სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

კალათბურთი: სასკი ბასკონიას ტრადიციული კემპი დასრულდა

თარიღი: 2017 ივლისი 21



დღეს ვერის საკალათბურთო დარბაზში ოფიციალურად დაიხურა ესპანური სასკი ბასკონიას და  კალათბურთის ეროვნული ფედერაციის ერთობლივი კემპი, რომელშიც 75 პერსპექტიული მოზარდი მონაწილეობდა.

ღინისძიება სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და კალათბურთის ფედერაციის პრეზიდენტმა მიხეილ გაბრიჩიძემ შეაჯამეს.

„ძალიან ნაყოფიერი კემპი იყო, ყველაზე ძალიან კი ის მსიამოვნებს, რომ ესპანელმა მწვრთნელებმა ჩვენს ნორჩ კალათბურთელებს მაღალი შეფასება მისცეს. ეს კემპი რამდენიმე ეტაპს ითვალისწინებს და ახლა საუკეთესოები ესპანეთში გაემგზავრებიან, სადაც ფინალურ კურსს გაივლიან. ასეთი ღონისძიებები, კემპები ხელს უწყობს ჩვენი კალათბურთის განვითარებას. სასიამოვნოა, რომ ესპანურმა მხარემ საქართველოში საკალათბურთო აკადემიის დაარსების სურვილი გამოთქვა. სასიხარულოა, რომ ჩვენი სახელოვანი კალათბურთელის ზაზა ფაჩულიას მაგალითი, რომლის სახელობის აკადემია უდავოდ გამორჩეულია ჩვენი უცხოელი მეგობრებისთვის მისაბაძი გამოდგა", - განაცხადა სპორტისა და ახალგაზრდობის საქმეთა მინისტრმა ტარიელ ხეჩიკაშვილმა.

„უკვე მესამედ ჩატარდა სასკი ბასკონია კემპი და მე, როგორც კალათბურთის ფედერაციის პრეზიდენტსა და პირველ რიგში ქომაგს, ძალიან მიხარია, რომ ესპანური მხარის შეფასებით, საერთო დონე წლიდან წლამდე უმჯობესდება. ჩვენი თანამშრომლობა გრძელდება და დიდი იმედი მაქვს, ახლო მომავალში ჩვენს ახალგაზრდა კალათბურთელებს დაოსტატების და პროფესიული ზრდის უკეთესი საშუალებები ექნებათ", - განაცხადა კალათბურთის ფედერაციის პრეზიდენტმა მიხეილ გაბრიჩიძემ.

სასკი ბასკონიას და საქართველოს კალათბურთის ფედერაციის ერთობლივ კემპში 2001-2006 წლებში დაბადებული მოზარდი კალათბურთელები მონაწილეობდნენ. სასკი ბასკონია ესპანეთის პრიმერადივიზიონსა და ევროლიგაში მოასპარეზე კლუბ ლაბორალ კუჩას და ბავშვთა საკალათბურთო სკოლების მეპატრონეა. ამ სკოლაში აღზრდილი კალათბურთელები თამაშობენ როგორც ევროპის წამყვან, ასევე NBA-ს  გუნდებში.

თბილისურ კემპს ესპანელი მწვრთნელები უძღვებოდნენ. ისინი კემპში მონაწილე ქართველი მოზარდებიდან 16 საუკეთესოს შეარჩევენ, რომლებსაც აგვისტოში ესპანეთში, ქალაქ ვიტორიაში ლაბორალ კუჩას კემპზე წაიყვანენ და მსოფლიოს სხვადასხვა კუთხიდან შერჩეულ პერსპექტიულ ახალგაზრდებთან ერთად გენერალურ კემპს ჩაუტარებენ.

გენერალური კემპის შემდეგ შეირჩევიან  მოთამაშეები, რომლებიც ესპანეთში დარჩებიან და ლაბორალ კუჩაში ან ამ  კლუბთან დაახლოებულ სხვა კლუბებში გააგრძელებენ ვარჯიშს.

სამინისტროს პრესსამსახური

სხვა ახალი ამბები
კატეგორია : კალათბურთი თარიღი : 2017 დეკემბერი 11
20 დეკემბერს, "Oracle Arena"-ზე გასამართ  ნბა-ს რეგულარული ჩემპიონატის მატჩში, რომელშიც ერთმანეთს "გოლდენ  სტეიტი" და "მემფისი" დაუპირისპირდებიან ზაზა ფაჩულიას სახელობის სათამაშო ~Bubble Head" დარიგდება.  
კატეგორია : კალათბურთი თარიღი : 2017 დეკემბერი 05
საქართველოს კალათბურთის ეროვნული ფედერაციის „წლის წიგნის" პრეზენტაციას თბილისის „ივენთ ჰოლმა" უმასპინძლა. ქართული კალათბურთის საზოგადოება გაეცნო იმ საკალათბურთო ღონისძიებებს, რომლებსაც  კალათბურთის ფედერაციამ ორგანიზება გასული 4 წლის მანძილზე გაუწია. 
კატეგორია : კალათბურთი თარიღი : 2017 ნოემბერი 28
მსოფლიოს 2019 წლის ჩემპიონატის შესარჩევი ეტაპის მეორე მატჩში საქართველოს საკალათბურთო ნაკრები სტუმრად სერბეთს დაუპირისპირდა და ანგარიშით 105:87 დამარცხდა.
კატეგორია : კალათბურთი თარიღი : 2017 ნოემბერი 14
საქართველოს ეროვნულმა ნაკრებმა მსოფლიოს 2019 წლის ჩემპიონატის შესარჩევი ტურნირისთვის მზადება დაიწყო. მთავარმა მწვრთნელმა, ილიას ზუროსმა 24 კანდიდატი დაასახელა, რომელთაგან ნოემბრის საკვალიფიკაციო მატჩებისთვის 12-ს შეარჩევს 
კატეგორია : კალათბურთი თარიღი : 2017 ნოემბერი 02
საქართველოს კალათბურთის ეროვნულმა ფედერაციამ დაიწყო მსაჯთა მოსამზადებელ კურსებზე მსურველების მიღება. ფედერაციის მოწვევით საქართველოში ჩამოსულია და მსაჯთა კავშირში „ეროვნულ ინსტრუქტორად" მუშაობს გამოცდილი სერბი სპეციალისტი დრაგან ნეშკოვიჩი, რომელიც მსაჯობის დაწყების მსურველებს სპეციალური პროგრამით მოამზადებს და არბიტრის კარიერის დაწყებაში დაეხმარება.