სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

საქართველოს პრეზიდენტი ოლიმპიური ნაკრების წევრებს ანაკლიის პატრიოტთა ბანაკში შეხვდა

თარიღი: 2012 აგვისტო 20



საქართველოს პრეზიდენტი 14 აგვისტოს ოლიმპიური ნაკრების წევრებს ანაკლიის პატრიოტთა ბანაკში იმ ახალგაზრდებთან ერთად შეხვდა, რომლებიც საზაფხულო ბანაკში ისვენებენ. მიხეილ სააკაშვილმა მათ სიტყვით მიმართა და გამოსვლა, სიმბოლურად, იმ ინფორმაციით დაიწყო, რომელიც ახალი ქალაქის ლაზიკის მშენებლობას შეეხება.

„რამდენიმე დღეში იწყება ჩემი მთავარი ოცნების განხორციელება - ახალი, უმშვენიერესი ქალაქის ლაზიკას მშენებლობა, რომელიც იქნება ფოთის გაგრძელება, მთავარი ეკონომიკური ცენტრი გარშემო მყოფი ადგილებისთვის; საინჟინრო თვალსაზრისით, აქ აშენდება ყველაზე გამართული ქართული პორტი... დარწმუნებული ვარ, ეს ქალაქი გახდება ქართული სიამაყე და ანდამატივით მიიზიდავს ყველას, მათ შორის მათ, ვინც საოკუპაციო ხაზს მიღმა ცხოვრობს. ლაზიკას იდეა - ეს არის საქართველოს იდეა, საქართველოს ერთიანობისა და აღმშენებლობის იდეა და არა ომისა და ნგრევის", - განაცხადა საქართველოს პრეზიდენტმა.

ქვეყნის პირველმა პირმა სპორტსმენებს წარმატება მიულოცა და შემდგომი წინსვლაც უსურვა. ნაკრების წევრებს მან სამაგალითო უწოდა და აღნიშნა, რომ ერთ სულ მოსახლეზე მოპოვებული მედლების მიხედვით, საქართველომ ერთ-ერთი მოწინავე ადგილი დაიკავა. პრეზიდენტის თქმით, „არ არსებობს ძლიერი და დაუმარცხებელი მოწინააღმდეგე, თუკი გამარჯვების სულისკვეთება გაქვს".

„არ შემიძლია არ ვიტრაბახო მიღწეული შედეგით. ვარდების რევოლუციამდე ჩვენ ვიყავით „ბრინჯაოს" ეპოქაში. პირველი ოქროები 2004 წელს ათენის ოლიმპიადაზე ავიღეთ. 2008 წელს სამი ოქრო გვქონდა პეკინში. მართალია, ამ ოლიმპიადაზე მხოლოდ ერთი ოქრო ავიღეთ, მაგრამ 3 ვერცხლის და 3 ბრინჯაოს მედალიც მოვიპოვეთ - ეს საუკეთესო შედეგია ჩვენი პატარა, მებრძოლი ქვეყნისთვის", - აღნიშნა ქვეყნის პირველმა პირმა.

http://www.president.gov.ge/ge/PressOffice/News?p=7764&i=1

სხვა ახალი ამბები
კატეგორია : ოლიმპიური თარიღი : 2017 დეკემბერი 06
ამერიკაში, ქალაქ ანაჰაიმში დასრულებულ მსოფლიოს ჩემპიონატზე ძალოსნობაში, საქართველოს ეროვნული ნაკრების ლიდერმა, ლაშა ტალახაძემ მსოფლიო ჩემპიონის ტიტული მეორედ მოიპოვა და მსოფლიოს ორი რეკორდი დაამყარა.
კატეგორია : ოლიმპიური თარიღი : 2017 დეკემბერი 05
საქართველოს ძალოსანთა ნაკრებმა ამერიკის ქალაქ ანაჰაიმში მიმდინარე მსოფლიო ჩემპიონატზე პირველი ოქროს მედალი მოიპოვა: გოგონათა შორის 90კგ წონით კატეგორიაში ოქროს მედალი ანასტასია გოტფრიდმა მოიგო!
კატეგორია : ოლიმპიური თარიღი : 2017 დეკემბერი 01
აშშ-ის ქალაქ ანაჰაიმში მიმდინარე ძალოსანთა მსოფლიო ჩემპიონატზე საქართველოს ნაკრებმა პირველი მედალი მოიპოვა. 62 კგ წონით კატეგორიაში ბრწყინვალედ იასპარეზა შოთა მიშველიძემ და ორჭიდის ჯამში 298 კილოგრამი დაძლია.
კატეგორია : ოლიმპიური თარიღი : 2017 ნოემბერი 29
26-29 ნოემბერს ნინო სალუქვაძის სახელობის ტირში, პნევმატური პისტოლეტიტან სროლაში, ოლიმპიური თამაშების ვიცე-ჩემპიონის, შოთა ქველიაშვილის სახელობის ტრადიციული მემორიალური ტურნირი და ასევე  საქართველოს ღია პირველობა გაიმართა მამაკაცთა და ქალთა შორის.
კატეგორია : ოლიმპიური თარიღი : 2017 ნოემბერი 27
2017-2018 წლის სეზონი საკმაოდ დატვირთული და საინტერესოა ფიგურული ციგურაობის სამყაროში, სპორტსმენებისა და მათი მწვრთნელებისათვის გამორჩეულად დაძაბული, ფედერაციებისათვის კი ორგანიზაციულად საპასუხისმგებლო და მნიშვნელოვანი.