ევროპის ჩემპიონატზე მოჭადრაკეთა ორივე ნაკრებმა მოიგო

რეიკიავიკში მიმდინარე ევროპის გუნდურ ჩემპიონატზე საქართველოს მოჭადრაკეთა ნაკრებებმა მორიგი შეხვედრები გამართეს და გამარჯვება მოიპოვეს. რუსეთთან მარცხის და პირველი ადგილის დაკარგვის შემდეგ ქალთა ნაკრებმა პოლონეთი 2.5:1.5 დაამარცხა.

ქართველმა მოჭადრაკეებმა 8 ქულა დააგროვეს და უკრაინასთან ერთად მეორე-მესამე ადგილებს იყოფენ. 10 ქულით სატურნირო ცხრილის ლიდერი რუსეთია, რომელიც მე-6 ტურში უკრაინას ეთამაშება. საქართველოს ნაკრები საფრანგეთს დაუპირისპირდება.

ვაჟ მოჭადრაკეთა ნაკრები, რომელმაც სერბეთი 3:1 დაამარცხა მეორე-მეოთხე ადგილებს ინაწილებს. ამდენივე ქულა აქვთ საფრანგეთს და უკრაინას, პირველ ადგილზე კი რუსეთია 9 ქულით. მე-6 ტურში საქართველოს ნაკრები რუსეთს დაუპირისპირდება.

პოლონეთი - საქართველო 1.5:2.5
მონიკა სოცკო (2445) - ნანა ძაგნიძე (2566) 0:1
ლელა ჯავახიშვილი (2479) - იოლანტა ზავადსკა (2439) 1:0
ივეტა რაილიჩი (2389) - ნინო ბაციაშვილი (2509) 1:0
მერი არაბიძე (2408) - იოანა მაიდან-გაიევსკა (2378) 0.5:0.5

სერბეთი - საქართველო 1:3
ივან ივანიშევიჩი (2662) - ბაადურ ჯობავა (2668) 0:1
მიხეილ მჭედლიშვილი (2618) - მილოშ პერუნოვიჩი (2624) 1:0
რობერტ მარკუსი (2632) - ლევან ფანცულაია (2567) 0.5:0.5
ლუკა პაიჭაძე (2573) - ნიკოლა სედლაკი (2557) 0.5:0.5

სამინისტროს პრესსამსახური