სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: SBM-ი 10 წლისაა!

თარიღი: 2017 ოქტომბერი 19


სასტუმრო ბილტმორის კონგრეს-ჰოლში სპორტული სააგენტო SBM-ის 10 წლის იუბილე აღინიშნა და ამავდროულად, ბიზნესის ჩემპიონთა ლიგის საიუბილეო, მეათე სეზონის კენჭისყრა გაიმართა.

SBM-ის ხელმძღვანელმა ზაალ ჩიტალაძემ განვლილ წლებზე, მომავალ პროექტებსა და კარსმომდგარ სეზონზე ისაუბრა.

სპორტისა და ახალგაზრდობის საქმეთა მინისტრმა ტარიელ ხეჩიკაშვილმა SBM-ის დამფუძნებლებს საიუბილეო თარიღი მიულოცა: „დღეს ბიზნესის ჩემპიონთა ლიგის მეათე სეზონის პრეზენტაცია და წილისყრაა. ის ფაქტი, რომ ეს პროექტი უკვე ათ წელიწადს ითვლის, მისასალმებელი და გასახარია. ვულოცავ ბიზნესის ჩემპიონთა ლიგის მესვეურებს ამ იუბილეს, წარმატებებს და კიდევ ბევრი საიუბილეო თარიღის აღნიშვნას ვუსურვებ. არ შეიძლება არ აღინიშნოს, რომ ბიზნესის ჩემპიონთა ლიგის მიერ შესანიშნავად ორგანიზებულმა ჩემპიონატებმა ქართულ მინი-ფეხბურთს, ფუტსალს არაერთი ძალიან კარგი მოთამაშე აჩუქა. ის ფაქტი, რომ საქართველოს ფუტსალის ნაკრებში რამდენიმე მოთამაშე მოხვდა ამ ლიგიდან, ბევრზე მიუთითებს. ხოლო რა შედეგს მიაღწია საქართველოს ფუტსალის ნაკრებმა წლეულს, ვფიქრობ შეხსენება არ გჭირდებათ - ჩვენ გუნდს სულ ცოტა დააკლდა ევროპის ჩემპიონატის ფინალური ეტაპის საგზურის მოპოვებამდე. კიდევ ერთხელ ვულოცავ ამ ლიგის დამფუნძებლებს 10 წლის იუბილეს, წარმატებას და წინსვლას ვუსურვებ"!

SBM-ის მესვეურებს საიუბილეო თარიღი მიულოცეს სპონსორთა წარმომადგენლებმა, საქართველოს ფეხბურთის ფედერაციის ვიცე-პრეზიდენტმა, SBM-ის გასული სეზონის საუკეთესო მოთამაშედ დასახელებულმა ალექსანდრე იაშვილმა და გენერალურმა მდივანმა დავით მუჯირმა.

წილისყრა SBM-ის 10 წლის იუბილესადმი მიძღვნილი კლიპით დასრულდა.

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.