სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ძალოსნობა: ჭაბუკთა ორი ოქროს მედალი ევროპის ჩემპიონატზე

თარიღი: 2017 ოქტომბერი 02


კოსოვოს დედაქალაქ პრიშტინაში 23-30 სექტემბერს გამართულ ჭაბუკ ძალოსანთა ევროპის ჩემპიონატზე საქართველოს ნაკრებმა 2 ოქროს მედალი მოიპოვა: 15-წლამდელებში კონტინენტის ჩემპიონები გურამ გიორბელიძე (62კგ) და ლაშა თაქთაქიშვილი (94კგ) გახდნენ.

გიორბელიძემ ევროპის ჩემპიონის ტიტული 244კგ-ით მოიგო. მან ატაცში 108კგ-იანი შტანგა დაძლია და ამ მოძრაობაში მეორე შედეგი დააფიქსირა, აკვრაში კი 136კგ-ით პირველი იყო. საგულისხმოა, რომ ატაცში ოქროსმედალოსანმა თურქმა თურან გუნგორმა ასევე 108კგ დაძლია. გიორბელიძეს მცირე ვერცხლი მხოლოდ იმიტომ გადაეცა, რომ წონა თურქის შემდეგ დაიმორჩილა. ორჭიდის ჯამში ქართველმა 9კგ-ით აჯობა მეორე ადგილზე გასულ კიდევ ერთ თურქ კონკურენტს დოგან დონენს.

94კგ წონაში ლაშა თაქთაქიშვილმა ორივე მოძრაობაში პირველი ადგილი დაიკავა: ატაცში 117კგ-ით, აკვრაში კი 145კგ-ით. ორჭიდის ჯამში ლაშამ 262 კგ-ით იპირველა. გიორბელიძის დარად, მანაც თურქ კონკურენტს აჯობა - მთელი 20 კგ-ით გაასწრო ოსმან ორანს.

17-წლამდელთა შორის საქართველოს გუნდმა მხოლოდ ორი მცირე ბრინჯაო მოიგო. 69კგ წონაში არჩილ მალაყმაძემ ატაცში 134კგ დაძლია, +94კგ წონით კატეგორიაში კი იმავე მოძრაობაში 150კგ-ით ასევე მესამე იყო თორნიკე ტაბატაძე.

სამინისტროს პრესსამსახური

სხვა ახალი ამბები
კატეგორია : ოლიმპიური თარიღი : 2017 ოქტომბერი 06
საქართველოს ეროვნულმა ოლიმპიურმა კომიტეტმა დღეს 28 წლის იუბილე აღნიშნა. ღონისძიება, რომელსაც სპორტისა და ახალგაზრდობის საქმეთა მინისტრი ტარიელ ხეჩიკაშვილი დაესწრო, რამდენიმე მნიშვნელოვანი მოვლენით გახლდათ აღსანიშნავი.
კატეგორია : ოლიმპიური თარიღი : 2017 ოქტომბერი 05
თბილისის ივენთჰოლმა გუშინ წყალბურთის კლუბის დინამოს პრეზენტაციას უმასპინძლა. შეგახსენებთ, რომ თბილისის დინამო წყალბურთს 22-წლიანი შესვენების შემდეგ წლის დასაწყისში დაუბრუნდა და საქართველოს ჩემპიონის ტიტულიც დაიბრუნა.
კატეგორია : ოლიმპიური თარიღი : 2017 ოქტომბერი 03
სპორტისა და ახალგაზრდობის საქმეთა მინისტრმა ტარიელ ხეჩიკაშვილმა დღეს ლისის იპოდრომზე ქართველი ცხენოსნები მოინახულა. სპორტსმენებს მინისტრის მოადგილე შალვა გოგოლაძე და სამინისტროს წარმომადგენლებიც ესტუმრნენ.
კატეგორია : ოლიმპიური თარიღი : 2017 სექტემბერი 29
29 სექტემბრიდან 1 ოქტომბრის ჩათვლით თბილისში ფარიკაობაში საქართველოს თასი გათამაშდება. ტურნირი ფარიკაობის ფედერაციის დარბაზში ჩატარდება და მასში დედაქალაქის, რუსთავის, ზესტაფონის, ქუთაისის, აჭარის, ოზურგეთისა და აფხაზეთის საუკეთესო სპორტსმენები მიიღებენ მონაწილეობას.
კატეგორია : ოლიმპიური თარიღი : 2017 სექტემბერი 25
22-24 სექტემბერს თბილისის ოლიმპიურმა სასახლემ ქალ ფრენბურთელთა ევროპის ჩემპიონატის ჯგუფურ ტურნირს უმასპინძლა. იტალია, ბელარუსი, ხორვატია და მასპინძელი საქართველო - ამ გუნდებმა ითამაშეს თბილისში.