სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

თავისუფალი ჭიდაობა: მსოფლიოს ორი ქართველი ჩემპიონი ჰყავს!

თარიღი: 2017 აგვისტო 29


მსოფლიოს ჩემპიონი თავისუფალ ჭიდაობაში ზურაბ იაკობიშვილი

საქართველოს თავისუფალი სტილით მოჭიდავეთა ნაკრებმა პარიზში გამართული მსოფლიო ჩემპიონატი ორი ოქროს მედლით დაასრულა: მსოფლიოს ჩემპიონის ტიტული ზურაბ იაკობიშვილმა (65კგ) და გენო პეტრიაშვილმა (125კგ) მოიგეს!

ჩვენმა სპორტსმენებმა საქართველოს სახელით პირველად მოიგეს მსოფლიო ჩემპიონატზე ორი ოქროს მედალი! ოლიმპიურმა ჩემპიონმა ვლადიმერ ხინჩეგაშვილმა ახალ წონაში - 61კგ - ბრინჯაო მოიპოვა. მესამე ადგილისთვის იჭიდავეს ზურაბ ერბოწონაშვილმა (70კგ) და ელიზბარ ოდიკაძემ (97კგ), თუმცა მედლის მოპოვება ვერ მოახერხეს და ჩემპიონატი მეხუთე ადგილზე დაასრულეს.

25 წლის ზურაბ იაკობიშვილი პირველად ასპარეზობდა მსოფლიო ჩემპიონატზე. დიდ ტურნირზე მისი დებიუტი შარშან, რიო დე ჟანეიროს ოლიმპიადაზე შედგა, ევროპის წლევანდელ ჩემპიონატზე კი მან ბრინჯაო მოიპოვა. და აი, ახლა მსოფლიოს ოქრო!

ფინალში ზურაბმა პოლონეთის სახელით მოჭიდავე დაღესტნელი მაგომედმურად გაჯიევი დაამარცხა, რომელმაც დაჯილდოების ცერემონიისას ჩემპიონთან ფოტოს გადაღება არ ისურვა. ისევე, როგორც იაკობიშვილისგან ძლეულმა ბრინჯაოს პრიზიორმა, რუსმა ალან გოგაევმა...

პირველად გახდა მსოფლიოს ჩემპიონი გენო პეტრიაშვილიც, რომელმაც დიდ ტურნირებზე კარიერაში მეორე ოქრო მოიგო. შარშან, ლატვიის დედაქალაქ რიგაში პეტრიაშვილმა ევროპის უძლიერესი ფალავნის სახელი მოიპოვა.

პარიზული ოქრო ქართველი მძიმეწონოსნის კარიერაში მსოფლიო ჩემპიონატზე მოგებული მესამე მედალია. 2013 წელს ბუდაპეშტში, ორი წლის წინ კი ლას ვეგასში პეტრიაშვილი მესამე იყო.

ფინალურ შეხვედრაში გენო პეტრიაშვილმა უძლეველად შერაცხული თურქი ტაჰა აკგული დაამარცხა - 10:8! მეტოქე უძლიერესი რომ იყო, ამას მისი ტიტულებიც მოწმობს: ოლიმპიური, მსოფლიოს ორგზის, ევროპის ოთხგზის, ევროპის პირველი თამაშების და უნივერსიადის ჩემპიონი! აკგულმა, რომელმაც ზედიზედ ოთხჯერ მოიგო ევროპის ჩემპიონის ტიტული (მათ შორის 2013 წელს თბილისში), მეოთხე მედალი მოიპოვა მსოფლიო ჩემპიონატზე: ორი ოქროს გარდა მის აქტივშია ბრინჯაო და ახლა უკვე ვერცხლიც.

საქართველოს ნაკრების სხვა წევრებიდან ბექა ლომთაძე (57კგ) და ჯუმბერ ყველაშვილი (74კგ) პირველივე წრეში დამარცხდნენ, დავით ხუციშვილმა (86კგ) კი მხოლოდ პირველი პაექრობა მოიგო.

სამინისტროს პრესსამსახური

სხვა ახალი ამბები
კატეგორია : ჭიდაობა თარიღი : 2017 დეკემბერი 11
გარდაბნის მუნიციპალიტეტის სოფელ თელეთში ჭიდაობის ახალი დარბაზი გაიხსნა.
კატეგორია : ჭიდაობა თარიღი : 2017 დეკემბერი 07
საქართველოს ეროვნულმა ოლიმპიურმა კომიტეტმა ლეგენდარულ ქართველ ფალავანს ვახტანგ ბალავაძეს ახალი წიგნი მიუძღვნა - „ჭიდაობის პროფესორი". წიგნის პრეზენტაცია გუშინ გაიმართა ეროვნულ ბიბლიოთეკაში.
კატეგორია : ჭიდაობა თარიღი : 2017 ნოემბერი 27
პოლონეთის ქალაქ ბიდგოშჩში გამართულ მსოფლიოს 23-წლამდელ მოჭიდავეთა ჩემპიონატზე საქართველოს თავისუფალი და ბერძნულ-რომაული სტილით მოჭიდავეთა ნაკრებებმა წარმატებით იასპარეზეს.  
კატეგორია : ჭიდაობა თარიღი : 2017 ნოემბერი 23
მსოფლიოს ჩემპიონი ოლიმპიური პრიზიორი შმაგი ბოლქვაძე (66 კგ) გახდა, ვერცხლის მედლები გელა ბოლქვაძემ (75 კგ), ლაშა გობაძემ (80 კგ) და ზვიად პატარიძემ (130 კგ) მოიპოვეს.
კატეგორია : ჭიდაობა თარიღი : 2017 ოქტომბერი 20
სერბეთის ქალაქ ნოვი სადში 12-16 ოქტომბერს გამართულ მსოფლიოს პირველობაზე ახალგაზრდა და ჭაბუკ სამბისტთა შორის, საქართველოს ასაკობრივი ნაკრებების წევრებმა ჯამში 4 ოქროს, 2 ვერცხლისა და 6 ბრინჯაოს მედალი მოიპოვეს