სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ქალ მოჭადრაკეთა პირველი გამარჯვების 25 წლის იუბილე ჭადრაკის საერთაშორისო დღეზე აღინიშნა

თარიღი: 2017 ივლისი 20



20 ივლისს, ვერის ბაღში მდებარე ნონა გაფრინდაშვილის სახელობის ჭადრაკის საახლეში, ჭადრაკის საერთაშორისო დღისადმი მიძღვნილი ღონისძიებები გაიმართა და საქართველოს ქალ მოჭადრაკეთა ნაკრების მიერ საჭადრაკო ოლიმპიადაზე დამოუკიდებელი საქართველოს სახელით მოპოვებული პირველი გამარჯვების 25 წლის იუბილე აღინიშნა.

იხილეთ ფოტოგალერეა

საქართველოს ქალ მოჭადრაკეთა ნაკრებმა საჭადრაკო ოლიმპიადაზე პირველი გამარჯვება 1992 წელს ფილიპინების დედაქალაქ მანილაში შემდეგი შემადგენლობით მოიპოვა - მაია ჩიბურდანიძე, ნონა გაფრინდაშვილი, ნანა იოსელიანი, ნინო გურიელი, ნანა ალექსანდრია.

ჭადრაკის სასახლის ეზოში გამართულ ღონისძიებაზე სახელოვან ქართველ მოჭადრაკეებს ფედერაციის პრეზიდენტმა გიორგი გიორგაძემ და ევროპის საჭადრაკო კავშირის პრეზიდენტმა ზურაბ აზმაიფარაშვილმა სამახსოვრო საჩუქრები და პრიზები გადასცეს.

ტიტულოვან მოჭადრაკეებთან შეხვედრას სპორტისა და ახალგაზრდობის საქმეთა მინისტრი ტარიელ ხეჩიკაშვილი, ოლიმპიური კომიტეტის პრეზიდენტი ლერი ხაბელოვი, თბილისის საკრებულოს თავმჯდომარე გიორგი ალიბეგაშვილი, თბილისის მერის მოადგილე ირაკლი ლექვინაძე, ასევე ჭადრაკის ფედერაციის მხარდაჭერი კომპანიების წარმომადგენლები, მოქმედი და ვეტერანი მოჭადრაკეები და ჟურნალისტები ესწრებოდნენ.

ტარიელ ხეჩიკაშვილი:„მსურს ჭადრაკის ყველა მოყვარულს მივულოცო ჭადრაკის საერთაშორისო დღე. თამამად შეგვიძლია ვთქვათ, რომ ჭადრაკი ჩვენთვის ნამდვილად ეროვნული სახეობაა, ნამდვილად ვამაყობთ ჩვენი მოჭადრაკეების წარმატებებით, განსაკუთრებით კი საჭადრაკო ოლიმპიადებზე 90-იან წლებში მოპოვებულ გამარჯვებებს გამოვარჩევდი.

ეს მართლაც უმძიმესი წლები იყო ჩვენი ქვეყნის ისტორიაში, როდესაც ვიმკვიდრებდით დამოუკიდებლობას და ამ რთულ პერიოდში ჩვენმა მოჭადრაკე ქალებმა მართლაც ისტორიულ შედეგს მიაღწიეს, როდესაც ზედიზედ სამჯერ შეძლეს საჭადრაკო ოლიმპიადის მოგება. რა თქმა უნდა, განსაკუთრებით მივულოცავ მათ პირველი გამარჯვების 25 წლისთავს."



ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : ჭადრაკი თარიღი : 2017 ოქტომბერი 16
ბათუმის საჭადრაკო კლუბი "ნონა" ევროპის საკლუბო ჩემპიონატის გამარჯვებული გახდა!
კატეგორია : ჭადრაკი თარიღი : 2017 ოქტომბერი 11
ანტალიაში გამართულ ჭადრაკის საერთაშორისო ფედერაციის, ფიდეს 88-ე კონგრესზე, საქართველოს ეროვნული ნაკრების წევრს, ნინო ბაციაშვილს ვაჟთა შორის საერთაშორისო დიდოსტატის წოდება მიენიჭა!  
კატეგორია : ჭადრაკი თარიღი : 2017 სექტემბერი 27
თბილისის მსოფლიო თასი სომეხი დიდოსტატის ლევონ არონიანის გამარჯვებით დასრულდა. ფინალში, ოთხი პარტიის ყაიმით დასრულების შემდეგ, არონიანმა დამატებით ტაი-ბრეიქში სძლია ჩინელ მეტოქეს დინ ლიჟენს.
კატეგორია : ჭადრაკი თარიღი : 2017 სექტემბერი 27
თბილისში მიმდინარე მსოფლიო თასის დასკვნითი, მეოთხე პარტიაც ყაიმით დასრულდა. თუმცა, მთელი პარტია შავი ფერის ფიგურებით მოთამაშე ლევონ არონიანის  დომინირებით მიმდინარეობდა.
კატეგორია : ჭადრაკი თარიღი : 2017 სექტემბერი 25
სასტუმრო "ბილტმორში" მოჭადრაკეთა მსოფლიო თასის გათამაშების ფინალური დაპირისპირება მიმდინარეობს, სადაც ჩემპიონის ტიტულის მოსაპოვებლად ერთმანეთს მსოფლიო საჭადრაკო რეიტინგის მე-2 ნომერი ლევონ არონიანი (სომხეთი) და მე-11 დინ ლიჟენი (ჩინეთი) ხვდებიან.