სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ფეხბურთი: საჩხერის ჩიხურამ საქართველოს თასი მოიგო!

თარიღი: 2017 დეკემბერი 04


საჩხერის ჩიხურამ საქართველოს თასი პირველად მოიგო

2 დეკემბერს, გორის თენგიზ ბურჯანაძის სახელობის სტადიონზე საქართველოს დავით ყიფიანის სახელობის თასის 2017 წლის გათამაშების ფინალი გაიმართა. 
საჩხერის „ჩიხურასა" და ქუთაისის „ტორპედოს" დაპირისპირება გარდამავალი უპირატესობით წარიმართა. მომენტები ორივე კართან შეიქმნა, თუმცა გადამწყვეტ მომენტში ფეხბურთელები არაზუსტად მოქმედებდნენ და მატჩის ძირითად დრო გატანილი გოლების გარეშე 0:0 დასრულდა. გოლის გატანის ყველაზე რეალური შესაძლებლობა ქუთაისელებს ჰქონდათ, თუმცა მე-20 წუთზე 11-მეტრიანი საჯარიმო დარტყმა არაზუსტად გიორგი კუხიანიძემ შეასრულა. გუნდებმა გოლის გატანა ვერც დამატებით დროში მოახერხეს და გამარჯვებულის გამოსავლენად პენალტების სერია დაინიშნა. 11-მეტრიანები უკეთ საჩხერელებმა შეასრულეს, მეტოქე ანგარიშით 4:3 დაამარცხეს და არსებობის განმავლობაში პირველად დაეუფლნენ საქართველოს თასს. აღსანიშნავია, რომ თასის გათამაშების წლევანდელ სეზონში „ჩიხურას" გოლი არ გაუშვია, მეტოქეთა კარში კი, იმერლებმა 17 გოლი გაიტანეს.
ფინალური მატჩის დასრულების შემდეგ დაჯილდოების საზეიმო ცერემონია გაიმართა. შეხვედრის გუნდებს და მსაჯთა ბრიგადას კუთვნილი ჯილდოები საქართველოს ფეხბურთის ფედერაციის პრეზიდენტმა, ლევან კობიაშვილმა, ფეხბურთის ფედერაციის გენერალურმა მდივანმა, დავით მუჯირმა და საქართველოს სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა გადასცეს. მატჩის საუკეთესო მოთამაშედ „ჩიხურას" ბოსნიელი მეკარე დინო ჰამზიჩი დასახელდა.

ჩიხურა - ტორპედო 0:0 (. 0:0; პენ. 4:3)
გორი, „თენგიზ ბურჯანაძე"
ჩიხურა: ჰამზიჩი, მირცხულავა, ფონიავა (73' ლექვთაძე), გაბედავა, სარდალიშვილი (97' ცხადაძე), კორიფაძე, ტატანაშვილი, კაკუბავა, ჩიკვაიძე, დობროვოლსკი (113' განუგრავა), გორგიაშვილი
სათადარიგო შემადგენლობა: მწყერაშვილი, გრიგალაშვილი, ჭელიძე, დეკანოიძე
მთავარი მწვრთნელი: სოსო ფრუიძე
ტორპედო: კვასხვაძე, ტაბატაძე, ხურცილავა, კუხიანიძე, ფალავანდიშვილი, გურული, კორობკა (82' კვირკვია), კუტალია, დოლიძე (114' ბერიაშვილი), ქიმაძე, გიგაური (118' ბაბუნაშვილი)
სათადარიგო შემადგენლობა: მეშველიანი, ჭიჭინაძე, მამასახლისი, საღრიშვილი
მთავარი მწვრთნელი: კახაბერ ჩხეტიანი
მსაჯები: ჯ. ხორავა, დ. ჩიგოგიძე, გ. ელიკაშვილი, დ. სანოძე, პ. მაჭარაძე, გ. ავაზაშვილი
გაფრთხილება: 19' ჰამზიჩი (ჩიხურა), 27' ფალავანდიშვილი, 30' ქიმაძე, 52' კორობკა, 78' გურული, 112' ხურცილავა (ყველა ტორპედო)

gff.ge

სხვა ახალი ამბები
კატეგორია : ფეხბურთი თარიღი : 2018 თებერვალი 15
14 თებერვალს ლაგოდეხის ბაზაზე სფფ აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003-2004 წელს დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად კახეთის რეგიონს მოიცავს. 
კატეგორია : ფეხბურთი თარიღი : 2018 იანვარი 29
კულტურისა და სპორტის მინისტრის მოადგილე შალვა გოგოლაძემ ფეხბურთის ფედერაციის პრეზიდენტ ლევან კობიაშვილთან, ფედერაციის ხელმძღვანელებთან და ფეხბურთის განვითარების ფონდის ხელმძღვანელ ზაზა დოლიძესთან ერთად, ქუთაისში ფეხბურთისა და რაგბის ახალი ბაზების მშენებლობა მოინახულა.
კატეგორია : ფეხბურთი თარიღი : 2018 იანვარი 29
28 იანვარს, მარტვილის მუნიციპალიტეტის სოფელ სერგიეთში, სამეგრელოს რეგიონის საფეხბურთო აკადემიის გახსნის საზეიმო ღონისძიება გაიმართა. 
კატეგორია : ფეხბურთი თარიღი : 2018 იანვარი 24
საქართველოს საზოგადოებრივ საქმეთა ინსტიტუტი (GIPA) და საქართველოს ფეხბურთის ფედერაცია (GFF) აცხადებენ მიღებას ერთობლივ სასერტიფიკატო პროგრამაზე ფეხბურთის მენეჯმენტში.
კატეგორია : ფეხბურთი თარიღი : 2017 დეკემბერი 28
27 დეკემბერს, საქართველოს ფეხბურთის ფედერაციის ყოველწლიური დაჯილდოების ცერემონია გაიმართა. GFF AWARDS 2017-ზე წლის საუკეთესოები გამოავლინეს. რჩეულთა გამოსავლენად გამოკითხვაში მონაწილეობა მიიღეს საქართველოს ეროვნული ლიგის 10-ვე მთავარმა მწვრთნელმა და 11-მა ფეხბურთელმა, საქართველოს ეროვნული ნაკრების 36-მა მოთამაშემ, სპოტული მედიის წარმომადგენლებმა და საქართველოს ვეტერანმა ფეხბურთელებმა.