სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ჭადრაკის სასახლეში მაია ჩიბურდანიძის თასის გათამაშება დაიწყო

თარიღი: 2016 ივნისი 13



13 ივნისს ვერის ბაღში მდებარე თბილისის ჭადრაკის სასახლეში მსოფლიოს 5 გზისა და საჭადრაკო ოლიმპიადების 9 გზის გამარჯვებული მაია ჩიბურდანიძის სახელობის თასის გათამაშება გაიხსნა.

ტურნირის გახსნას მაია ჩიბურდანიძესთან ერთად, სპორტისა და ახალგაზრდობის საქმეთა მინისტრი ტარიელ ხეჩიკაშვილი, თბილისის საკრებულოს თავმჯდომარე გიორგი ალიბეგაშვილი, ევროპის საჭადრაკო ფედერაციის პრეზიდენტი ზურაბ აზმაიფარაშვილი, საქართველოს ჭადრაკის ეროვნული ფედერაციის პრეზიდენტი გია გიორგაძე, ასევე ძალოსნობის ფედერაციის პრეზიდენტი, 3-გზის ოლიმპიური ჩემპოინი კახი კახიაშვილი ესწრებოდნენ.

ასპარეზობა, რომლის საპრიზო ფონდიც 26 000 ლარს შეადგენს, ორ ეტაპად გაიმართება. პირველ ეტაპს "maia chess" 13-17 ივნისს თბილისი მასპინძლობს, ხოლო მეორე "Fisher chess" 19-22 ივნისს ქუთაისში ჩატარდება.

ორივე ეტაპი ლეგენდარული ჩემპიონის მაია ჩიბურდანიძის ინოვაციით ჩატარდება. პირველად მსოფლიო ჭადრაკის ისტორიაში ტურნირი ახალი სისტემით "maia chess" ყველა პარტიაში საწყისი პოზიციის განსხვავებული განლაგებით გაიმართება.

ტურნირში 8 ქალბატონი და ამდენივე ვაჟი მონაწილეობს.

ქალები: ნანა ძაგნიძე, სალომე მელია, მერი არაბიძე, მაია ლომინეიშვილი, სოფო ხუხაშვილი, ნინო ხურციძე, სოფო გურამიშვილი, ნინო ხომერიკი;
ვაჟები: მიხეილ მჭედლიშვილი, ლევან ფანცილაია, მერაბ გაგუნაშვილი, თორნიკე სანიკიძე, კონსტანტინე შანავა, ირაკლი ბერაძე, გიგა ყუფარაძე, ლუკა პაიჭაძე.

ტურნირის ორგანიზატორები არიან სპორტისა და ახალგაზრდობის საქმეთა სამინისტრო, ქუთაისის ადგილობრივი თვითმმართველობა, საქართველოს ჭადრაკის ფედერაცია და იმერეთის რეგიონის ჭადრაკის ფედერაცია.

ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : ჭადრაკი თარიღი : 2017 ნოემბერი 08
საბერძნეთიდან დაბრუნების შემდეგ, საქართველოს ქალ მოჭადრაკეთა ნაკრების წევრებს და ჭადრაკის ფედერაციის პრეზიდენტ გიორგი გიორგაძეს სპორტისა და ახალგაზრდობის საქმეთა მინისტრი ტარიელ ხეჩიკაშვილი, მოადგილე შალვა გოგოლაძესთან ერთად სამინისტროში შეხვდა და წარმატება მიულოცა.
კატეგორია : ჭადრაკი თარიღი : 2017 ნოემბერი 07
ევროპის გუნდური ჩემპიონატის დასკვნით ტურში საქართველოს ქალთა გუნდმა იტალიის ნაკრები დაამარცხა და მეორე საპრიზო ადგილზე გავიდა!
კატეგორია : ჭადრაკი თარიღი : 2017 ოქტომბერი 16
ბათუმის საჭადრაკო კლუბი "ნონა" ევროპის საკლუბო ჩემპიონატის გამარჯვებული გახდა!
კატეგორია : ჭადრაკი თარიღი : 2017 ოქტომბერი 11
ანტალიაში გამართულ ჭადრაკის საერთაშორისო ფედერაციის, ფიდეს 88-ე კონგრესზე, საქართველოს ეროვნული ნაკრების წევრს, ნინო ბაციაშვილს ვაჟთა შორის საერთაშორისო დიდოსტატის წოდება მიენიჭა!  
კატეგორია : ჭადრაკი თარიღი : 2017 სექტემბერი 27
თბილისის მსოფლიო თასი სომეხი დიდოსტატის ლევონ არონიანის გამარჯვებით დასრულდა. ფინალში, ოთხი პარტიის ყაიმით დასრულების შემდეგ, არონიანმა დამატებით ტაი-ბრეიქში სძლია ჩინელ მეტოქეს დინ ლიჟენს.