სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ზირაქაშვილი, კოლელიშვილი და გიორგაძე საფრანგეთის ჩემპიონები გახდნენ

თარიღი: 2017 ივნისი 05



საფრანგეთის სარაგბო ჩემპიონატის 2016-2017 წლის სეზონის გამარჯვებული დავით ზირაქაშვილის, ვიტო კოლელიშვილისა და ოთია გიორგაძის კლერმონი გახდა. კლერმონმა ფინალში 22:16 დაამარცხა ტულონი, რომლის ღირსებასაც მამუკა გორგოძე, ლევან ჩილაჩავა, ბადრი ალხაზაშვილი და შალვა მამუკაშვილი იცავენ.

TOP 14-ის სეზონის გადამწყვეტ მატჩში მონაწილეობა სამმა ბორჯღალოსანმა მიიღო. ტრადიციულად ძირითად შემადგენლობაში იყო საქართველოს ნაკრების ყოფილი წევრი დავით ზირაქაშვილი.

„ზირაქამ" შეხვედრის დასრულებამდე რამდენიმე წუთით ადრე ტრავმის გამო დატოვა მოედანი. ქართველმა ბურჯმა უდიდესი წვლილი შეიტანა საკუთარი გუნდის გამარჯვებაში. შეხვედრის მეორე ნახევარში შემოვიდნენ მოედანზე გორგოძე და ჩილაჩავა. მათი თავგანწირული თამაშის მიუხედავად, განსაკუთრებით ბოლო წუთებზე, ტულონმა ვერ შეძლო გადამწყვეტი უპირატესობის მოპოვება და ვიცე-ჩემპიონის ტიტულს დაეუფლა.

ფინალური მატჩი საკმაოდ დაძაბული და სანახაობრივი გამოდგა. თავდაპირველად, უპირატესობა კლერმონმა მოიპოვა და 13-0 დაწინაურდა, თუმცა ტულონელთა გააქტიურების შედეგად, ანგარიშის სხვაობა შემცირდა და პირველი ტაიმი კლერმონის გამარჯვებით 16-10 დასრულდა. გუნდებმა თითო ლელოს დადება შეძლეს. მეორე ნახევარში ტულონისა და კლერმონის მორაგბეებმა 2-2 საჯარიმო შეასრულეს ზუსტად და საბოლოო ანგარიში დააფიქსირეს. 

შეხვედრა საფრანგეთის ეროვნულ სტადიონზე „სტად დე ფრანსზე" გაიმართა და დაახლოებით 80 000 მაყურებელი დაესწრო, მათ შორის საფრანგეთის ახლად არჩეული პრეზიდენტი ემანუელ მაკრონი, რომელიც მატჩის დაწყებამდე მორაგბეებს მიესალმა და მოგვიანებით დაჯილდოების ცერემონიაშიც მიიღო მონაწილეობა.

კლერმონი 2010 წლის შემდეგ პირველად გახდა საფრანგეთის ჩემპიონი. ზირაქაშვილი იმ წელსაც იცავდა ამ კლუბის ღირსებას, შესაბამისად 33 წლის ქართველი ვარსკვლავისთვის ეს რიგით მეორე ფრანგული ტიტულია.

სამინისტროს პრესსამსახური

სხვა ახალი ამბები
კატეგორია : რაგბი თარიღი : 2017 ივლისი 19
22-23 ივლისს მოსკოვი ქვიშის რაგბიში ევროპის ჩემპიონატს უმასპინძლებს, სადაც მონაწილეობას საქართველოს ქვიშის რაგბის  კაცთა და ქალთა ნაკრებები მიიღებენ
კატეგორია : რაგბი თარიღი : 2017 ივლისი 12
ერთი თვეც არ გასულა რაც საქართველოში გამართული მსოფლიო რაგბის 20-წლამდელთა ჩემპიონატი დასრულდა და ჩვენმა ქვეყანამ პირველი ნაყოფი უკვე მიიღო. გაისად მაისში, 20-წლამდელთა ჩემპიონატის წინ გაიმართება ტურნირი, რომელშიც უმცროსი ბორჯღალოსნები ექვსი ერის წარმომადგენლებთან ითამაშებს.
კატეგორია : რაგბი თარიღი : 2017 ივნისი 26
ბორჯღალოსნებს ‘პუმებთან' აქამდე გამართულ ოთხ მატჩში სულ ერთი ლელო ჰქონდათ დადებული, დღეს კი არგენტინას ბურთი 4-ჯერ დაუმიწეს, მაგრამ ეს გამარჯვებისთვის საკმარისი არ აღმოჩნდა - 29:45.
კატეგორია : რაგბი თარიღი : 2017 ივნისი 23
საქართველოს მორაგბეთა ეროვნული ნაკრები ივნისის ტესტმატჩების სერიის ბოლო შეხვედრას სტუმრად არგენტინის წინააღმდეგ გამართავს.მატჩის წინ ბორჯღალოსნების მთავარმა მწვრთნელმა მილტონ ჰეიგმა არგენტინასთან დაპირისპირების მნიშვნელობაზე ისაუბრა.
კატეგორია : რაგბი თარიღი : 2017 ივნისი 19
უმცროსი ბორჯღალოსნები მსოფლიო რაგბის 20-წლამდელთა ჩემპიონატის დასკვნით მატჩში ირლანდიას ბოლომდე ეომნენ, მაგრამ მეორე ტაიმის დებიუტში მიღებული 2 ლელო ვერ გააბათილეს და საბოლოოდ ტურნირი მე-10 ადგილზე დაასრულეს.