თურმანიძე მეხუთე ადგილზე გავიდა

ქართველმა ძალოსანმა ირაკლი თურმანიძემ ლონდონის ოლიმპიადაზე საკმაოდ კარგად იასპარეზა, თუმც მედლის გარეშე დარჩა.

+105 კილოგრამ, ანუ მძიმე წონით კატეგორიაში 27 წლის სპორტსმენმა ორივე მოძრაობაში პირადი რეკორდი დააფისქირა, ატაცში 201 კილოგრამი დაიმორჩილა, ხოლო აკვრაში ჯერ 225 კილოგრამი დაძლია, შემდეგ კი 232 კილოს აწევაც შეძლო, მაგრამ ძლიერ მოწინააღმედეებთან ბრძოლაში მეხუთე ადგილზე გავიდა ბრინჯაოს მედალთან 15–კილოიანი ჩამორჩენით.

ძალოსნობის უკანასკნელ შეჯიბრში დომინირებდნენ ირანელელები, რომელთაც პირველ–მეორე ადგილები გაიყვეს, ბრინჯაო კი რუს ძალოსანს დარჩა. ატაცში თურმანიძე მეოთხე ადგილზე იყო, მაგრამ აკვრაში სამხრეთკორეელმა მოწინააღმდეგემ 246 კილო (ამ მოძრაობაში მეორე შედეგი) დაძლია და თურმანიძეს მეოთხე ადგილისთვის ბრძოლა მოუგო.

თურმანიძე ლონდონის ოლიმპიადაზე სამ ქართველ ძალოსანს შორის ყველაზე კარგად გამოვიდა. 85 კილოგრამამდე წონით კატეგორიაში რაულ ცირეკიძემ მე–9 შედეგი აჩვენა, ხოლო 105 კილოგრამამდე წონით კატეგორიაში გია მაჭავარიანმა აკვრაში სამივე ცდა გააცუდა და ჩათვლის გარეშე დარჩა.

სამინისტროს პრესსამსახური