სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

დიორი 2017: მარიამ ჭანტურიას ოქრო და ვლადიმერ ახალკაცის ბრინჯაო

თარიღი: 2017 ივლისი 28


დიორი 2017-ის მესამეადგილოსანი ვლადიმერ ახალკაცი და ჩემპიონი მარიამ ჭანტურია

ევროპის ახალგაზრდულ ოლიმპიურ ფესტივალზე საქართველოს გუნდს ძიუდოისტებმა კიდევ ორი მედალი შემატეს - 27 ივლისს თავი გამოიჩინეს მარიამ ჭანტურიამ (63კგ) და ვლადიმერ ახალკაცმა (81კგ). მარიამმა ყველა მეტოქე დაჯაბნა და დიორში მეორედ ააჟღერა საქართველოს ჰიმნი, ახალკაცი კი ბრინჯაოს დაეუფლა.

მარიამ ჭანტურიამ საჩემპიონო გზა ბრწყინვალედ გაიარა: პირველ წრეში ხორვატი ლუსია გლუმაკი შებოჭა, შემდეგ კი პორტუგალიელი ჟოანა კრისოსტომო. ნახევარფინალში ჩვენმა ძიუდოისტმა კოსოვოს წარმომადგენელს ლაურა ფაზლიუს დამატებით დროში იპონით სძლია.

დაძაბული გამოდგა ფინალური შერკინება: მარიამი ევროპის ორგზის ჩემპიონს, სერბ ანია ობრადოვიჩს დაუპირისპირდა, ბოლო წამებზე მეტოქეს ვაზარი აუღო და ჩემპიონის ტიტული მოიპოვა!

ვლადიმერ ახალკაცმა (81კგ) დილის პროგრამაში ორი შეხვედრა მოიგო, 1/4-ფინალში კი მოლდოველ იუგენ მატვეიციუსთან დამარცხდა, თუმცა მედლისთვის ბრძოლა რეპეშაჟში განაგრძო. დამამშვიდებელ ჯგუფში ახალკაცმა სამი შეხვედრიდან სამივე იპონით მოიგო და საქართველოს გუნდს ბრინჯაოს მედალი მოუტანა.

დღესვე ტატამზე საქართველოს ნაკრების კიდევ ორი წევრი გავიდა - ლევან ფსუტური (73კგ) და თინათინ რევაზიშვილი (57კგ), მაგრამ მედალს ვერცერთი შეწვდა. ფსუტურმა საკვალიფიკაციო ეტაპზე ორი შეხვედრა გამარჯვებით დაასრულა, შემდეგ რუს თანატოლთან დანილ მატვეევთან დამარცხდა და დამამშვიდებელ წრეში გადაერთო. რეპეშაჟში ორი შეხვედრის მოგების შემდეგ, როდესაც წამები აშორებდა ბრინჯაოს მედალს, სამწუხარო მარცხი იწვნია და ასპარეზობა მეხუთე ადგილით დაამთავრა. თინათინ რევაზიშვილმა ახალგაზრდულ ოლიმპიურ ფესტივალზე მხოლოდ ერთი შეხვედრის მოგება შეძლო.

სადღეისოდ საქართველოს დელეგაციას 2 ოქროს, 1 ვერცხლის და 1 ბრინჯაოს მედალი აქვს და საერთო ჩათვლაში მე-12 ადგილზეა.

დღეს, 28 ივლისს ძიუდოისტთა ტურნირის ბოლო დღეს, მედლებისთვის ბრძოლაში ჩაერთვებიან ევროპის წლევანდელი ჩემპიონი სოფიო სომხიშვილი (+73კგ), მიხეილ ბექაური (90კგ) და ლევან ჭელიძე (+100კგ).

საქართველოს ეროვნული ოლიმპიური კომიტეტი

სხვა ახალი ამბები
კატეგორია : ოლიმპიური თარიღი : 2017 ოქტომბერი 17
ალბანეთის ქალაქ დურესიდან, სადაც ევროპის ძალოსნობის ფედერაციის აღმასრულებელი საბჭოს სხდომა გაიმართა, სასიხარულო ცნობა მოვიდა - 2019 წელს ძალოსანთა ევროპის ჩემპიონატს ბათუმი უმასპინძლებს! ეს ამბავი ჩვენი ქვეყნის სპორტის და ზოგადად ქართული ძალოსნობის მორიგი აღიარებაა.
კატეგორია : ოლიმპიური თარიღი : 2017 ოქტომბერი 06
საქართველოს ეროვნულმა ოლიმპიურმა კომიტეტმა დღეს 28 წლის იუბილე აღნიშნა. ღონისძიება, რომელსაც სპორტისა და ახალგაზრდობის საქმეთა მინისტრი ტარიელ ხეჩიკაშვილი დაესწრო, რამდენიმე მნიშვნელოვანი მოვლენით გახლდათ აღსანიშნავი.
კატეგორია : ოლიმპიური თარიღი : 2017 ოქტომბერი 05
თბილისის ივენთჰოლმა გუშინ წყალბურთის კლუბის დინამოს პრეზენტაციას უმასპინძლა. შეგახსენებთ, რომ თბილისის დინამო წყალბურთს 22-წლიანი შესვენების შემდეგ წლის დასაწყისში დაუბრუნდა და საქართველოს ჩემპიონის ტიტულიც დაიბრუნა.
კატეგორია : ოლიმპიური თარიღი : 2017 ოქტომბერი 03
სპორტისა და ახალგაზრდობის საქმეთა მინისტრმა ტარიელ ხეჩიკაშვილმა დღეს ლისის იპოდრომზე ქართველი ცხენოსნები მოინახულა. სპორტსმენებს მინისტრის მოადგილე შალვა გოგოლაძე და სამინისტროს წარმომადგენლებიც ესტუმრნენ.
კატეგორია : ოლიმპიური თარიღი : 2017 ოქტომბერი 02
კოსოვოს დედაქალაქ პრიშტინაში 23-30 სექტემბერს გამართულ ჭაბუკ ძალოსანთა ევროპის ჩემპიონატზე საქართველოს ნაკრებმა 2 ოქროს მედალი მოიპოვა: 15-წლამდელებში კონტინენტის ჩემპიონები გურამ გიორბელიძე (62კგ) და ლაშა თაქთაქიშვილი  (94კგ) გახდნენ.