სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

პირველად საქართველოში - 31 მაისს 20-წლამდელ მორაგბეთა მსოფლიო თასი იწყება

თარიღი: 2017 მაისი 30



31 მაისიდან 18 ივნისის ჩათვლით საქართველო 20-წლამდელ მორაგბეთა მსოფლიო თასს მასპინძლობს. მსოფლიო თასი რაგბიში პროექტის - Check in Georgia ფარგლებში იმართება.

იხილეთ მსოფლიო თასის ჯგუფები და მატჩების განრიგი

მსოფლიო ჩემპიონატზე 12 უძლიერესი ნაკრები მიიღებს მონაწილეობას, ჯგუფური ეტაპის მატჩები თბილისსა და ქუთაისში გაიმართება, პლეი-ოფის შეხვედრებს, ასევე ნახევარფინალებსა და ფინალებს კი თბილისის „ავჭალის" რაგბის სტადიონი და მიხეილ მესხის სახელობის სტადიონი უმასპინძლებენ.

აღსანიშნავია, რომ რაგბიში ასეთი მასშტაბისა და მნიშვნელობის ტურნირისთვის ჩვენს ქვეყანას აქამდე არასდროს უმასპინძლია და ზოგადად ქართული სპორტისთვის 20-წლამდელთა მსოფლიო თასი ერთ-ერთი ყველაზე მნიშვნელოვანი მოვლენაა. საქართველოში ითამაშებენ მსოფლიოს საუკეთესო სარაგბო ნაკრებები: ინგლისი, ირლანდია, ავსტრალია, უელსი, სამხრეთ აფრიკა, ახალი ზელანდია, არგენტინა, საფრანგეთი, შოტლანდია, საქართველო, იტალია და სამოა.

საქართველოს 20-წლამდელთა ნაკრები ჯგუფური ეტაპის შეხვედრებს „ავჭალის" რაგბის სტადიონზე გამართავს. C ჯგუფში 31 მაისს უმცროს ბორჯღალოსანთა მეტოქე არგენტინა იქნება, 4 ივნისს სამხრეთ აფრიკა, 8 ივნისს კი საფრანგეთი. საქართველოს ნაკრების სამივე მატჩი 18:00 საათზე დაიწყება, პირდაპირი ტრანსლაცია კი საზოგადოებრივი მაუწყებლის პირველ არხზე გადაიცემა.

იხილეთ საქართველოს 20-წლამდელთა ნაკრების შემადგენლობა

20-წლამდელთა ჩემპიონატზე ყველა ადგილი გათამაშდება, ჩემპიონობისთვის ჯგუფების 3 პირველადგილოსანი და ასევე საუკეთესო მე-2 ადგილოსანი გააგრძელებენ ბრძოლას, დანარჩენი 8 გუნდი კი შესაბამისად მე-5-7 და მე-9-11 ადგილებისთვის ითამაშებს. ბოლო, მე-12 ადგილზე გასული გუნდი  საუკეთესო 12 ნაკრებს შორის ადგილს დაკარგავს და მომავალ წელს „ალაფაზე" დაქვეითდება.

„ა" ჯგუფში ითამაშებენ - ინგლისი, ავსტრალია, უელსი და სამოა. ჯგუფური ეტაპის შეხვედრები 31 მაისს, 4 და 8 ივნისს ‘ავჭალის' სარაგბო სტადიონზე გაიმართება;

„ბ" ჯგუფში ითამაშებენ -  ირლანდია, ახალი ზელანდია, შოტლანდია და იტალია. ჯგუფური ეტაპის შეხვედრები 31 მაისს, 4 და 8 ივნისს ქუთაისში ‘აია არენაზე' გაიმართება;

„გ" ჯგუფში ითამაშებენ - არგენტინა, სამხრეთ აფრიკა, საფრანგეთი და საქართველო. ჯგუფური ეტაპის შეხვედრები 31 მაისს, 4 და 8 ივნისს ‘ავჭალის' სარაგბო სტადიონზე გაიმართება;

მატჩების პირდაპირი ტრანსლაცია საზოგადოებრივი მაუწყბლის პირველ არხზე გადაიცემა, თამაშების ხილვა ასევე შესაძლებელი იქნება ტელეარხზე "რაგბი TV".

20-წლამდელთა შორის მოქმედი მსოფლიოს ჩემპიონი ინგლისის ნაკრებია. ინგლისელებმა 2016 წელს მანჩესტერში გამართული მსოფლიო თასის ფინალში ირლანდია 45:21 დაამარცხეს.  მე-3 ადგილისთვის შეხვედრაში ერთმანეთს სამხრეთ აფრიკა და არგენტინა შეხვდნენ, არგენტინელებმა მეტოქეს 49:19 სძლიეს და 20-წლამდელთა ჩემპიონატზე პირველად მოიპოვეს ბრინჯაოს მედლები.

საქართველოს 20-წლამდელთა ნაკრებმა 2016 წლის ჩემპიონატზე მე-10 ადგილის დაკავება შეძლო. ახალგაზრდა „ბორჯღალოსნები" ჯგუფში ახალ ზელანდიასთან (0:55) უელსთან (9:10) და ირლანდიასთან (7:35) დამარცხდნენ, მე-9 ადგილის ნახევარფინალში იტალიას 18:17 სძლიეს, მე-9 ადგილის ფინალში კი საფრანგეთთან მხოლოდ 3 ქულით წააგეს - 24:27.

აღსანიშნავია, რომ მსოფლიო რაგბის 20-წლამდელთა ჩემპიონატი ‘მსოფლიო რაგბის' მიერ ორგანიზებულ ტურნირებს შორის მნიშვნელობით მეორე ადგილზეა (მსოფლიო თასის შემდეგ) და ის წელს მეათედ გაიმართება. აქამდე ჩატარებული 9 ჩემპიონატიდან 5 ახალმა ზელანდიამ მოიგო, 3 ინგლისმა და ერთი სამხრეთ აფრიკამ.

სამინისტროს პრესსამსახური

სხვა ახალი ამბები
კატეგორია : რაგბი თარიღი : 2017 ივნისი 19
უმცროსი ბორჯღალოსნები მსოფლიო რაგბის 20-წლამდელთა ჩემპიონატის დასკვნით მატჩში ირლანდიას ბოლომდე ეომნენ, მაგრამ მეორე ტაიმის დებიუტში მიღებული 2 ლელო ვერ გააბათილეს და საბოლოოდ ტურნირი მე-10 ადგილზე დაასრულეს.
კატეგორია : რაგბი თარიღი : 2017 ივნისი 14
საქართველოში პარარაგბის განვითარება იგეგმება. შესაბამის მემორანდუმს დღეს თბილისის პარაცენტრში მოეწერა ხელი ეროვნულ პარალიმპიურ კომიტეტსა და საქართველოს რაგბის კავშირს შორის. დღესვე ქართველი პარასპორტსმენები უელსის 20 წლამდელთა რაგბის ნაკრების წევრებს შეხვდნენ.
კატეგორია : რაგბი თარიღი : 2017 ივნისი 05
საფრანგეთის სარაგბო ჩემპიონატის 2016-2017 წლის სეზონის გამარჯვებული დავით ზირაქაშვილის, ვიტო კოლელიშვილისა და ოთია გიორგაძის კლერმონი გახდა. კლერმონმა ფინალში 22:16 დაამარცხა ტულონი, რომლის ღირსებასაც მამუკა გორგოძე, ლევან ჩილაჩავა, ბადრი ალხაზაშვილი და შალვა მამუკაშვილი იცავენ.
კატეგორია : რაგბი თარიღი : 2017 ივნისი 02
იხილეთ საზაოგადოებრივი მაუწყებლის მიერ მომზადებული დოკუმენტური ფილმი - "რაგბი ჩვენი თამაშია" #რაგბიჩვენითამაშია.
კატეგორია : რაგბი თარიღი : 2017 მაისი 16
გორის ‘ჯიქმა' დიდი 10 ტოიოტას ფინალში ბათუმის ‘ბათუმს' 28:22 სძლია და არსებობის ისტორიაში პირველად გახდა საქართველოს ჩემპიონი.