სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: საქართველო U17 1:0 ლატვია U17

თარიღი: 2017 ოქტომბერი 25


საქართველოს 17-წლამდელთა ნაკრებმა ევროპის 2018 წლის ჩემპიონატის შესარჩევი ტურნირის საწყის მატჩში ლატვიას 1:0 მოუგო. გიორგი ნემსაძის გუნდმა მეტოქეს თბილისში, მიხეილ მესხის სახელობის სტადიონზე უმასპინძლა.
ერთადერთი გოლი ქართველთა მე-7 ნომერმა ხვიჩა კვარაცხელიამ 21-ე წუთზე გაიტანა. ლატვიელი მცველები შეტევის მოგერიებისას შეცდნენ, კვარაცხელიამ კი ახლო მანძილიდან ძლიერი დარტყმით დალაშქრა ივანს დუბოდელოვსის კარი.
ნემსაძის გუნდს რამდენიმე წუთში უპირატესობის გაორმაგების შანსი მიეცა, თუმცა ცოტნე ჩოთალიშვილის უძლიერესი დარტყმა დუბოდელოვსმა საოცარი ნახტომით მოიგერია. ქართველთა ეს იერიში კუთხურს მოჰყვა.
მეორე ტაიმში სიტუაცია არ შეცვლილა: უპირატესობას, მეტწილად, ნემსაძის გუნდი ფლობდა, თუმცა უნდა აღინიშნოს, რომ ბალტიისპირელები გაცილებით უხეშად თამაშობდნენ, ვიდრე შესვენებამდე.
ჯგუფის მეორე შეხვედრაში, რომელიც ასევე თბილისში, თუმცა დავით პეტრიაშვილის სახელობის სტადიონზე გაიმართა, იტალიამ 3:0 დაამარცხა მონტენეგრო.
მეორე ტურის მატჩები 27 ოქტომბერს გაიმართება: იტალია პეტრიაშვილზე ლატვიას გაეჯიბრება, საქართველოს ნაკრები კი მიხეილ მესხზე ამჯერად მონტენეგროს უმასპინძლებს.

24 ოქტომბერი, 2017. ევრო 2018 - საკვალიფიკაციო ჯგუფი. თბილისი, მიხეილ მესხი, 300
1:0 ლატვია
გოლი: 1:0 ხვიჩა კვარაცხელია (21)
საქართველო: ლუკა ხარშილაძე, ცოტნე კაპანაძე, ივა გელაშვილი, შოთა ნონიკაშვილი, ირაკლი აზაროვი, კვიჩა კვარაცხელია (ლუკა-სებასტიან შვარცი 71), ცოტნე ჩოთალიშვილი, გიორგი გულიაშვილი (ელგუჯა ჯანგველაძე 82), ზურაბ დავითაშვილი (კაპ), გიორგი აბზიანიძე (გიორგი შალიკაშვილი 54), ანზორ მექვაბიშვილი
მწვრთნელი: გიორგი ნემსაძე
ლატვია: ი.დუბოდელოვსი, ლ.ტრუსკოვსკისი (კაპ), კ.დ.ლიბეკსი, რ.ოზოლინშსი, რ.ვარსლავანსი, კ.ვილერსი, რ.მარგრინსი, ა.კრიუკოვიჩსი (მ.კალნინშსი 55), მ.სიდოროვსი (რ.ვიუმსონსი 26), დ.ფედოროვიჩსი, გ.კირკილსი
მწვრთნელი: იგორს სტეპანოვსი
გაფრთხილება: რ.მარგრინსი, ცოტნე ჩოთალიშვილი, გიორგი გულიაშვილი, ირაკლი აზაროვი, რ.ვიუმსონსი, ცოტნე ჩოთალიშვილი
გაძევება: ცოტნე ჩოთალიშვილი (71)
მსაჯები: რ.ჰასანოვი (აზერბაიჯანი); ი.აბასოვი (აზერბაიჯანი), კ.დე როკერი (ბელგია)

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.