სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

საქართველოს ძიუდოს ეროვნული ნაკრები ევროპის ჩემპიონატზე გაემგზავრა

თარიღი: 2017 აპრილი 19

საქართველოს ძიუდოისტთა ეროვნული ნაკრები 19 აპრილს  პოლონეთის დედაქალაქ ვარშავაში გაემგზავრა, სადაც 20-23 აპრილს ევროპის ჩემპიონატი ჩატარდება.

საქართველოს ეროვნული ნაკრების მთავარმა მწვრთნელმა, ირაკლი ცირეკიძემ ევროპის ჩემპიონატზე უძლიერესი შემადგენლობა დაასახელა. თუმცა საქართელოს ნაკრებს გუნდის ტრავმის გამო ერთ-ერთი ლიდერი ავთანდილ ჭრიკიშვილი დააკლდება.

19 აპრილს ოფიციალური კენჭისყრა გაიმართება, ჩემპიონატი კი სტარტს 20 აპრილიდან აიღებს.

20 აპრილს ტურნირს მამაკაცთა შორის -60, -66, -48, -52 და ქალთა შორის -58 კგ. წონითი კატეგორიებში მონაწილე ძიუდოისტები გახსნიან, 21 აპრილს შეჯიბრში -73, -81, -63 და -70 კგ წონით კატეგორიაში მოასპარეზე სპორტსმენები ჩაერთვებიან, მესამე დღეს, 22 აპრილს კი მედლებისათვის მძიმეწონოსნები (მამაკაცთა შორის -90, -100 + 100 და ქალთა შორის -78, + 78) იბრძოლებენ. 23 აპრილს გაიმართება გუნდური შეჯიბრი.

ევროპის ჩემპიონატზე წინასწარი ეტაპის შეხვედრები თბილისის დროით 13:00 საათზე დაიწყება, გარდა 22 აპრილისა, მესამე საშეჯიბრო დღე 14:00 საათიდან აიღებს სტარტს. ფინალური ბლოკი კი ოთხივე საშეჯიბრო დღეს თბილისის დროით 18:00 საათზე დაიწყება.

ევროპის ჩემპიონატის ფინალური ბლოკის ტრანსლირებას საქართველოს საზოგადოებრივი მაუწყებლის მეორე არხი განახორციელებს.

საქართველოს ნაკრების შემადგენლობა:

ვაჟები

-60კგ - ამირან პაპინაშვილი, ლუხუმ ჩხვიმიანი,
-66კგ - ვაჟა მარგველაშვილი,
-73კგ - ლაშა შავდათუაშვილი,
-81კგ - ზებედა რეხვიაშვილი,
-90კგ - ბექა ღვინიაშვილი,
-100კგ - ვარლამ ლიპარტელიანი,
+100კგ - ადამ ოქრუაშვილი, გურამ თუშიშვილი.

ქალები

-48კგ - ოლღა ალადოშვილი,
-57კგ - ეთერ ლიპარტელიანი,
+78კგ - ელენე ქებაძე.


გუნდურ შეჯიბრში ვაჟთა ნაკრებს კიდევ 4 ძიუდოისტი დაემატება:

-66კგ - ლაშა გიუნაშვილი
-73კგ - ფრიდონ გიგანი
-81კგ - ამბაკო ავალიანი
-90კგ - უშანგი მარგიანი.

სამინისტროს პრესსამსახური

სხვა ახალი ამბები
კატეგორია : ძიუდო თარიღი : 2017 ოქტომბერი 20
გარდაბნის მუნიციპალიტეტის სოფელ ნორიოში, საქართველოს ეროვნული ნაკრების წევრის, ევროპის სამგზის და მსოფლიოს ჩემპიონის, ავთანდილ ჭრიკიშვილის სახელობის ძიუდოს დარბაზი გაიხსნა
კატეგორია : ძიუდო თარიღი : 2017 ოქტომბერი 19
ხორვატიის დედაქალაქ ზაგრებში მიმდინარე მსოფლიოს ახალგაზრდულ ჩემპიონატზე ჯაპა პაპინაშვილმა ოქროს მედალი მოიპოვა!
კატეგორია : ძიუდო თარიღი : 2017 ოქტომბერი 18
18-22 ოქტომბერს ხორვატიის დედაქალაქ ზაგრებში ახალგაზრდა ძიუდოისტთა მსოფლიო ჩემპიონატი გაიმართება, რომელშიც მსოფლიოს 83 ქვეყნის 590 ძიუდოისტი მიიღებს მონაწილეობას.
კატეგორია : ძიუდო თარიღი : 2017 ოქტომბერი 12
გარდაბნის მუნიციპალიტეტის სოფელ სართიჭალაში ძიუდოს ახალი დარბაზი გაიხსნა. საზეიმო ცერემონიას სპორტისა და ახალგაზრდობის საქმეთა მინისტრი ტარიელ ხეჩიკაშვილი, პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი და კომიტეტის წევრი, ვეტერანი ძიუდოისტი, ოლიმპიური ჩემპიონი შოთა ხაბარელი, ძიუდოს ეროვნული ფედერაციის პრეზიდენტი დავით ქევხიშვილი, გარდაბნის გამგებელი გოჩა ჯამარაული, საკრებულოს თავმჯდომარე ვაჟა გენგაშვილი დაგულშემატკივრები დაესწრნენ.
კატეგორია : ძიუდო თარიღი : 2017 სექტემბერი 19
სლოვენიის ქალაქ მარიბორში გამართულ ევროპის ახალგაზრდულ ჩემპიონატზე ძიუდოში, საქართველოს ნაკრების წევრებმა ინდივიდუალური ტურნირი 1 ვერცხლისა და 3 ბრინჯაოს მედლით დაასრულეს, გუნდურ ჩემპიონატში კი ვერცხლის მედლები მოიპოვეს.