სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ძიუდოს 47 მწვრთნელს საერთაშორისო აკადემიის სერთიფიკატი გადაეცა

თარიღი: 2017 ივნისი 28



28 ივნისს შოთა ჩოჩიშვილის სახელობის ძიუდოს აკადემიაში საქართველოს საკლუბო ჩემპიონატის III და IV ტურის შეხვედრები გაიმართა.

აღსანიშნავია, რომ მიმდინარე დაპირისპირებებში მონაწილეობა მიიღეს საქართველოს ეროვნული ნაკრების წევრებმა, კლუბ "ლომჭაბუკის" შემადგენლობაში კი იასპარეზა მსოფლიოსა და ევროპის არაერთგზის ჩემპიონმა ავთანდილ ჭრიკიშვილმა. საქართველოს საკლუბო ჩემპიონატში პირველობისა და საპრიზო ადგილებისთვის 8 გუნდი იბრძვის, 4 ტურის შემდეგ, ჩემპიონატს „შევარდენი" ლიდერობს 28 შეხვედრაში მოპოვებული 19 გამარჯვებით.

ტურის მსვლელობისას, ძიუდოს ეროვნული ფედერაციის პრეზიდენტმა დავით ქევხიშვილმა და სპორტისა და ახალგაზრდობის საქმეთა მინისტრმა ტარიელ ხეჩიკაშვილმა ძიუდოს საერთაშორისო აკადემიის სერთიფიკატებით 47 მწვრთნელი დააჯილდოვეს, რომლებმაც წარმატებით ჩააბარეს ძიუდოს საერთაშორისო აკადემიის პირველი კურსის გამოცდები. მაისში თბილისმა ძიუდოს საერთაშორისო აკადემიის ინსტრუქტორებს უმასპინძლა, რომლებმაც ქართველ მწვრთნელებს I კურსის პროგრამით გათვალისწინებული ლექციები ჩაუტარეს.



„შეიძლება ითქვას, რომ საქართველოს ძიუდოს ფედერაცის რეფორმების ავანგარდშია, ჩვენ სწორედ ასეთი სწორი მიდგომების და ახალი რეფორმების გატარების მიზეზით ვაღიარეთ ძიუდოს ფედერაცია 2016 წლის საუკეთესო ფედერაციად. ძიუდოს ფედერაცია ძალიან მნიშვნელოვანი პროექტებს ახორციელებს, თუნდაც საკლუბო ჩემპიონატის ორგანიზება რომ ავიღოთ, სადაც უამრავ ახალგაზრდას ეძლევა საშუალება საკუთარი შესაძლებლობები წარმოაჩინოს.

ასევე სასიხარულოა, რომ საკლუბო ჩემპიონატში ჩვენი ტიტულოვანი სპორტსმენებიც იღებენ მონაწილეობას. აღსანიშნავია ასევე ინფრასტრუქტურული და რა თქმა უნდა, მწვრთნელთა განათლებისა და სერთიფიცირების  პროექტები, რაც ხელს შეუწყობს რეგიონებში ძიუდოს კიდევ უფრო მეტ პოპულარიზაციას და მასობრიობას" - განაცხადა სპორტისა და ახალგაზრდობის საქმეთა მინისტრმა ძიუდოს აკადემიაში სტუმრობისას.

იხილეთ მე-3 და მე-4 ტურის შეხვედრების შედეგები

ვიპ ძიუდო - ოლიმპი 4:3
სამურაი - ლომჭაბუკი 3:4
პატარა კახი - დურმიშხანი 6:1
ლიდერი - შევარდენი 1:6
ვიპ ძიუდო - ლომჭაბუკი 4:3
ლიდერი - დურმიშხანი 5:2
პატარა კახი - ოლიმპი 3:4
სამურაი - შევარდენი 3:4

საკლბო ჩემპიონატის ცხრილი 4 ტურის შემდეგ

1. შევარდენი 
2. პატარა კახი
3. ვიპ ძიუდო
4. ლიდერი
5. დურმიშხანი
6. ლომჭაბუკი
7. სამურაი
8, ლიდერი

ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : ძიუდო თარიღი : 2018 თებერვალი 12
საფრანგეთის დედაქალაქ პარიზში ძიუდოს პრესტიჟული ტურნირი, წლის პირველი გრანდ სლემი გაიმართა, სადაც საქართველოს ნაკრები 12 სპორტსმენით გამოვიდა და 4 მედალი მოიპოვა. ტურნირის პირველ დღეს ლაშა შავდათუაშვილის მიერ მოპოვებულ ვერცხლის მედალს, მეორე საშეჯიბრო დღეს ირაკლი ცირეკიძის გუნდმა 3 მედალი დაუმატა - ვერცხლი მოიპოვა ბექა შვინიაშვილმა (90 კგ) და მსოფლიოს რეიტინგში პირველ პოზიციას იკავებს.     
კატეგორია : ძიუდო თარიღი : 2017 დეკემბერი 18
საქართველოს ვაჟ ძიუდოისტმა ნაკრებმა სანქტ-პეტერბურგში დასრულებულ მასტერსზე 3 ოქროს, თითო ვერცხლისა და ბრინჯაოს მედლები მოიპოვა. ოქროს მედლები ბექა ღვინიაშვილმა, ვარლამ ლიპარტელიანმა და გურამ თუშიშვილმა დაისაკუთრეს.  
კატეგორია : ძიუდო თარიღი : 2017 დეკემბერი 04
ქართველმა ძიუდოისტმა უშანგი მარგიანმა პრესტიჟულ საერთაშორისო ტურნირზე - ტოკიოს გრან სლემზე ბრინჯაოს მედალი მოიპოვა.
კატეგორია : ძიუდო თარიღი : 2017 ნოემბერი 27
2017 წლის ევროპის საკლუბო ჩემპიონატის „ოქროს ლიგაში" ძიუდოს კლუბმა „მებრძოლმა" მე-3 ადგილი დაიკავა. ტურნირს თურქეთის დედაქალაქმა ანკარამ უმასპინძლა.
კატეგორია : ძიუდო თარიღი : 2017 ნოემბერი 10
11-12 ნოემბერს, მაროკოული მარაკეშის კონგრესის სასახლეში გაიმართება მსოფლიოს ჩემპიონატი ძიუდოში, ოღონდ მხოლოდ აბსოლუტურ წონაში - ქალებშიც და ვაჟებშიც. თავდაპირველად - შაბათს ვაჟები იჭიდავებენ, კვირა დღე კი ქალებს დაეთმობათ.