სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

საქართველოს ნაკრებმა ისრაელი 104:91 დაამარცხა!

თარიღი: 2017 სექტემბერი 06

თელ ავივში მიმდინარე ევროპის ჩემპიონატზე საქართველოს ეროვნულმა ნაკრებმა ისრაელი 104:91 დაამარცხა! ეს იყო ძალიან მძიმე, ძალიან რთული გამარჯვება, რომელიც ჩვენმა კალათბურთელებმა ჯოჯოხეთურ გარემოში მოიპოვეს. "თელ ავივ არენაზე" წარმოუდგენელი ამბები ხდებოდა - 10 ათასიანი, თითქმის ბოლომდე გადაჭედილი დარბაზი მთელი თამაში არ გაჩუმებულა, საქართველოს ნაკრების კალათბურთელებმა უდიდესი წნეხის ქვეშ ითამაშეს და საოცარი გამარჯვება მოიპოვეს! (იხილეთ ფოტოგალერა) 

წნეხი იყო ტრიბუნებიდან და წნეხი მსაჯებისგან. მატჩამდე დავწერეთ, რომ მასპინძლებს მსაჯების მხრიდან სადავო ეზიპოდებში მხარადჭერა ექნებოდათ, მაგრამ ამდენს მაინც არ ველოდით - მსაჯთა ბრიგადამ თითქმის ყველა საკამათო ეპიზოდში ისრაელისთვის სასარგებლო გადაწყვეტილება მიიღო, რამაც ჩვენს გუნდს საქმე კიდევ უფრო გაურთულა.

საქართველოს ნაკრების კალათბურთელებმა ამ ყველაფერს გაუძლეს და საოცარი გამარჯვება მოიპოვეს! ვერ გეტყვით ხვალ რა მოხდება, მოახერხებს თუ არა საქართველოს ნაკრები პლეი ოფში გასვლას, მაგრამ ნებისმიერ შემთხვევაში ამ ბიჭებს ქართველი გულშემატკივრისგან უდიდესი მადლობა ეკუთვნით! ამ ბიჭებმა პატივისცემა და მხარდაჭერა კიდევ ერთხელ დაიმსახურეს - თავგანწირული თამაშისთვის, ბრძოლისთვის, მონდომებისთვის, საქართველოს ნაკრების მაისურის ღირსეულად ტარებისთვის!

მატჩი მოლოდინისამებრ მძიმედ დაიწყო და ასე გაგრძელდა ძირითადი დროის ბოლო წამამდე. საქართველოს ნაკრებმა გადამწყვეტი უპირატესობის მოპოვება ოვერტაიმში შეძლო, როცა ჩვენმა კალათბურთელებმა მეტოქე პერიმეტრზეც და სამწამიან ზონაშიც დაჩაგრეს. განსაკუთრებით მას შემდეგ, რაც ისრაელის ნაკრების ძირითადი ცენტრი რიჩარდ ჰოველი 5 პერსონალურის გამო მოედნიდან გავიდა. ოვერტაიმი ზუროსის გუნდმა 15:2 მოიგო!  

საქართველოს ნაკრების წინა თამაშებიდან ყოველთვის ავღნიშანავდით, რომ მეტოქე ფარზე და სამქულიანებში გვჯობნიდა. თუ დღეს საქართველოს ნაკრებს მეტოქის დამარცხება სურდა, მაშინ ეს კომპონენტები თავის სასარგებლოდ უნდა შემოებრუნებინა.

ევროპის ჩემპიონატზე ჩატარებული წინა 3 მატჩისგან განსხვავებით ეს იყო პირველი შემთხვევა, როცა ზუროსის გუნდმა მოხსნებში მეტოქეს აჯობა, თანაც საოცარი სხვაობით - 50:22. წინა 3 მატჩისგან განსხვავებით ჩვენმა გუნდმა კარგად ითამაშა პერიმეტრზე  - მიიღო მხოლოდ 3 სამქულიანი და საპირისპიროდ ჩააგდო - 9, ყველაზე მეტი წინამორბედ თამაშებზე.

და რაც მთავარია, ლიტვასთან თამაშის მსგავსად ნაკრებმა კარგად ითამაშა დაცვაში, რაც გამარჯვების მთავარი წინაპირობაა. დაცვის მთავარი ორგანიზატორი და შემკვრელი კი მანუჩარ მარკოიშვილია, რომელიც მოედანზე წარმოუდგენლად დიდ სამუშაოს ასრულებს! მარკოიშვილის როლი თამაშის დროს უბრალოდ ფასდაუდებელია. ზღაპრული მატჩი ჩაატარა თორნიკე შენგელიამ, ვინც 25 ქულა და 19 მოხსნა მიითვალა! ორმაგი დუბლი ჰქონდა ზაზა ფაჩულიას  - 19 ქულა, 11 მოხსნა. 18 ქულა ჩააგდო დიქსონმა და 17 დუდა სანაძემ.     

ხვალ, საქართველოს ნაკრები თბილისის დროით 18:30 საათზე იტალიას დაუპირისპირდება. ახლა ჩვენს გუნდს პლეი ოფში გასვლის ორი გზა აქვს - იტალიის ძლიერ ნაკრებს თუ დაამარცხებს პლე ოფში ავტომატურად გავა. თუ ზუროსის გუნდი იტალიასთან დამარცხდება, მაშინ ისევ ისრაელის იმედად ვრჩებით, რომელმაც უკრაინას უნდა მოუგოს. იტალიის ნაკრების დამარცხება იდეალური ვარიანტი იქნება, რადგან ამ შემთხვევაში ჩვენი გუნდი პლეი ოფში უკეთესი პოზიციით მოხვდება.

ლექსო მაისურაძე
სპეციალურად msy.gov.ge-ისთვის თელ ავივიდან
ფოტო - ბესო ელბაქიძე; Fiba-ს ოფიციალური გვერდი

სხვა ახალი ამბები
კატეგორია : კალათბურთი თარიღი : 2017 დეკემბერი 21
ამერიკის ნაციონალური საკალათბურთო ასოციაციის, NBA-ს მორიგი ტურის შეხვედრა ზაზა ფაჩულიას „გოლდენ სტეიტ უორიორსსა" და „მემფის გრიზლის" შორის ანსამბლ „შვიდკაცას" მიერ შესრულებული აშშ-ის ჰიმნით გაიხსნა.
კატეგორია : კალათბურთი თარიღი : 2017 დეკემბერი 11
20 დეკემბერს, "Oracle Arena"-ზე გასამართ  ნბა-ს რეგულარული ჩემპიონატის მატჩში, რომელშიც ერთმანეთს "გოლდენ  სტეიტი" და "მემფისი" დაუპირისპირდებიან ზაზა ფაჩულიას სახელობის სათამაშო ~Bubble Head" დარიგდება.  
კატეგორია : კალათბურთი თარიღი : 2017 დეკემბერი 05
საქართველოს კალათბურთის ეროვნული ფედერაციის „წლის წიგნის" პრეზენტაციას თბილისის „ივენთ ჰოლმა" უმასპინძლა. ქართული კალათბურთის საზოგადოება გაეცნო იმ საკალათბურთო ღონისძიებებს, რომლებსაც  კალათბურთის ფედერაციამ ორგანიზება გასული 4 წლის მანძილზე გაუწია. 
კატეგორია : კალათბურთი თარიღი : 2017 ნოემბერი 28
მსოფლიოს 2019 წლის ჩემპიონატის შესარჩევი ეტაპის მეორე მატჩში საქართველოს საკალათბურთო ნაკრები სტუმრად სერბეთს დაუპირისპირდა და ანგარიშით 105:87 დამარცხდა.
კატეგორია : კალათბურთი თარიღი : 2017 ნოემბერი 14
საქართველოს ეროვნულმა ნაკრებმა მსოფლიოს 2019 წლის ჩემპიონატის შესარჩევი ტურნირისთვის მზადება დაიწყო. მთავარმა მწვრთნელმა, ილიას ზუროსმა 24 კანდიდატი დაასახელა, რომელთაგან ნოემბრის საკვალიფიკაციო მატჩებისთვის 12-ს შეარჩევს