სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ზურაბ კინწურაშვილი ტაეკვონდოში ახალგაზრდებს შორის ევროპის ბრინჯაოს პრიზიორია

თარიღი: 2017 ნოემბერი 07



კვიპროსის ქალაქ ლარნაკაში 2-5 ნოემბერს გამართულ ევროპის ჩემპიონატზე ტაეკვონდოში ახალგაზრდებს შორის, საქართველოს ახალგაზრდული ნაკრების წევრმა ზურაბ კინწურაშვილმა ბრინჯაოს მედლის მოპოვება შეძლო.

45 კგ. წონით კატეგორიაში მოასპარეზე კინწურაშვილმა ბულგარეთისა და ისრაელის წარმომადგენლებს სძლია და ნახევარფინალში გავიდა, სადაც აზერბაიჯანელ სპორტსმენთან, მომავალ ევროპის ჩემპიონთან დაძაბულ ბრძოლაში დამარცხდა. 3 რაუნდის ფრედ დასრულების შემდეგ, ფინალისტის ვინაობის გამოსავლენად დამატებითი დრო გახდა საჭირო და ზურაბ კინწურაშვილის მეტოქემ საბოლოო გამარჯვება ოქროს ქულით მოიპოვა.

აღსანიშნავია, რომ 15 წლის ქართველი სპორტსმენი მეორედ გახდა ევროპის ასაკობრივი ჩემპიონატის ბრინჯაოს პრიზიორი, კინწურაშვილმა პირველი მედალი 2015 წელს ჭაბუკთა ევროპირველობაზე მოიპოვა.

საქართველოს ახალგაზრდული ნაკრების ლარნაკაში სულ 3 სპორტსმენით იყო წარმოდგენილი, ევროპის ჩემპიონატზე ზურაბ კინწურაშვილის გარდა, ძალები ლუკა გელდიაშვილმა (59 კგ) და რამაზ წუწუნავამაც (55 კგ) მოსინჯეს, თუმცა ადრეულ ეტაპზე დამარცხდნენ სომხეთისა და საფრანგეთის წარმომადგენლებთან.

სამინისისტროს პრესსამსახური

სხვა ახალი ამბები
კატეგორია : ოლიმპიური თარიღი : 2017 დეკემბერი 22
საქართველოს ეროვნულმა ოლიმპიურმა კომიტეტმა 2017 წლის საუკეთესო სპორტსმენად ძალოსანი, მსოფლიოსა და ევროპის ჩემპიონი ლაშა ტალახაძე დაასახელა! სეოკ-ის პრეზიდენტმა ლერი ხაბელოვმა ლაშა დღეს, სასტუმრო ბილტმორში გამართულ სეოკ-ის საანგარიშო სესიაზე დააჯილდოვა.
კატეგორია : ოლიმპიური თარიღი : 2017 დეკემბერი 06
ამერიკაში, ქალაქ ანაჰაიმში დასრულებულ მსოფლიოს ჩემპიონატზე ძალოსნობაში, საქართველოს ეროვნული ნაკრების ლიდერმა, ლაშა ტალახაძემ მსოფლიო ჩემპიონის ტიტული მეორედ მოიპოვა და მსოფლიოს ორი რეკორდი დაამყარა.
კატეგორია : ოლიმპიური თარიღი : 2017 დეკემბერი 05
საქართველოს ძალოსანთა ნაკრებმა ამერიკის ქალაქ ანაჰაიმში მიმდინარე მსოფლიო ჩემპიონატზე პირველი ოქროს მედალი მოიპოვა: გოგონათა შორის 90კგ წონით კატეგორიაში ოქროს მედალი ანასტასია გოტფრიდმა მოიგო!
კატეგორია : ოლიმპიური თარიღი : 2017 დეკემბერი 01
აშშ-ის ქალაქ ანაჰაიმში მიმდინარე ძალოსანთა მსოფლიო ჩემპიონატზე საქართველოს ნაკრებმა პირველი მედალი მოიპოვა. 62 კგ წონით კატეგორიაში ბრწყინვალედ იასპარეზა შოთა მიშველიძემ და ორჭიდის ჯამში 298 კილოგრამი დაძლია.
კატეგორია : ოლიმპიური თარიღი : 2017 ნოემბერი 29
26-29 ნოემბერს ნინო სალუქვაძის სახელობის ტირში, პნევმატური პისტოლეტიტან სროლაში, ოლიმპიური თამაშების ვიცე-ჩემპიონის, შოთა ქველიაშვილის სახელობის ტრადიციული მემორიალური ტურნირი და ასევე  საქართველოს ღია პირველობა გაიმართა მამაკაცთა და ქალთა შორის.