სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: საბურთალო უეფას ჭაბუკთა ლიგის მეორე წრეში გავიდა!

თარიღი: 2017 ოქტომბერი 19


თბილისის საბურთალომ უეფას ჭაბუკთა ლიგის პირველი ეტაპი დაძლია! რევაზ გოცირიძის გაწვრთნილმა გუნდმა საპასუხო შეხვედრაში თურქეთის ბურსასფორთან ფრედ 1:1 ითამაშა, ორი მატჩის ჯამში 2:1 მოიგო და ნოემბერში მეორე წრეში იასპარეზებს.

„ყველას ვულოცავ ამ გამარჯვებას! მიმაჩნია, რომ ეს მხოლოდ საბურთალოს გამარჯვება არაა, ეს მთელი ქართული ფეხბურთის წარმატებაა! მადლობა ბიჭებს ამ ურთულეს მატჩში გამოჩენილი თავდადებისთვის და ბოლომდე ბრძოლისთვის", - განაცხადა საბურთალოს თავკაცმა.

მისმა გუნდმა პირველი შეხვედრა თურქეთში 1:0 მოიგო, გუშინ კი ბოლო წუთებზე გადაარჩინა თამაში. თურქებმა პირველივე წუთზე გახსნეს ანგარიში - ილმაზმა დაარტყა ზუსტად. მე-8 წუთზე ილმაზს მეორე გოლის გატანაც შეეძლო, მაგრამ პენალტი ვერ გამოიყენა - საბურთალოს მეკარემ ნასყიდაშვილმა აჯობა, მატჩის 85-ე წუთზე კი შეცვლაზე შესულმა იური ტაბატაძემ ანგარიში გაათანაბრა - 1:1.

მეორე წრეში თბილისური კლუბის მეტოქე სერბეთის ბროდარაცი იქნება. პირველი მატჩი მეტოქის მოედანზე 1 ნოემბერს გაიმართება, საპასუხო კი თბილისში, 22 ნოემბერს.

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.