სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

მერაბ რატიშვილი კალათბურთის საერთაშორისო ფედერაციის - FIBA-ს ტექნიკური დელეგატია

თარიღი: 2017 სექტემბერი 15

საქართველოს კალათბურთის ეროვნული ფედერაციის საერთაშორისო ურთიერთობათა დირექტორი, ფიბას კომისარი მერაბ რატიშვილი ამიერიდან ფიბას ახალი პოზიციის - ფიბას ტექნიკური დელეგატის ლიცენზიის მფლობელია. ამის დამადასტურებელი სერტიფიკატი რატიშვილმა 12 სექტემბერს სტამბოლში, ფიბას ტექნიკური დელეგატების დასკვნითი სემინარისა და გამოცდების შემდეგ მიიღო.

ფიბამ ტექნიკური დელეგატის თანამდებობა საგანგებოდ შემოიღო მსოფლიოს 2019 წლის შესარჩევი მატჩებისთვის. ტექნიკური დელეგატის ფუნქციაა მსოფლიოს ჩემპიონატის კონკრეტული შესარჩევი მატჩის ორგანიზების ზედამხედველობა და მართვა, რაც მოიცავს: უშუალოდ მატჩის ჩატარების ადგილის (არენის) შესაბამისად გამართვა-მოწყობას; მარკეტინგს; მატჩის მონაწილეთა და მაყურებელთა უსაფრთხოებას; მედიისთვის სამუშაო პირობების შექმნის მონიტორინგს; სატელევიზიო პროდუქციის მომზადების და ტრანსლირების კონტროლს; პირველად სამედიცინო მომსახურებას და დოპინგ-კონტროლს; მატჩის მიმდინარეობას კალათბურთის ოფიციალური წესების და ფიბას შესაბამისი დებულებების მიხედვით.

თავდაპირველად ფიბამ ევროპის მასშტაბით ტექნიკური დელეგატობის 80 კანდიდატურა შეარჩია. წელიწადნახევრის განმავლობაში კანდიდატები მუდმივად გადიოდნენ წვრთნას, ონ-ლაინ ტესტებს და პრაქტიკულ გამოცდებს სხვადსახვა საკითხებში. დასკვნითი გამოცდის შემდეგ ფიბას ტექნიკური დელეგატის ლიცენზია 35 კაცმა მიიღო, მათ შორის მერაბ რატიშვილმაც. აღსნიშნავია, რომ ყოფილი საბჭოთა კავშირიდან ლიცენზია მიიღეს მხოლოდ საქართველოს, ლიტვის და ლატვიის თითო წარმომადგენელმა.

მერაბ რატიშვილმა ტექნიკური დელეგატის რანგში უკვე მიიღო პირველი დანიშვნა - მსოფლიოს 2019 წლის შესარჩევი ტურნირის პირველ ფანჯარაში, 26 ნოემბერს კიევში უკრაინა-თურქეთის მატჩს მოემსახურება.

ფიბას ტექნიკური დელეგატობის პარალელურად მერაბ რატიშვილი აგრძელებს საქმიანობას ფიბას კომისრის სტატუსით და სექტემბერში 2 მატჩს უკომისრებს: 19 სექტემბერს თბილისში საკალათბურთო ჩემპიონთა ლიგის საკვალიფიკაციო ეტაპზე თბილისის „დინამო" - „ხუვენტუდს" (ესპანეთი), ხოლო 27 სექტემბერს - თურქეთის ქალაქ ტრაპიზონში,ფიბა ევროპის თასის საკვალიფიკაციო ეტაპის საპასუხო მატჩს ადგილობრივ „ტრაბზონსფორსა" და უნგრეთის „სოლნოკის" შორის.

WWW.GBF.GE

სხვა ახალი ამბები
კატეგორია : კალათბურთი თარიღი : 2017 დეკემბერი 11
20 დეკემბერს, "Oracle Arena"-ზე გასამართ  ნბა-ს რეგულარული ჩემპიონატის მატჩში, რომელშიც ერთმანეთს "გოლდენ  სტეიტი" და "მემფისი" დაუპირისპირდებიან ზაზა ფაჩულიას სახელობის სათამაშო ~Bubble Head" დარიგდება.  
კატეგორია : კალათბურთი თარიღი : 2017 დეკემბერი 05
საქართველოს კალათბურთის ეროვნული ფედერაციის „წლის წიგნის" პრეზენტაციას თბილისის „ივენთ ჰოლმა" უმასპინძლა. ქართული კალათბურთის საზოგადოება გაეცნო იმ საკალათბურთო ღონისძიებებს, რომლებსაც  კალათბურთის ფედერაციამ ორგანიზება გასული 4 წლის მანძილზე გაუწია. 
კატეგორია : კალათბურთი თარიღი : 2017 ნოემბერი 28
მსოფლიოს 2019 წლის ჩემპიონატის შესარჩევი ეტაპის მეორე მატჩში საქართველოს საკალათბურთო ნაკრები სტუმრად სერბეთს დაუპირისპირდა და ანგარიშით 105:87 დამარცხდა.
კატეგორია : კალათბურთი თარიღი : 2017 ნოემბერი 14
საქართველოს ეროვნულმა ნაკრებმა მსოფლიოს 2019 წლის ჩემპიონატის შესარჩევი ტურნირისთვის მზადება დაიწყო. მთავარმა მწვრთნელმა, ილიას ზუროსმა 24 კანდიდატი დაასახელა, რომელთაგან ნოემბრის საკვალიფიკაციო მატჩებისთვის 12-ს შეარჩევს 
კატეგორია : კალათბურთი თარიღი : 2017 ნოემბერი 02
საქართველოს კალათბურთის ეროვნულმა ფედერაციამ დაიწყო მსაჯთა მოსამზადებელ კურსებზე მსურველების მიღება. ფედერაციის მოწვევით საქართველოში ჩამოსულია და მსაჯთა კავშირში „ეროვნულ ინსტრუქტორად" მუშაობს გამოცდილი სერბი სპეციალისტი დრაგან ნეშკოვიჩი, რომელიც მსაჯობის დაწყების მსურველებს სპეციალური პროგრამით მოამზადებს და არბიტრის კარიერის დაწყებაში დაეხმარება.