხეჩიკაშვილმა.

„ასეთი შეხვედრები უდავოდ მისასალმებელია. ბიჭები გრძნობენ ყურადღებას, მონდომებით ემზადებიან პოლონეთთან მატჩისთვის და დარწმუნებული ვარ, მათ გულშემატკივართა მხარდაჭერა არ მოაკლდებათ. ჩვენ ყველაფერს გავაკეთებთ მოსაგებად, ამ გუნდს ნამდვილად შეუძლია შესარჩევი ციკლის სამი ქულით დაწყება", - განაცხადა ახალგაზრდული ნაკრების მთავარმა მწვრთნელმა გია გეგუჩაძემ.

პოლონეთთან მატჩის გარდა ქართველი 21-წლამდელები წელს კიდევ სამ ოფიციალურ შეხვედრას ჩაატარებენ: 6 ოქტომბერს დანიაში, 10 ოქტომბერს ფარერის კუნძულებზე, 10 ნოემბერს კი ფინელებს დაუხვდებიან.

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.