ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;
საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge
საქართველოში იმყოფებიან ძიუდოს საერთაშორისო ფედერაციის - IJF კონტრაქტორი და პარტნიორი ფირმის - „ფაითინგ ფილმსის" წარმომადგენლები და გადამღები ჯგუფის წევრები დიდი ბრიტანეთიდან, რომლებიც აღნიშნული კომპანიისათვის სხვადასხვა სახის სარეკლამო ვიდეო-რგოლებს ამზადებენ.
ფირმის წარმომადგენლები ქართველი ძიუდოისტების წინასაოლიმპიადო მზადებით დაინტერსდნენ, რის შედეგადაც რამდენიმე ქართველ ძიუდოისტზე სარეკლამო კლიპი დამზადდება.
ბრიტანელები სარეკლამო რგოლებში გადაიღებენ საქართველოს ეროვნული ნაკრების წევრებს - ვარლამ ლიპარტელიანს, ირაკლი ცირეკიძეს და ასევე საბერძნეთის სახელით მოჭიდავე წარმოშობით ქართველ - ჯარჯი ზვიადაურს, რომელიც ოლიმპიადისათვის წისამოსამზადებელ პერიოდს საქართველოში გადის.
აღსანიშნავია, რომ "ფაითინგ ფილმს" სარეკლამო საქმიანობას სხვადასხვა მიმართულებით ეწევა, აწარმოებს საერთაშორისო პირდაპირ ტრანსლაციებს და ასევე საჭიდაო კიმონოებს. ქართველი ძიუდოისტები საერთაშორისო ტურნირებზე სწორედ ამ ფირმის კიმონოებით გადიან ტატამზე.
ფოტო: თამუნა ყულუმბეგაშვილი
სამინისტროს პრესსამსახური
