სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

„ბასკებით დაწყებული ისტორია“ - წიგნის პრეზენტაცია ესპანეთში

თარიღი: 2017 ნოემბერი 29


ლაშა გოდუაძე, ანტონიო ლოპეს რეკარტე, მიხეილ ყაველაშვილი,
ხოსე ანხელ ირიბარი, მიკელ ეჩარი


24 ნოემბერს ესპანეთში, ბასკეთის ავტონომიის ქალაქ ეიბარში საქართველოს სპორტისა და ახალგაზრდობის საქმეთა სამინისტროს და საქართველოს სპორტულ ჟურნალისტთა ასოციაციის მიერ ერთობლივად გამოცემული წიგნის - „ბასკებით დაწყებული ისტორია" - პრეზენტაცია გაიმართა. წიგნის ავტორი სსჟა-ს აღმასრულებელი კომიტეტის წევრი, სპორტული ჟურნალისტი ლაშა გოდუაძე გახლავთ.

ლაშა გოდუაძის გარდა პრეზენტაციაში ასევე მონაწილეობდა საქართველოს პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი და წიგნის ესპანურ ენაზე მთარგმნელი, დიასპორის საკითხებში საქართველოს სახელმწიფო მინისტრის აპარატის დიასპორულ ორგანიზაციებთან ურთიერთობის დეპარტამენტის უფროსი თამარ გამილაღდიშვილი-გაგუა.

საქართველოს დელეგაცია, რომლის შემადგენლობაში ასევე შედიოდა საქართველოს პარლამენტის თავმჯდომარის კაბინეტის უფროსი ნიკოლოზ სამხარაძე, ესპანეთში ოფიციალური ვიზიტით ბასკეთის ავტონომიის მთავრობის, კონკრეტულად კი კულტურისა და ენის პოლიტიკის რეგიონული მინისტრის ბინგენ სუპირია გოროსტიდის მიწვევით იმყოფებოდა.

ეიბარში გამართულ პრეზენტაციას 1937 წელს თბილისში ჩამოსული ბასკეთის ნაკრების ფეხბურთელების შთამომავლები, ბასკეთის ნაკრების მთავარი მწვრთნელი მიკელ ეჩარი, ბილბაოს ატლეტიკის და ესპანეთის ნაკრების სახელგანთქმული მეკარე ხოსე ანხელ ირიბარი, ახლო წარსულში სან სებასტიანის რეალ სოსიედადის კაპიტანი ანტონიო ლოპეს რეკარტე, ბასკეთის გოგონათა ნაკრების მწვრთნელები, გულშემატკივრები და ჟურნალისტები დაესწრნენ.

„ჩემთვის დიდი პატივია, რომ ამ წიგნის პრეზენტაციას ბასკეთი მასპინძლობს. მადლობას ვუხდი ბასკეთის ავტონომიის მთავრობას მოპატიჟებისთვის და არაერთი საინტერესო ღონისძიებისთვის. ქართული ფეხბურთის ისტორიაში ბასკეთის ნაკრების 80 წლის წინანდელ სტუმრობას გამორჩეული ადგილი უჭირავს, თბილისში დინამოსთან და საქართველოს ნაკრებთან გამართული ის ორი მატჩი კი ლეგენდადაა შემორჩენილი. ვიმედოვნებ წლების შემდეგ, როცა ბასკებთან საერთაშორისო მატჩების იუბილე აღინიშნება, უკვე ჩვენ, ქართველებს მოგვეცემა თქვენი მასპინძლობის საშუალება", - განაცხადა წიგნის ავტორმა ლაშა გოდუაძემ.

ბასკეთის მთავრობის ინიციატივით, საქართველოს დელეგაცია 23 ნოემბერს ბილბაოში, სან მამესზე, ატლეტიკის და ბერლინის ჰერტას უეფას ევროპალიგის მატჩს, 25 ნოემბერს კი ეიბარში ბასკეთის და ჩეხეთის ქალთა გუნდების ამხანაგურ პაექრობას დაესწრო.

ამას გარდა საქართველოს დელეგაციას ბილბაოში ბასკეთის ნაციონალური პარტიის ხელმძღვანელებმა მიკელ ბურსაკო სამპერმა და ხოსე მარი ეჩებარიამ, ავტონომიის დედაქალაქ ვიტორია-გასტეისში კი პარლამენტის პრეზიდენტმა ბაკარჩო ტეხერია ოტერმინმა, საერთაშორისო ურთიერთობათა კომიტეტის დირექტორმა ლეირე მადარიახამ და გენერალურმა მდივანმა ანხელეს ელორსამ უმასპინძლეს.

„ბასკებით დაწყებული ისტორია" თბილისის დინამოს საერთაშორისო თამაშების შესახებ მოგვითხრობს, პირველი ასეთი მატჩი კი, როგორც იცით, 1937 წლის 24 ივლისს, თბილისში, ბასკეთის ნაკრებთან გაიმართა. წიგნში თბილისის დინამოს საერთაშორისო ისტორიის 10 ყველაზე გამორჩეული მოვლენის შესახებ ამდენივე წერილია თავმოყრილი, ასევე სტატისტიკური ინფორმაცია კლუბის ყველა საერთაშორისო მატჩის შესახებ.

სამინისტროს პრესსამსახური

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.