სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

შეუძლებელი შესძლო!

თარიღი: 2017 ივნისი 12

მინსკში დასრულებულ ევროპის ვაჟთა ჩემპიონატზე, ბაადურ  ჯობავამ შეუძლებელი შესძლო! ცუდი სტარტის შემდეგ 7 პარტია მოიგო ზედიზედ და პირველობა გაინაწილა!

დასკვნით ტურში ქართველმა დიდოსტატმა პონციანის დებიუტი აირჩია თეთრი ფერის ფიგურებით მაქსიმ მატლაკოვის (რუსეთი) წინააღმდეგ. ჯობავამ, შუათამაშში მეტოქე ოსტატურად გადაითამაშა და მოგებული პოზიცია მიიღო. სამწუხაროდ, მე-40 სვლაზე დაშვებული უზუსტობით ფრედ დაასრულა შეხვედრა და  დამსახურებული ჩემპიონობა დააკარგა. საბოლოოდ, ქართული ჭადრაკის ლიდერმა 8,5 ქულით I-III ადგილები გაინაწილა:მაქსიმ მატლაკოვთან და ვლადიმირ ფედოსეევთან (რუსეთი) ერთად და დამატებითი მაჩვენებლებით ვერცხლის მედალს დასჯერდა.

აღსანიშნავია, რომ ჯობავა უკვე სამჯერ იყო ევროპის ჩემპიონატების პრიზიორი: ვერცხლი - 2010წ.; ბრინჯაო -2009;2016წ.

ჩემპიონატზე ძირითადი საპრიზო ფონდის გარდა  დაწესებული  იყო  ფულადი პრიზები სხვადასხვა  კატეგორიებში, 50+ ასაკის მოჭადრაკეთა შორის საუკეთესო შედეგი აჩვენა საქართველოს ნაკრების მთავარმა მწვრთნელმა, ზურაბ სტურუამ და მთავარი პრიზიც დაისაკუთრა.სულ, ევროპირველობის  საპრიზო ფონდი 100 000 ევროს შეადგენდა,I  ადგილი- 20 000, II ადგილი - -15 000, III ადგილი - 10 000...XX ადგილი - 1000.

დასკვნითი, მე-11 ტურის შედეგები:

ჯობავა ½ : ½  მაქსიმ მატლაკოვი(რუსეთი;2714)
სტურუა ½ : ½   კონსტანტინ ლუპულესკუ (რუმინეთი;2631)
ელტაჟ საფარლი (თურქეთი;2668) ½ : ½   გელაშვილი
პაიჭაძე ½ : ½   ვადიმ ზვიაგინცევი(რუსეთი;2661)
მჭედლიშვილი ½ : ½   ანდრეი ესიპენკო (რუსეთი;2509)
ალი მარანდი(თურქეთი;2479) ½ : ½   ჯოჯუა
ალექსანდრა გორიაჩკინა (რუსეთი;2470) - ფანცულაია
სანიკიძე 1 : 0არტურ დავთიანი (სომხეთი;2216)
არაბიძე ½ : ½  ნიკოლას თეოდორუ(საბერძნეთი;2495)
თუთისანი 1 : 0 დიმიტრიოს ბალოკასი (საბერძნეთი;2219)

ქართველი მოჭადრაკეების საბოლოო სატურნირო მდგომარეობა:

2.ბაადურ ჯობავა  (2713) - 8,5 ქულა (რეიტინგის ცვლილება:+6,6);
68.ზურაბ სტურუა(2555) - 7  ქულა (-7,3);
71. ლუკა პაიჭაძე  (2568) - 6,5 ქულა (+13,4)
73.დავით ჯოჯუა (2581) - 6,5 ქულა (+8,8)
80.თამაზ გელაშვილი (2563) - 6,5 ქულა (+5,3);
89.მჭედლიშვილი  (2605)  - 6,5 ქულა (-3,2);
103. თორიკე სანიკიძე (2518) - 6,5 ქულა (+5,6);
130.ლევან ფანცულაია (2594) - 6 ქულა (-8,9);
251.მერი არაბიძე     (2374)    - 5,5 ქულა (+9,5);
266. ნოე თუთისანი (2347) -  45 ქულა (+27,4).

gcf.org.ge

სხვა ახალი ამბები
კატეგორია : ჭადრაკი თარიღი : 2017 ნოემბერი 08
საბერძნეთიდან დაბრუნების შემდეგ, საქართველოს ქალ მოჭადრაკეთა ნაკრების წევრებს და ჭადრაკის ფედერაციის პრეზიდენტ გიორგი გიორგაძეს სპორტისა და ახალგაზრდობის საქმეთა მინისტრი ტარიელ ხეჩიკაშვილი, მოადგილე შალვა გოგოლაძესთან ერთად სამინისტროში შეხვდა და წარმატება მიულოცა.
კატეგორია : ჭადრაკი თარიღი : 2017 ნოემბერი 07
ევროპის გუნდური ჩემპიონატის დასკვნით ტურში საქართველოს ქალთა გუნდმა იტალიის ნაკრები დაამარცხა და მეორე საპრიზო ადგილზე გავიდა!
კატეგორია : ჭადრაკი თარიღი : 2017 ოქტომბერი 16
ბათუმის საჭადრაკო კლუბი "ნონა" ევროპის საკლუბო ჩემპიონატის გამარჯვებული გახდა!
კატეგორია : ჭადრაკი თარიღი : 2017 ოქტომბერი 11
ანტალიაში გამართულ ჭადრაკის საერთაშორისო ფედერაციის, ფიდეს 88-ე კონგრესზე, საქართველოს ეროვნული ნაკრების წევრს, ნინო ბაციაშვილს ვაჟთა შორის საერთაშორისო დიდოსტატის წოდება მიენიჭა!  
კატეგორია : ჭადრაკი თარიღი : 2017 სექტემბერი 27
თბილისის მსოფლიო თასი სომეხი დიდოსტატის ლევონ არონიანის გამარჯვებით დასრულდა. ფინალში, ოთხი პარტიის ყაიმით დასრულების შემდეგ, არონიანმა დამატებით ტაი-ბრეიქში სძლია ჩინელ მეტოქეს დინ ლიჟენს.