სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

საქართველოს ნაკრები პლეი ოფში ისრაელის უკრაინასთან გამარჯვების შემთხვევაში გავა

თარიღი: 2017 სექტემბერი 06

საქართველოს ნაკრებმა ევროპის ჩემპიონატის ჯგუფური ეტაპის ბოლო მატჩი იტალიის ნაკრებთან გამართა და 69:71 დამარცხდა. ილიას ზუროსის გუნდი ისრაელთან უმძიმესი მატჩის შემდეგ დღევანდელ დაპირისპირებას გამოფიტული, ენრეგიისგან დაცლილი შეხვდა. (იხილეთ ფოტოგალერეა)

გუნდმა ვერ მოასწრო ძალების აღდგენა, ვერ შეხვდა მზად ფსიქოლოგიურად მატჩის საწყის წუთებს. ქართველმა კალათბურთელებმა ისრაელთან მატჩში მოედანზე ყველაფერი დატოვეს და იტალიასთან შეხვედრას ენერგიისგან დაცლილები შეხვდნენ.

გუშინ, იოლი მატჩი არც იტალიას ჰქონია, მაგრამ ეტორე მესინას გუნდს არც ოვერტაიმი უთამაშია და დასასვენებლადაც მეტი დრო ჰქონდა. ზოგადად, საქართველოს ნაკრებს უჭირს თამაში ისეთ გუნდებთან, რომელიც პერიმეტრიდან კარგად უტევს. იტალიის ნაკრების მთავრი პლიუსიც ეს არის, მესინას გუნდი პერიმეტრზე შეუდარებელია, რაც ამ შეხვედრაშიც კარგად გამოჩნდა. იტალიელებმა 10 სამქულიანი ჩაგვიგდეს. 

შემთხვევითი არ არის, რომ საქართველოს ნაკრებს იტალიელებთან უარყოფითი ბალანსი აქვს, ამ დრომდე ეს გუნდი არ დაუმარცხებია. საქართველოს ნაკრებმა სხვადასხვა დროს დაამარცხა - სერბეთის, ლიტვის, საბერძნეთის და რუსეთის ნაკრები, მაგრამ იტალიის ნაკრებთან გამაჯვება ამ დრომდე ვერ მოახერხა.

საქართველოს ნაკრებს არ ეყო ძალები დაცვაში ხისტად სათამაშოდ, პერიმეტრის ჩასაკეტად. იტალიის ნაკრებმა პირველ პერიოდში ძალიან დიდი უპირატესობა მოიპოვა - 27:10. ზუროსის გუნდმა თამაშში დაბრუნება და ანგარიშის გათანაბრებაც მოახერხა, მაგრამ ძალიან დიდი ენრეგია დახარჯა და მატჩის მოსაგებად ძალა აღარ შერჩა.

არადა, ბოლო წამებზე ამის შანსი ნამდვილად იყო 68:70-ზე ზუროსმა წუთშესვენება აიღო და გუნდს კომბინაცია დაუხაზა, მაგრამ დიქსონმა სამქულიანი ვერ ჩააგდო, რასაც იძულებითი ჯარიმა მოჰყვა 68:71. შეტევის დროს იტალიელები დიქსონზე დაჯარიმდნენ, მაიკლმა ერთი საჯარიმო ჩააგდო და მეორე შეგნებულად ააცილა, ფაჩულიამ და შერმადინმა სამწამიანში იბრძოლეს, გიორგის ბურთის ჩაგდება და მატჩის ოვერტაიმში გადაყვანაც შეეძლო, მაგრამ სამწუხაროდ ვერ მოახერხა...

საქართველოს ნაკრებში საუკეთესო მაიკლ დიქსონი იყო, რომელმაც ძალიან კარგი პროცენტით ესროლა 11-დან 5 სამქულიანი, 6-დან 6 ორიანი და 3-დან 2 საჯარიმო ჩააგდო. დიქსონის შედეგიანი და სხვების თავგანწირული თამაში გასამარჯვებლად საკმარისი არ აღმოჩნდა. 

საქართველოს ნაკრებმა ჯგუფიდან გასვლის კარგი შანსი დაკარგა. ახლა ისრაელის იმედზე ვართ დარჩენილები - თუ მასპინძლები უკრაინას დაამარცხებენ მაშინ საქართველოს ნაკრები პლე ოფში გავა, თუ ვერა, ამ შემთხვევაში სტამბოლში უკრაინა გაემგზავრება.

ლექსო მაისურაძე
სპეციალურად msy.gov.ge-ისთვის თელ ავივიდან
ფოტო -
ბესო ელბაქიძე; Fiba-ს ოფიციალური გვერდი

სხვა ახალი ამბები
კატეგორია : კალათბურთი თარიღი : 2017 ნოემბერი 14
საქართველოს ეროვნულმა ნაკრებმა მსოფლიოს 2019 წლის ჩემპიონატის შესარჩევი ტურნირისთვის მზადება დაიწყო. მთავარმა მწვრთნელმა, ილიას ზუროსმა 24 კანდიდატი დაასახელა, რომელთაგან ნოემბრის საკვალიფიკაციო მატჩებისთვის 12-ს შეარჩევს 
კატეგორია : კალათბურთი თარიღი : 2017 ნოემბერი 02
საქართველოს კალათბურთის ეროვნულმა ფედერაციამ დაიწყო მსაჯთა მოსამზადებელ კურსებზე მსურველების მიღება. ფედერაციის მოწვევით საქართველოში ჩამოსულია და მსაჯთა კავშირში „ეროვნულ ინსტრუქტორად" მუშაობს გამოცდილი სერბი სპეციალისტი დრაგან ნეშკოვიჩი, რომელიც მსაჯობის დაწყების მსურველებს სპეციალური პროგრამით მოამზადებს და არბიტრის კარიერის დაწყებაში დაეხმარება.    
კატეგორია : კალათბურთი თარიღი : 2017 ოქტომბერი 19
გამორჩეული დღე ჰქონდა ზაზა ფაჩულიას. საქართველოს ეროვნული ნაკრების ექს-კაპიტანმა ამერიკის ნაციონალური საკალათბურთო ასოციაციის საჩემპიონო ბეჭედი მოირგო. 
კატეგორია : კალათბურთი თარიღი : 2017 ოქტომბერი 18
საქართველოს კალათბურთის ფედერაციამ ევრობასკეტ 2021-ის ქვეჯგუფის მასპინძლობის სურვილი ფიბა-ევროპის ხელმძღვანელობასთან დააფიქსირა. მოგეხსენებათ, ფიბა-მ მნიშვნელოვანი ცვლილებები განახორციელა და ამიერიდან ევრობასკეტი 4 წელიწადში ერთხელ გაიმართება.
კატეგორია : კალათბურთი თარიღი : 2017 ოქტომბერი 13
ბერძენმა სპეციალისტმა, ილიას ზუროსმა საქართველოს კალათბურთის ფედერაციასთან ახალი ხელშეკრულება გააფორმა. მოგეხსენებათ, გასული ევრობასკეტის შემდეგ ზუროსს კონტრაქტი ამოეწურა და დღეს, ბერძენ სპეციალისტთან ახალი, 2-წლიანი კონტრაქტი გაფორმდა, რის განმავლობაშიც იგი საქართველოს ეროვნულ ნაკრებს მსოფლიოს 2019 წლის მსოფლიოს ჩემპიონატის შესარჩევ ეტაპზე გაწვრთნის.