სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

მინისტრმა გივი ბიჭიაშვილი სპორტის რაინდის წოდებით დააჯილდოვა

თარიღი: 2017 მარტი 06



6 მარტს სასტუმრო "ქორთიარდ მარიოტში" კალათბურთის ეროვნული ფედერაციის მიერ გამოცემული ჟურნალის - "წლის წიგნის" პრეზენტაციაზე, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა, 70 წლის საიუბილეო თარიღთან დაკავშირებით, სპორტის რაინდის წოდებით ვეტერანი კალათბურთელი, ფედერაციის აღმასკომის წევრი გივი ბიჭიაშვილი დააჯილდოვა.

ღონისძიებას მინისტრთან ერთად, საკალათბურთო სამყაროს წევრები და მოწვეული სტუმრები, საქართველოს ეროვნული ნაკრების წევრები, თბილისისა და რეგიონალური ფედერაციების პრეზიდენტები, საქართველოს ეროვნულ ჩემპიონატისა (სუპერლიგა) და სხვადასხვა ლიგებში მონაწილე კლუბების ხელმძღვანელები, მენეჯერები, ბავშვთა საკალათბურთო სკოლების წარმომადგენლები, ვეტერანი კალათბურთელები, ფედერაციის მედია პარტნიორები, სპონსორები და მხარდამჭერები ესწრებიდნენ.

"პირველ რიგში, მსურს მივულოცო ბატონ გივის იუბილე. მას ძალიან დიდი წვლილი მიუძღვის ქართული კალათბურთის განვითარებაში და სწორედ ამიტომ მივანიჭეთ სპორტის რაინდის წოდება. ვფიქრობ, რომ ჩვენი სპორტსმენების სათანადო დაფასება, ჩვენი წარსული არის იმის წინაპირობა, რომ შევქმნათ უფრო წარმატებული აწმყოც და მომავალიც.

ყველა კალათბურთელს თავისი დიდი წვლილი მიუძღვის და განსაკუთრებით იმ თაობას, ვინც თავის დროზე დიდება მოუტანეს ჩვენს კალათბურთს. დარწმუნებული ვარ, საკალათბურთო ოჯახის ერთიანობა საწინდარი გახდება იმისა, რომ  ჩვენი კალათბურთელები წარმატებულად იასპარეზებენ, როგორც ევროპის ჩემპიონატზე,  ასევე შემდგომ ჩემპიონატებსა და საერთაშორისო ტურნირებზე.

დარწმუნებული ვარ, ბატონი გივის და ყველა კალათბურთელის ოცნებას გავაჟღერებთ, თუ ვიტყვით, რომ ერთობლივი ძალისხმევით შევძლებთ და ვიბრძოლებთ იმისათვის, რომ შემდგომში ჩვენი ნაკრები წარმოდგენილი იყოს ოლიმპიურ თამაშებზე." -
განაცხადა ტარიელ ხეჩიკაშვილმა ვეტერანი კალათბურთელის დაჯილდოებისას.

პრეზენტაცია კალათბურთის ფედერაციის პრეზიდენტმა მიხეილ გაბრიჩიძემ გახსნა, რომელმაც გასული წლის სეზონი შეაჯამა და ყველაზე გამორჩეულ შედეგებს გაუსვა ხაზი. ჟურნალში თავმოყრილია გასულ სეზონში ჩატარებული ღონისძიებები, რომელსაც ფედერაციამ ორგანიზება გაუწია პარტნიორ კომპანიებთან  და მხარდამჭერებთან ერთად. "წლის წიგნი" ყოველწლიური ჟურნალია, რომელსაც კალათბურთის ეროვნული ფედერაცია უკვე მეხუთედ გამოსცემს.

აღსანიშნავია, რომ საიუბილეო თარიღთან დაკაშირებით გივი ბიჭიაშვილს ფულადი თანხა გადასცა ვახტანგ ნაცვლიშვილმა.

მიხეილ გაბრიჩიძე: „ვფიქრობ, გასული წელი ქართული კალათბურთისთვის ძალიან საინტერესო წელი იყო. ეს არის მეოთხე გამოცემა ჩვენი ბროშურის, სადაც მოთავსებულია ყველა ის ინფორმაცია რაც დაკავშირებულია საქართველოს კალათბურთის ეროვნული ფედერაციის შარშანდელი სეზონის აქტივობასთან. ჟურნალის ვიზუალური მასალა წარმოდგენილია სხვადასხვა ფორმაში და განსაკუთრებით საინტერესოა სტატისტიკური მასალა, რომლის მოძიება გარდა საბეჭდი ვარიანტისა სპორტის გულშემატკივრებს ასევე ჩვენს საიტზეც შეუძლიათ."

გივი ბიჭიაშვილი: „ჩემთვის ნამდვილად მნიშვნელოვანია, რომ ამ დიდი მარათონის გავლის შემდეგ, სპორტისა და ახალგაზრდობის საქმეთა სამინისტროს ხელმძღვანელობამ დამაჯილდოვა სპორტის რაინდის წოდებით. ეს არის დიდი პასუხისმგებლობა და რაც მთავარია ყურადღებაა მათი მხრიდან და დაფასება. დიდი მადლობა მინდა გადავუხადო კიდევ ერთხელ სამინისტროს ხელმძღვანელობას და ყველას ვინც მე მგულშემატკივრობდა."

ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : კალათბურთი თარიღი : 2017 ნოემბერი 14
საქართველოს ეროვნულმა ნაკრებმა მსოფლიოს 2019 წლის ჩემპიონატის შესარჩევი ტურნირისთვის მზადება დაიწყო. მთავარმა მწვრთნელმა, ილიას ზუროსმა 24 კანდიდატი დაასახელა, რომელთაგან ნოემბრის საკვალიფიკაციო მატჩებისთვის 12-ს შეარჩევს 
კატეგორია : კალათბურთი თარიღი : 2017 ნოემბერი 02
საქართველოს კალათბურთის ეროვნულმა ფედერაციამ დაიწყო მსაჯთა მოსამზადებელ კურსებზე მსურველების მიღება. ფედერაციის მოწვევით საქართველოში ჩამოსულია და მსაჯთა კავშირში „ეროვნულ ინსტრუქტორად" მუშაობს გამოცდილი სერბი სპეციალისტი დრაგან ნეშკოვიჩი, რომელიც მსაჯობის დაწყების მსურველებს სპეციალური პროგრამით მოამზადებს და არბიტრის კარიერის დაწყებაში დაეხმარება.    
კატეგორია : კალათბურთი თარიღი : 2017 ოქტომბერი 19
გამორჩეული დღე ჰქონდა ზაზა ფაჩულიას. საქართველოს ეროვნული ნაკრების ექს-კაპიტანმა ამერიკის ნაციონალური საკალათბურთო ასოციაციის საჩემპიონო ბეჭედი მოირგო. 
კატეგორია : კალათბურთი თარიღი : 2017 ოქტომბერი 18
საქართველოს კალათბურთის ფედერაციამ ევრობასკეტ 2021-ის ქვეჯგუფის მასპინძლობის სურვილი ფიბა-ევროპის ხელმძღვანელობასთან დააფიქსირა. მოგეხსენებათ, ფიბა-მ მნიშვნელოვანი ცვლილებები განახორციელა და ამიერიდან ევრობასკეტი 4 წელიწადში ერთხელ გაიმართება.
კატეგორია : კალათბურთი თარიღი : 2017 ოქტომბერი 13
ბერძენმა სპეციალისტმა, ილიას ზუროსმა საქართველოს კალათბურთის ფედერაციასთან ახალი ხელშეკრულება გააფორმა. მოგეხსენებათ, გასული ევრობასკეტის შემდეგ ზუროსს კონტრაქტი ამოეწურა და დღეს, ბერძენ სპეციალისტთან ახალი, 2-წლიანი კონტრაქტი გაფორმდა, რის განმავლობაშიც იგი საქართველოს ეროვნულ ნაკრებს მსოფლიოს 2019 წლის მსოფლიოს ჩემპიონატის შესარჩევ ეტაპზე გაწვრთნის.