სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ჯობავამ, მსოფლიოს ექსჩემპიონი დაამარცხა!

თარიღი: 2016 სექტემბერი 07

ექსჩემპიონი ვესელინ ტოპალოვი დაამარცხა!

 ლიდერს ტოლი არ დაუდეს თნაგუნდელებმაც. გაიმარჯვა მიხეილ მჭედლიშვილმა, ხოლო ლევან ფანცულაიამ და თორნიკე სანიკიძემ ფრედ დაასრულეს შეხვედრები.

ტურის ცენტრალური და პრინციპული შეხვედრა გახლდათ: რუსეთისა და უკრაინის დაპირისპირება.სადაც, დაძაბულ ბრძოლაში, მინიმალური ანგარიშით უკრაინელებმა იმარჯვეს.

4 ტურის შემდეგ ოლიმპიადას ყველა სამატჩო გამარჯვებით: ჩინეთი, აზერბაიჯანი-I, ჰოლანდია, ინდოეთი,ბელორუსია და უკრაინა ლიდერობენ.ქართველი ვაჟები 7 ქულით  VII - XIII ადგილებს ინაწილებენ. მე-5 ტურში ქართველი ვაჟები ესპანელებს დაუპირისპირდებიან.

‘მშრალი' ანგარიშით - 4:0 გაიმარჯვა მსოფლიოს მოქმედმა ჩემპიონმა, საქართველოს ქალთა ნაკრებმა ეგვიპტელებთან შეხვედრაში. მომდევნო ტურში მათი მეტოქე პერუელთა გუნდი იქნება.

ქალთა ასპარეზობის მე-5 ტურში სენსაციური გამარჯვება მოიპოვა, ლატვიის წარმომადგენელმა , დანა რიეზნიცე-ოზოლამ (ლატვიის ეკონომიკის მინისტრი!) მსოფლიოს  მრავალგზის ჩემპიონ, ჰოუ იფანთან შეხვედრაში.

4 სათამაშო დღის შემდეგ ასპარეზობას დანაკარგის გარეშე: უკრაინა, სერბეთი, რუსეთი და ყაზახეთი დაწინაურდნენ.

ოფიციალური  ვებგვერდი

ტექნიკური შედეგები:

ქალები; ვაჟები;

პარტიების პირდაპირი ჩვენება ანალიზით;

საქართველოს ქალთა ნაკრების შემადგენლობა:

ნანა ძაგნიძე, ლელა ჯავახიშვილი, ნინო ბაციაშვილი, ბელა ხოტენაშვილი, სალომე  მელია; გუნდის მთავარი მწვრთნელი - ელიზბარ უბილავა; კაპიტანი - დავით ჯოჯუა.

საქართველოს ვაჟთა ნაკრების შემადგენლობა:

ბაადურ ჯობავა, ლევან ფანცულაია, მიხეილ მჭედლიშვილი, თამაზ გელაშვილი, თორნიკე სანიკიძე; გუნდის მთავარი მწვრთნელი და  კაპიტანი - ზურაბ სტურუა.

ასპარეზობა შვეიცარული სისტემით 11 ტურად გაიმართება როგორც ქალთა ასევე ვაჟთა გუნდებს შორის.

სათამაშო დღეებია: 02-06; 08-13 სექტემბერი;

დროის კონტროლი: 90 წუთი 40 სვლაზე + 30 წუთი პარტიის ბოლომდე + 30 წამიანი დამატებით პირველივე სვლიდან;

30 სვლამდე აკრძალულია ყაიმზე შეთანხმება.

შეგახსენებთ, რომ ქალთა ნაკრები დამოუკიდებელი საქართველოს სახელით  4-ჯერ (1992;1994;1996;2008) იყო საჭადრაკო ოლიმპიადის გამარჯვებული და 3-ჯერ (1998;2000;2010)  პრიზიორი.

ესპანეთსაც მოუგეს!

 

ბრწყინვალედ ითამაშეს ჩვენმა ვაჟებმა ბაქოში მიმდინარე საჭადრაკო ოლიმპიადის მე-5 ტურში და ესპანეთის უძლიერესი ნაკრები გაანადგურეს ანგარიშით - 3,5:0,5! ხოლო, გუნდის ლიდერმა, ბაადურ ჯობავამ კიდევ ერთი ტოპ-დიდოსტატი ფრანსისკო პონს ვალეხო (2716)  დაამარცხა შავი ფიგურებით დაძაბულ ბრძოლაში. გუნდის დანარჩენმა წევრებმაც გამოიჩინეს თავი: თამაზ გელაშვილმა (2575) შავებით  რენიერ ვასკეს იგარზას (2580) სძლია , ლევან ფანცულაიამ თეთრი ფიგურებით დავიდ ანტონ გუიხაროს (2630) მოუგო, თორნიკე სანიკიძე კი თეთრებითვე ხოსე კარლოს იბარა ხერესს (2566) დაუზავდა.

5 ტურის შემდეგ, 10-10 ქულით ჰოლანდია, უკრაინა და ინდოეთი დაწინაურდნენ, რომელთაც ქულით ჩამორჩებიან ჩეხეთი, აშშ და საქართველო. დამატებითი მაჩვენებლებით, საქართველოს ნაკრები მე-6 ადგილზეა  და  მომდევნო  ტურში  ჩეხეთის გუნდს შეხვდება.

ვაჟების მსგავსად, 3,5:0,5 გაიმარჯვეს ჩვენმა ქალებმა პერუელ მოჭადრაკეებთან დაპირისპირებაში. პარტიები მოიგეს ლელა ჯავახიშვილმა (2486), ბელა ხოტენაშვილმა (2463) და ნინო ბაციაშვილმა (2474), ერთადერთი ყაიმი კი ნაკრების ლიდერმა ნანა ძაგნიძემ (2522) გააფორმა.აღსანიშნავია,რომ დღევანდელი გამარჯვება  ნინო ბაციაშვილისთვის ზედიზედ მეხუთეა ოლიმპიადაზე.

ქალთა ტურნირში საქართველოს ნაკრებმა თავი 8 ქულას მოუყარა და დამატებითი მაჩვენებლებით მე-7 პოზიციაზე გადაინაცვლა. 10-10 ქულით რუსეთი და უკრაინა ლიდერობენ, რუმინეთს, ჩინეთს და აზერბაიჯანის პირველ გუნდს აქტივში 9-9 ქულა აქვთ, შემდეგ კი, უნგრეთი, საქართველო, პოლონეთი, ინდოეთი, თურქეთი, სერბეთი, ვიეტნამი, აშშ, ლატვია, ყაზახეთი და ჰოლანდია მოდიან.

მე-6 ტურში საქართველოს ქალთა ნაკრები აზერბაიჯანის პირველ გუნდს დაუპირისპირდება.

7 სექტემბერი  ოლიმპიადაზე დასვენების დღეა;  მე-6 ტური 8 სექტემბერს გაიმართება.

ქართველ მონაწილეთა შედეგები:

ქალები

ნანა ძაგნიძე     - 3(4)

 ლელა ჯავახიშვილი -3,5(4)

 ნინო ბაციაშვილი  - 4(5)

 ბელა ხოტენაშვილი -5(5)

 სალომე  მელია  - 1(2)

ვაჟები

ბაადურ ჯობავა     - 3,5(4)

 ლევან ფანცულაია  -1,5(3)

 მიხეილ მჭედლიშვილი- 4(5)

 თამაზ გელაშვილი  - 3(4)

 თორნიკე სანიკიძე  -  3(4).

ოფიციალური  ვებგვერდი

ტექნიკური შედეგები:

ქალები; ვაჟები;

პარტიების პირდაპირი ჩვენება ანალიზით;

საქართველოს ქალთა ნაკრების შემადგენლობა:

ნანა ძაგნიძე, ლელა ჯავახიშვილი, ნინო ბაციაშვილი, ბელა ხოტენაშვილი, სალომე  მელია; გუნდის მთავარი მწვრთნელი - ელიზბარ უბილავა; კაპიტანი - დავით ჯოჯუა.

საქართველოს ვაჟთა ნაკრების შემადგენლობა:

ბაადურ ჯობავა, ლევან ფანცულაია, მიხეილ მჭედლიშვილი, თამაზ გელაშვილი, თორნიკე სანიკიძე; გუნდის მთავარი მწვრთნელი და  კაპიტანი - ზურაბ სტურუა.

ასპარეზობა შვეიცარული სისტემით 11 ტურად გაიმართება როგორც ქალთა ასევე ვაჟთა გუნდებს შორის.

სათამაშო დღეებია: 02-06; 08-13 სექტემბერი;

დროის კონტროლი: 90 წუთი 40 სვლაზე + 30 წუთი პარტიის ბოლომდე + 30 წამიანი დამატებით პირველივე სვლიდან;

30 სვლამდე აკრძალულია ყაიმზე შეთანხმება.

შეგახსენებთ, რომ ქალთა ნაკრები დამოუკიდებელი საქართველოს სახელით  4-ჯერ (1992;1994;1996;2008) იყო საჭადრაკო ოლიმპიადის გამარჯვებული და 3-ჯერ (1998;2000;2010)  პრიზიორი.

gcf.org.ge

სხვა ახალი ამბები
კატეგორია : ჭადრაკი თარიღი : 2017 ნოემბერი 08
საბერძნეთიდან დაბრუნების შემდეგ, საქართველოს ქალ მოჭადრაკეთა ნაკრების წევრებს და ჭადრაკის ფედერაციის პრეზიდენტ გიორგი გიორგაძეს სპორტისა და ახალგაზრდობის საქმეთა მინისტრი ტარიელ ხეჩიკაშვილი, მოადგილე შალვა გოგოლაძესთან ერთად სამინისტროში შეხვდა და წარმატება მიულოცა.
კატეგორია : ჭადრაკი თარიღი : 2017 ნოემბერი 07
ევროპის გუნდური ჩემპიონატის დასკვნით ტურში საქართველოს ქალთა გუნდმა იტალიის ნაკრები დაამარცხა და მეორე საპრიზო ადგილზე გავიდა!
კატეგორია : ჭადრაკი თარიღი : 2017 ოქტომბერი 16
ბათუმის საჭადრაკო კლუბი "ნონა" ევროპის საკლუბო ჩემპიონატის გამარჯვებული გახდა!
კატეგორია : ჭადრაკი თარიღი : 2017 ოქტომბერი 11
ანტალიაში გამართულ ჭადრაკის საერთაშორისო ფედერაციის, ფიდეს 88-ე კონგრესზე, საქართველოს ეროვნული ნაკრების წევრს, ნინო ბაციაშვილს ვაჟთა შორის საერთაშორისო დიდოსტატის წოდება მიენიჭა!  
კატეგორია : ჭადრაკი თარიღი : 2017 სექტემბერი 27
თბილისის მსოფლიო თასი სომეხი დიდოსტატის ლევონ არონიანის გამარჯვებით დასრულდა. ფინალში, ოთხი პარტიის ყაიმით დასრულების შემდეგ, არონიანმა დამატებით ტაი-ბრეიქში სძლია ჩინელ მეტოქეს დინ ლიჟენს.