სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ჭადრაკი: ქალთა ნაკრებმა მსოფლიო ჩემპიონატზე მესამე ადგილი დაიკავა

თარიღი: 2017 ივნისი 27


წარმატებით დაასრულა საქართველოს ქალთა ნაკრებმა მსოფლიოს გუნდურ ჩემპიონატზე ასპარეზობა: ქართველმა ქალებმა 9 მატჩში 12 ქულა დააგროვეს და III-V ადგილები გაინაწილეს ინდოეთსა და უკრაინასთან ერთად, თუმცა, საერთო სამატჩო ქულების ჯამით ბრინჯაოს მედლები დაისაკუთრეს!

I ადგილზე 16 ქულით მასპინძელთა ნაკრები - რუსეთის ქალთა გუნდი გავიდა, ხოლო, II ადგილზე - 13 ქულით ჩინეთის ნაკრები.

დასკვნით, IX ტურში ჩვენმა ქალებმა აშშ-ს ნაკრები დაამარცხეს 3:1. გუნდს გამარჯვების ქულა სალომე მელიამ და ნინო ბაციაშვილმა მოუტანეს, ხოლო ნანა ძაგნიძემ და ბელა ხოტენაშვილმა ფრედ დაასრულეს შეხვედრები. ამავე ტურში რუსეთმა იგივე ანგარიშით ჩვენი უახლოესი კონკურენტი უკრაინა დაამარცხა. ანალოგიური ანგარიშით გაიმარჯვა ჩინეთმა ეგვიპტესთან  და ინდოეთმა აზერბაიჯანთან. ხოლო პოლონეთმა 2,5:1,5 მოიგო ვიეტნამთან.

ქართველი მოჭადრაკეების ტექნიკური შედეგები:
ნანა ძაგნიძე (2533) - 3,5 ქულა (8-დან)
ლელა ჯავახიშვილი (2447) - 3 (7)
ბელა ხოტენაშვილი (2452) - 5,5 (8)
ნინო ბაციაშვილი (2469) - 5,5 (8)
სალომე მელია (2393) - 4 (5).
გუნდის კაპიტანი და მთავარი მწვრთნელი დავით ჯოჯუაა.

საბოლოო სატურნირო მდგომარეობა:
1.რუსეთი - 16 ქულა (25,5 საერთო სამატჩო ქულათა ჯამი)
2.ჩინეთი - 13
3.საქართველო - 12 (21,5)
...
4.ინდოეთი - 12 (20); 5.უკრაინა - 12 (19,5); 6.პოლონეთი - 9 (18,5); 7.აშშ - 6 (16,6); 8.ვიეტნამი - 5 (16); 9.აზერბაიჯანი - 5 (15,5); 10.ეგვიპტე - 0 (5).

ქალთა შორის მსოფლიოს გუნდური ჩემპიონატი მეექვსედ ჩატარდა. ჩემპიონები სხვადასხვა წლებში იყვნენ: ჩინეთი - 2007, 2009, 2011; უკრაიანა - 2013; საქართველო - 2015; რუსეთი - 2017.

საქართველოს ჭადრაკის ფედერაცია

სხვა ახალი ამბები
კატეგორია : ჭადრაკი თარიღი : 2017 სექტემბერი 25
სასტუმრო "ბილტმორში" მოჭადრაკეთა მსოფლიო თასის გათამაშების ფინალური დაპირისპირება მიმდინარეობს, სადაც ჩემპიონის ტიტულის მოსაპოვებლად ერთმანეთს მსოფლიო საჭადრაკო რეიტინგის მე-2 ნომერი ლევონ არონიანი (სომხეთი) და მე-11 დინ ლიჟენი (ჩინეთი) ხვდებიან.
კატეგორია : ჭადრაკი თარიღი : 2017 სექტემბერი 13
თბილისში მიმდინარე საჭადრაკო მსოფლიო თასზე დამქანცველი ტაი-ბრეიქის შემდეგ შედარებით მშვიდობიანი გამოდგა მერვედფინალის პირველი სათამაშო დღე.
კატეგორია : ჭადრაკი თარიღი : 2017 სექტემბერი 12
ქართველ ქომაგთა სასიხარულოდ, ეროვნული ნაკრების ლიდერმა ბაადურ ჯობავამ დამატებით ტაი ბრეიქში დაამარცხა რუსი დიდოსტატი იან ნეპომნიაში და მერვედფინალის საგზური  მოიპოვა
კატეგორია : ჭადრაკი თარიღი : 2017 სექტემბერი 04
ვაჟთა შორის მსოფლიო თასზე, რომელსაც თბილისი მასპინძლობს, პირველ ტურში პირველი სვლა ფიდეს ვიცე-პრეზიდენტმა გეორგიუს მაკროპულოსმა გააკეთა. მსოფლიოს ჩემპიონის მაგნუს კარლსენის და ოლუვაფემ ბალოგანის (ნიგერია) პარტიაში. ჩემპიონმა იოლად მიიღო უპირატესობა მასზე თითქმის 600-მდე ნაკლები რეიტინგ-ქულის მქონე მეტოქესთან. დასაწყისშივე გაცვალა ლაზიერები და ენდშპილში დამაჯერებლად დაამარცხა მოწინააღმდეგე.
კატეგორია : ჭადრაკი თარიღი : 2017 სექტემბერი 02
დღეს ფუნიკულიორზე ჭადრაკის მსოფლიო თასის გახსნის საზეიმო ცერემონია გაიმართა. შეგახსენებთ, რომ 2-28 სექტემბერს თბილისი ჭადრაკის რიგით მე-15 მსოფლიო თასს უმასპინძლებს ვაჟთა შორის.