სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

მორის ყვითელაშვილის მე-5 ადგილი პრესტიჟულ ტურნირზე

თარიღი: 2017 ოქტომბერი 23

20-21 ოქტომბერს რუსეთის დედაქალაქ მოსკოვში გამართულ გრან პრის სერიის პირველ ეტაპზე ქართველმა მოციგურავე მორის ყვითელაშვილმა თავისი ახალი პროგრამები პირველად წარმოადგინა.

მოკლე და თავისუფალი პროგრამების საერთო შედეგით 250,26 ქულით ქართველმა სპორტსმენმა დამსახურებული მეხუთე ადგილი დაიკავა. მორისმა საკმაოდ საინტერესო და ტექნიკურად რთული პროგრამები წარმოადგინა. 

ქართველი სპორტსმენის თავისუფალი პროგრამა დატვირთული იყო ისეთი ურთულესი ელემენტებით, როგორებიცაა ოთხმაგი სალხოვი და ოთხმაგი ტულუპი, სამმაგი აქსელი და სამმაგი ტულუპი კომბინაციაში. მორის ყვითელაშილმა თავისუფალ პროგრამაში ტექნიკური ელემენტების შესრულებისათვის მსაჯებისაგან დაიმსახურა 90,95 ქულა, რაც შეფასების ტექნიკურ ნაწილში მე-4 მაჩვენებელია. 

აღსანიშნავია, აგრეთვე ისიც, რომ გრან პრის ამ ეტაპზე მოასპარეზე სხვდასხვა ქვეყნის 12 სპორტსმენიდან, მორის ყვითელაშვილმა მეორე რეიტინგული მაჩვენებელი დააფიქსირა ევროპელ მოციგურავეთა შორის.

გრან პრის სერიის შემდგომი ეტაპი 17-19 ნოემბერს, საფრანგეთის ქალაქ გრენობლში გაიმართება.

ცნობისთვის, საერთაშორისო საციგურაო ორგანიზაციის ეგიდით 1995 წლიდან გრან პრის სერიის ტურნირები ტარდება, რომელსაც მასპინძლობენ ისეთი ქვეყნები, როგორებიცაა ამერიკის შეერთებული შტატები, იაპონია, კანადა, ჩინეთი, საფრანგეთი და რუსეთი. აღნიშნული ტურნირი ითვლება ყველაზე მაღალრეიტინგულ ასპარეზობად ევროპის, მსოფლიოსა და ოლიმპიური თამაშების წინ. ოთხივე კატეგორიაში გრან პრის სერიაში მონაწილეობის მიღების უფლება აქვთ იმ მოციგურავეებს, რომლებსაც რეიტინგულად ყველაზე მაღალი მაჩვენებლებიი აქვთ წინა წლის საერთაშორისო ტურნირებსა და ჩემპიონატებში. აქედან გამომდინარე, თითოეულ სერიაში დაშვებულია ყველაზე მაღალრეიტინგული 12 მოციგურავე, ვაჟთა და ქალთა კატეგორიაში, 8 სპორტული და 10 მოცეკვავე წყვილი. გრან პრის სერიებისა და ფინალური ეტაპის დასრულების შემდეგ დგინდება მოციგურავეთა რეიტინგული მონაცემები რომელზედაცაა დამოკიდებული მოციგურავეთა სასტარტო გამოსვლები ევროპის, მსოფლიოსა და ოლიმპიური თამაშებზე. 

საქართველოს ფიგურული ციგურაობის ფედერაცია

 

 

სამინისტროს პრესსამსახური

სხვა ახალი ამბები
კატეგორია : ოლიმპიური თარიღი : 2018 თებერვალი 05
სეოკ-ში ზამთრის XXIII ოლიმპიურ თამაშებზე ქართველ ოლიმპიელთა გაცილების ცერემონია გაიმართა  
კატეგორია : ოლიმპიური თარიღი : 2018 თებერვალი 02
გლდანში მდებარე დუნდუების კრივის დარბაზი ახალგაზრდებს შორის საქართველოს ჩემპიონატს მასპინძლობს. 1-4 თებერვალს საუკეთესო მოკრივეები 10 წონით კატეგორიაში გამოვლინდებიან. შეჯიბრებაში მონაწილეობას 100-მდე სპორტსმენი იღებს თბილისიდან და რეგიონებიდან.    
კატეგორია : ოლიმპიური თარიღი : 2018 იანვარი 25
კახი კახიაშვილი ძალოსნობის საერთაშორისო ფედერაციამ ფედერაციების აღიარების კომისიის წევრად აირჩია.  
კატეგორია : ოლიმპიური თარიღი : 2017 დეკემბერი 22
საქართველოს ეროვნულმა ოლიმპიურმა კომიტეტმა 2017 წლის საუკეთესო სპორტსმენად ძალოსანი, მსოფლიოსა და ევროპის ჩემპიონი ლაშა ტალახაძე დაასახელა! სეოკ-ის პრეზიდენტმა ლერი ხაბელოვმა ლაშა დღეს, სასტუმრო ბილტმორში გამართულ სეოკ-ის საანგარიშო სესიაზე დააჯილდოვა.
კატეგორია : ოლიმპიური თარიღი : 2017 დეკემბერი 06
ამერიკაში, ქალაქ ანაჰაიმში დასრულებულ მსოფლიოს ჩემპიონატზე ძალოსნობაში, საქართველოს ეროვნული ნაკრების ლიდერმა, ლაშა ტალახაძემ მსოფლიო ჩემპიონის ტიტული მეორედ მოიპოვა და მსოფლიოს ორი რეკორდი დაამყარა.