სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

მოჭიდავეთა 2 ბრინჯაოს მედალი მსოფლიოს ჩემპიონატის პირველ დღეს

თარიღი: 2017 აგვისტო 22



წარმატებული გამოდგა პარიზში დაწყებული მსოფლიოს ჩემპიონატის პირველი დღე სადაც საქართველოს ბერძნულ-რომაული სტილით ნაკრებმა 4 წონითი კატეგორიიდან 2 მედალი მოიპოვა. ბრინჯაოს მედლები რობერტ კობლიაშვილმა (85) და რევაზ ნადარეიშვილმა (98) მოიპოვეს.

კობლიაშვილმა პარიზში გამოსვლა ავსტრიელი ამერ ჰრუსტანოვიჩის ძლევით (2:1) დაიწყო. შემდეგ პოლონელ ტადეუშ მიხალიკს იოლად (4:0) მოუგო, მეოთხედფინალში კი მომავალ ჩემპიონთან - თურქ მეტეჰან ბაშართან წააგო (1:4). ამ უკანასკნელმა რუსეთის ნაკრების ქართველი წევრი ოლიმპიური ჩემპიონი დავით ჩაკვეტაძეც ჩამოიშორა და ფინალში გავიდა, კობლიაშვილი კი დამამშვიდებელ წრეში გადაერტო სადაც ბულგარელ ნიკოლაი ბაირიაკოვს სძლია (2:1), ბრინჯაოს მედლისათვის შეხვედრაში კი რუსეთის სახელით მოასპარეზე დავით ჩაკვეტაძე ნახევარფინალში მიღებული ტრამვის გამო აღარ გამოცხადდა და კობლიაშვილიც მსოფლიოს ბრინჯაოს პრიზიორი გახდა.

ნადარეიშვილი საქმეში მეთექვსმეტედფინალიდან ჩაერთო და ჩეხეთის ნაკრების წევრ არტურ ომაროვს აჯობა (5:3), თუმცა პირველი შეხვედრაში წარბი გაიხეთქა, მომდევნო შეხვედრაში სამხრეთკორეელ ჰაკბონ გუს სძლია (4:2), მეოთხედფინალში კი სომხების ოლიმპიურ ჩემპიონ არტურ ალექსანიანთან შეხვედრაში ახლოს იყო გამარჯვებასთან თუმცა ბოლო წამებზე გაშვებული გდების გამო 2-6 დათმო შეხვედრა. ნადარეიშვილმა კი ბრინჯაოს გზაზე ჯერ ირანელ სეიდმუსტაფა სალეჰიზადეჰს აჯობა (4:4), ხოლო შემდეგ უზბეკი რუსტამ ასაკალოვი დაამარცხა (3:1).



დღესვე, ხალიჩაზე საქართველოს სახელით მსოფლიოს კონკურენციაში შმაგი ბოლქვაძე (71 კგ) და მინდია წულუკიძე (75 კგ) ჩაებნენ, თუმცა მედლის გარეშე დაასრულეს ასპარეზობა.

ოლიმპიური თამაშების ბრინჯაოს პრიზიორმა შმაგი ბოლქვაძემ (66 კგ) ამჯერად ახალ წონით კატეგორიაში 71 კგ მოსინჯა ძალა. პირველივე შეხვედრაში ირანელ მოჰამადალი გარაეისთან მინიმალური ანგარიშით (2:3) დამარცხდა.

მინდია წულუკიძე (75 კგ) მსოფლიო ჩემპიონატი ინდოელი სინგხ გურპრეტის ძლევით (5:1) გახსნა. შემდეგ, ამერიკელი მეისონ ტაილერ მანვილი (4:2) და ფრანგი სემი სლამა (10:3) ჩამოიშორა. მეოთხედფინალში კი ბელარუს კაზბეკ კილოუსთან ვეღარას გახდა (2:9) და თუმცა ბელარუსი ნახევარფინალში დამარცხდა და ჩვენებურიც გამოეთიშა ასპარეზობას.

22 აგვისტოს მედლები ბერძნულ-რომაული სტილით მოჭიდავეთა დარჩენილ ოთხ წონაში: 59, 66, 80 და 130 კატეგორიებში გათამაშდება, საქართველოს ნაკრების წევრთაგან კი ხალიჩაზე ლაშა მარიამიძე (59 კგ), გოგა გოგიბერაშვილი (66 კგ), ზურაბ დათუნაშვილი (80 კგ) და ლევან არაბული (130 კგ) გავლენ.



www.wrestling.ge

სხვა ახალი ამბები
კატეგორია : ჭიდაობა თარიღი : 2017 დეკემბერი 11
გარდაბნის მუნიციპალიტეტის სოფელ თელეთში ჭიდაობის ახალი დარბაზი გაიხსნა.
კატეგორია : ჭიდაობა თარიღი : 2017 დეკემბერი 07
საქართველოს ეროვნულმა ოლიმპიურმა კომიტეტმა ლეგენდარულ ქართველ ფალავანს ვახტანგ ბალავაძეს ახალი წიგნი მიუძღვნა - „ჭიდაობის პროფესორი". წიგნის პრეზენტაცია გუშინ გაიმართა ეროვნულ ბიბლიოთეკაში.
კატეგორია : ჭიდაობა თარიღი : 2017 ნოემბერი 27
პოლონეთის ქალაქ ბიდგოშჩში გამართულ მსოფლიოს 23-წლამდელ მოჭიდავეთა ჩემპიონატზე საქართველოს თავისუფალი და ბერძნულ-რომაული სტილით მოჭიდავეთა ნაკრებებმა წარმატებით იასპარეზეს.  
კატეგორია : ჭიდაობა თარიღი : 2017 ნოემბერი 23
მსოფლიოს ჩემპიონი ოლიმპიური პრიზიორი შმაგი ბოლქვაძე (66 კგ) გახდა, ვერცხლის მედლები გელა ბოლქვაძემ (75 კგ), ლაშა გობაძემ (80 კგ) და ზვიად პატარიძემ (130 კგ) მოიპოვეს.
კატეგორია : ჭიდაობა თარიღი : 2017 ოქტომბერი 20
სერბეთის ქალაქ ნოვი სადში 12-16 ოქტომბერს გამართულ მსოფლიოს პირველობაზე ახალგაზრდა და ჭაბუკ სამბისტთა შორის, საქართველოს ასაკობრივი ნაკრებების წევრებმა ჯამში 4 ოქროს, 2 ვერცხლისა და 6 ბრინჯაოს მედალი მოიპოვეს