სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ევროპის ზამთრის ახალგაზრდული ოლიმპიური ფესტივალი: ნიკა ეგაძის ბრინჯაოს მედალი

თარიღი: 2017 თებერვალი 16

ერზრუმში მიმდინარე ევროპის ზამთრის ახალგაზრდულ ოლიმპიურ ფესტივალზე ბრინჯაოს მედალი მოიპოვა ქართველმა მოციგურავემ ნიკა ეგაძემ. მოკლე პროგრამის შემდეგ ნიკა მეექვსე ადგილზე იყო, თავისუფალ პროგრამაში კი უფრო დამაჯერებლად გამოვიდა და საბოლოოდ მესამე ადგილი დაიკავა. როგორც საქართველოს ფიგურული ციგურაობის ფედერაციის პრეზიდენტმა მარიამ გიორგობიანმა გვითხრა, ნიკა ფესტივალის ყველაზე ახალგაზრდა მონაწილეა, ძალიან ნიჭიერი სპორტსმენია და წინ დიდი მომავალი აქვს.

საქართველოს სპორტსმენთაგან ევროპის ზამთრის ახალგაზრდულ ოლიმპიურ ფესტივალებზე აქამდე ერთადერთი მედალი მოპოვებული ჰქონდა ვახტანგ მურვანიძეს, რომელმაც 1997 წელს სუნდსვალში (შვედეთი) ასევე ფიგურულ ციგურაობაში მეორე ადგილი დაიკავა. 2015 წელს გამართულ ფესტივალზე ქართველთაგან საუკეთესო შედეგი აჩვენა ირაკლი მაისურაძემ - V ადგილი ფიგურულ ციგურაობაში.

www.geonoc.org.ge

სხვა ახალი ამბები
კატეგორია : ოლიმპიური თარიღი : 2017 ივლისი 28
ევროპის ახალგაზრდულ ოლიმპიურ ფესტივალზე საქართველოს გუნდს ძიუდოისტებმა კიდევ ორი მედალი შემატეს - 27 ივლისს თავი გამოიჩინეს მარიამ ჭანტურიამ (63კგ) და ვლადიმერ ახალკაცმა (81კგ). მარიამმა ყველა მეტოქე დაჯაბნა და დიორში მეორედ ააჟღერა საქართველოს ჰიმნი, ახალკაცი კი ბრინჯაოს დაეუფლა.
კატეგორია : ოლიმპიური თარიღი : 2017 ივლისი 27
ევროპის ახალგაზრდულ ოლიმპიურ ფესტივალზე ქართველთაგან მეორე მედალი, ამჯერად ოქროსი, კვლავ ძიუდოისტმა მოიპოვა. დიორის ოლიმპიურ პარკში საქართველოს ჰიმნი 66კგ წონაში მოასპარეზე გიორგი ჩიხელიძის გამარჯვების აღსანიშნავად აჟღერდა!
კატეგორია : ოლიმპიური თარიღი : 2017 ივლისი 26
უნგრეთის ქალაქ გიორში მიმდინარე ევროპის ახალგაზდულ ოლიმპიურ ფესტივალზე  საქართველოს გუნდს პირველი მედალი ძიუდოისტმა ბექა წიფიანმა (55კგ) მოუტანა. 
კატეგორია : ოლიმპიური თარიღი : 2017 ივლისი 21
23-29 ივლისს უნგრეთის ქალაქი დიორი ევროპის XIV ახალგაზრდულ ოლიმპიურ ფესტივალს უმასპინძლებს. საქართველოს გუნდის გაცილების საზეიმო ცერემონია დღეს, ეროვნული ოლიმპიური კომიტეტის ოფისში გაიმართა.
კატეგორია : ოლიმპიური თარიღი : 2017 ივლისი 21
ევროპის ახალგაზრდული ოლიმპიური ფესტივალი ახალგაზრდა სპორტსმენთა კონტინენტური შეჯიბრებაა, რომელიც ორ წელიწადში ერთხელ ტარდება.