სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

კალათბურთი: ეროვნული ნაკრების ოფიციალური ფან-კლუბი დაფუძნდა

თარიღი: 2017 ივლისი 28


დღეს საკალათბურთო ეროვნული ნაკრების ოფიციალური ფანკლუბი დაფუძნდა. ღონისძიებას ნაკრების ყოფილი მოთამაშეები, სპორტული ფედერაციების წარმომადგენლები და გულშემატკივრები დაესწრნენ.

ეროვნული გუნდის ფან-კლუბის ერთ-ერთი დამფუძნებლის, საკალათბურთო კლუბ სოხუმის მთავარი მწვრთნელის ვაჟა კვარაცხელიას განცხადებით, კლუბში გაწევრიანება 25 სექტემბრიდან დაიწყება, მანამდე კი, ევროპის ჩემპიონატის მოახლოებასთან ერთად, არაერთი საინტერესო აქცია მოეწყობა. ფან-კლუბის მთავარი მხარდამჭერი და პარტნიორი ტოტალიზატორი კროკობეთია.

„საქართველოში სპორტის ეს ლამაზი სახეობა - კალათბურთი სულ უფრო პოპულარული ხდება. მალე ევროპის ჩემპიონატი დაიწყება, სადაც ჩვენი გუნდიც მიიღებს მონაწილეობას. ჩვენ, ფან-კლუბის დამფუძნებლებს მიგვაჩნია, რომ გულშემატკივართა ოფიციალური კლუბის დასაარსებლად ეს შესანიშნავი მომენტია. მსურს მადლობა გადავუხადო ჩვენს მხარდამჭერს და ყველა კარგ წამოწყებაში გვერდზე მდგომ კომპანია კროკობეთს. კარსმომდგარ ევროპის ჩემპიონატზე მოკრძალებული შემადგენლობით გავემგზავრებით, თუმცა არაერთ სიახლეს ვგეგმავთ და მჯერა, ჩვენი წევრების რაოდენობა სწრაფად გაიზრდება", - განაცხადა ვაჟა კვარაცხელიამ.

„ყოფილი მოთამაშე ვარ და შესანიშნავად ვიცი, რაც ნიშნავს სავსე დარბაზში ასპარეზობა. დარწმუნებული ვარ ჩვენი გუნდის წევრებისთვის ფან-კლუბის დაარსება დადებითი მუხტი იქნება - მათ ყოველთვის ემახსოვრებათ, რომ საქართველოში არის კლუბი, სადაც მათ საგულშემატკივროთ უამრავი ადამიანი იკრიბება. მადლობა ფან-კლუბის მესვეურებს და ყველა იმ ადამიანს, ვინც ამ საქმეს ჩაუყარა საფუძველი", - განაცხადა ეროვნული გუნდის ყოფილმა მოთამაშემ რამაზ გოგობერიშვილმა.

პრეზენტაციის მიწურულს წამყვანმა, პოპულარულმა საკალათბურთო კომენტატორმა ზურაბ თალაკვაძემ სტუმრებს კიდევ ერთხელ მიულოცა ნაკრების კაპიტნის ზაზა ფაჩულიას ბრწყინვალე გამარჯვება ამერიკის ნაციონალურ საკალათბურთო ლიგაში და ევროპის ჩემპიონატის ლოგოებით დამშვენებული მაისურები, კეპები და სუვენირები უსახსოვრა.

საქართველოს კალათბურთელთა ეროვნული ნაკრები ევროპის ჩემპიონატზე ზედიზედ მეოთხედ იასპარეზებს. ილიას ზუროსის გაწვრთნილი გუნდი B ჯგუფში მოხვდა და ისრაელში ითამაშებს.

საქართველოს ნაკრები პირველ შეხვედრას 31 აგვისტოს ლიტვასთან გამართავს, 2 სექტემბერს გერმანიას გაეჯიბრება, მომდევნო დღეებში კი უკრაინას (03.09), ისრაელს (05.09) და იტალიას (06.09) შეხვდება. მეორე ჯგუფურ ეტაპზე გასვლის შემთხვევაში (საამისოდ პირველ ოთხეულში მოხვედრაა საჭირო) გუნდი თურქეთში გადაინაცვლებს.

სამინისტროს პრესსამსახური

სხვა ახალი ამბები
კატეგორია : კალათბურთი თარიღი : 2017 დეკემბერი 11
20 დეკემბერს, "Oracle Arena"-ზე გასამართ  ნბა-ს რეგულარული ჩემპიონატის მატჩში, რომელშიც ერთმანეთს "გოლდენ  სტეიტი" და "მემფისი" დაუპირისპირდებიან ზაზა ფაჩულიას სახელობის სათამაშო ~Bubble Head" დარიგდება.  
კატეგორია : კალათბურთი თარიღი : 2017 დეკემბერი 05
საქართველოს კალათბურთის ეროვნული ფედერაციის „წლის წიგნის" პრეზენტაციას თბილისის „ივენთ ჰოლმა" უმასპინძლა. ქართული კალათბურთის საზოგადოება გაეცნო იმ საკალათბურთო ღონისძიებებს, რომლებსაც  კალათბურთის ფედერაციამ ორგანიზება გასული 4 წლის მანძილზე გაუწია. 
კატეგორია : კალათბურთი თარიღი : 2017 ნოემბერი 28
მსოფლიოს 2019 წლის ჩემპიონატის შესარჩევი ეტაპის მეორე მატჩში საქართველოს საკალათბურთო ნაკრები სტუმრად სერბეთს დაუპირისპირდა და ანგარიშით 105:87 დამარცხდა.
კატეგორია : კალათბურთი თარიღი : 2017 ნოემბერი 14
საქართველოს ეროვნულმა ნაკრებმა მსოფლიოს 2019 წლის ჩემპიონატის შესარჩევი ტურნირისთვის მზადება დაიწყო. მთავარმა მწვრთნელმა, ილიას ზუროსმა 24 კანდიდატი დაასახელა, რომელთაგან ნოემბრის საკვალიფიკაციო მატჩებისთვის 12-ს შეარჩევს 
კატეგორია : კალათბურთი თარიღი : 2017 ნოემბერი 02
საქართველოს კალათბურთის ეროვნულმა ფედერაციამ დაიწყო მსაჯთა მოსამზადებელ კურსებზე მსურველების მიღება. ფედერაციის მოწვევით საქართველოში ჩამოსულია და მსაჯთა კავშირში „ეროვნულ ინსტრუქტორად" მუშაობს გამოცდილი სერბი სპეციალისტი დრაგან ნეშკოვიჩი, რომელიც მსაჯობის დაწყების მსურველებს სპეციალური პროგრამით მოამზადებს და არბიტრის კარიერის დაწყებაში დაეხმარება.