სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

დიორი 2017 - პირველი ქართული მედალი ბექა წიფიანმა მოიპოვა

თარიღი: 2017 ივლისი 26



(უნგრეთში ქართველ სპორტსმენებს სპორტისა და ახალგაზრდობის საქმეთა მინისტრი ტარიელ ხეჩიკაშვილი გულშემატკივრობს)

უნგრეთის ქალაქ დიორში მიმდინარე ევროპის ახალგაზდულ ოლიმპიურ ფესტივალზე  საქართველოს გუნდს პირველი მედალი ძიუდოისტმა ბექა წიფიანმა (55კგ) მოუტანა. 

ფინალურ შეხვედრამდე ბექამ 4 მეტოქე - შვედი ემილ ჰენრიკსონი, კვიპროსელი ლუკა ლუკასი, მოლდოველი ადილ ოსმანოვი და უკრაინელი ოლეგ ვერედიბა დაამარცხა.  ფინალურ შეხვედრაში კი თურქ ძიუდოისტთან, მირაჯ აკუსთან წააგო და საქართველოს დელეგაციას  ვერცხლის მედალი მოუპოვა.

დღესვე გიორის ტატამზე გავიდა გოგა ჩხაიძე (50კგ).  საქართველოს ნაკრების ყველაზე მცირეწონიანმა წევრმა უმაღლესი სინჯის მედლისთვის ბრძოლის შანსი მეორე შეხვედრაში დაკარგა, როდესაც ბელარუსის წარმომადგენელთან დამარცხდა, თუმცა ასპარეზობა რეპეშაჟში გააგრძელა. აქ ბექამ პირველი შეხვედრა ესპანელ ჟაუმ ბერნაბეურიკოს ვაზარით მოუგო, შემდეგ კი ბულგარელ  ლუბოსლავ გრიგოროვთან იპონით დამარცხდა და ტურნირს გამოეთიშა.

ხვალ  ფესტივალში კიდევ 3 ქართველი ძიუდოისტი ჩაებმება: ეკატერინე ტატუნაშვილი (52 კგ), გურამ ძავაშვილი (60 კგ) და გიორგი ჩიხელიძე (66 კგ).

სპორტის სხვა სახეოებების წარმომადგენელთაგან ფინალულ ეტაპზე გასვლა ჯერჯერობით ვერავინ მოახერხა. პირველივე წრეში დამარცხდნენ ჩოგბურთელები, საკვალიფიკაციო შეჯიბრება ვერ გაიარეს მოცურავეებმა, კანოისტებმა, ველოსიპედისტებმა  და მძლეოსანთა იმ ნაწილმა, რომლებმაც უკვე დაამთავრეს შეჯიბრება.

 

www.geonoc.org.ge

 

სხვა ახალი ამბები
კატეგორია : ოლიმპიური თარიღი : 2017 ივლისი 28
ევროპის ახალგაზრდულ ოლიმპიურ ფესტივალზე საქართველოს გუნდს ძიუდოისტებმა კიდევ ორი მედალი შემატეს - 27 ივლისს თავი გამოიჩინეს მარიამ ჭანტურიამ (63კგ) და ვლადიმერ ახალკაცმა (81კგ). მარიამმა ყველა მეტოქე დაჯაბნა და დიორში მეორედ ააჟღერა საქართველოს ჰიმნი, ახალკაცი კი ბრინჯაოს დაეუფლა.
კატეგორია : ოლიმპიური თარიღი : 2017 ივლისი 27
ევროპის ახალგაზრდულ ოლიმპიურ ფესტივალზე ქართველთაგან მეორე მედალი, ამჯერად ოქროსი, კვლავ ძიუდოისტმა მოიპოვა. დიორის ოლიმპიურ პარკში საქართველოს ჰიმნი 66კგ წონაში მოასპარეზე გიორგი ჩიხელიძის გამარჯვების აღსანიშნავად აჟღერდა!
კატეგორია : ოლიმპიური თარიღი : 2017 ივლისი 21
23-29 ივლისს უნგრეთის ქალაქი დიორი ევროპის XIV ახალგაზრდულ ოლიმპიურ ფესტივალს უმასპინძლებს. საქართველოს გუნდის გაცილების საზეიმო ცერემონია დღეს, ეროვნული ოლიმპიური კომიტეტის ოფისში გაიმართა.
კატეგორია : ოლიმპიური თარიღი : 2017 ივლისი 21
ევროპის ახალგაზრდული ოლიმპიური ფესტივალი ახალგაზრდა სპორტსმენთა კონტინენტური შეჯიბრებაა, რომელიც ორ წელიწადში ერთხელ ტარდება.
კატეგორია : ოლიმპიური თარიღი : 2017 ივლისი 20
ევროპის ახალგაზრდული ოლიმპიური ფესტივალი ორწლიანი შესვენების შემდეგ ბრუნდება - XIV თამაშებს უნგრეთის ქალაქი დიორი 23-30 ივლისს უმასპინძლებს.