სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

2-28 სექტემბერს თბილისში საჭადრაკო მსოფლიოს თასის გათამაშება გაიმართება (ვიდეო)

თარიღი: 2017 ივლისი 27

27 ივლისს, სასტუმრო „ბილტმორის" კონგრესჰოლის ფოიეში საჭადრაკო მსოფლიო თასთან დაკავშირებით გაიმართა პრესკონფერენცია, რომელზეც ჟურნალისტების შეკითხვებს უპასუხეს  სპორტისა და ახალგაზრდობის საქმეთა მინისტრის პირველმა მოადგილემ - აკაკი ლოდიამ,  თბილისის მერმა - დავით ნარმანიამ, 2018 წლის მსოფლიო საჭადრაკო ოლიმპიადის საორგანიზაციო კომიტეტის დირექტორმა და ამავდროულად, ევროპის საჭადრაკო კავშირის პრეზიდენტა ზურაბ აზმაიფარაშვილმა, ჭადრაკის ფედერაციის პრეზიდენტმა გიორგი გიორგაძემ და კომპანია „სოკარის" წარმომადგენელმა ლევან გიორგაძემ.

საჭადრაკო მსოფლიო თასის ისტორიაში პირველად ტურნირში მონაწილეობს მოქმედი მსოფლიო ჩემპიონი - მაგნუს კარლსენი, რომელიც მსოფლიოს უძლიერეს მოჭადრაკეებთან ერთად ასპარეზობაში თბილისში 2 - 28 სექტემბერს ჩაერთვება.2017 წლის ფიდეს კალენდრის მთავარი ღონისძიება - საჭადრაკო მსოფლიო თასი თბილისში 48 ქვეყნის 128 მოჭადრაკეს მოუყრის თავს. ტურნირში სრულად მონაწილეობს ფიდეს რეიტინგ-ლისტის TOP თხუთმეტივე მოჭადრაკე.
საქართველოდან საჭადრაკო მსოფლიო თასის მოსაპოვებლად იბრძოლებენ:

  • ბაადურ ჯობავა
  • მიხეილ მჭედლიშვილი
  • ლევან ფანცულაია
  • ნანა ძაგნიძე

საჭადრაკო მსოფლიო თასი იმართება „Check in Georgia Sport"-ის ფარგლებში.
საჭადრაკო მსოფლიო თასი ერთგვარი წინამოსამზადებელი ღონისძიებაა ქვეყანაში მსოფლიო ოლიმპიადის წინ, სადაც 190 ქვეყნის ვაჟთა და ქალთა ნაკრებები იღებენ მონაწილეობას და რომელიც 2018 წლის სექტემბერ-ოქტომბერში ბათუმში გაიმართება.

ორგანიზატორები:
სპორტისა და ახალგაზრდობის საქმეთა სამინისტრო;
თბილისის მერია; 
2018 წლის მსოფლიოს საჭადრაკო ოლიმპიადის საორგანიზაციო კომიტეტი;
საქართველოს ჭადრაკის ფედერაცია;
საჭადრაკო მსოფლიო თასის წარმდგენია კომპანია „სოკარი".

სამინისტროს პრესსამსახური

 

სხვა ახალი ამბები
კატეგორია : ჭადრაკი თარიღი : 2017 აგვისტო 21
კიდევ ერთხელ გვასახელა ქართული ჭადრაკის ლეგენდამ  ნონა გაფრინდაშვილმა! უბერებელი ჩემპიონი, ბარსელონაში დასრულებულ ევროპის ჩემპიონატზე 65+ ასაკის ქალთა შორის  პირველ ადგილზე გავიდა.
კატეგორია : ჭადრაკი თარიღი : 2017 აგვისტო 10
2-28 სექტემბერს თბილისში ჭადრაკში მსოფლიო თასის გათამაშება გაიმართება. ტურნირთან დაკავშირებით სპორტისა და ახალგაზრდობის საქმეთა მინისტრის პირველმა მოადგილემ აკაკი ლოდიამ დღეს ფიდე-ს მაღალჩინოსნებს, ვიცე-პრეზიდენტს ისრაელ გელფერს და გენერალურ მდივანს ჯეფრი ბორგს უმასპინძლა.
კატეგორია : ჭადრაკი თარიღი : 2017 ივლისი 20
20 ივლისს, ვერის ბაღში მდებარე ნონა გაფრინდაშვილის სახელობის ჭადრაკის საახლეში, ჭადრაკის საერთაშორისო დღისადმი მიძღვნილი ღონისძიებები გაიმართა და საქართველოს ქალ მოჭადრაკეთა ნაკრების მიერ საჭადრაკო ოლიმპიადაზე დამოუკიდებელი საქართველოს სახელით მოპოვებული პირველი გამარჯვების 25 წლის იუბილე აღინიშნა.
კატეგორია : ჭადრაკი თარიღი : 2017 ივნისი 27
წარმატებით დაასრულა საქართველოს ქალთა ნაკრებმა მსოფლიოს გუნდურ ჩემპიონატზე ასპარეზობა: ქართველმა ქალებმა 9 მატჩში 12 ქულა დააგროვეს და III-V ადგილები გაინაწილეს ინდოეთსა და უკრაინასთან ერთად, თუმცა, საერთო სამატჩო ქულების ჯამით ბრინჯაოს მედლები დაისაკუთრეს!
კატეგორია : ჭადრაკი თარიღი : 2017 ივნისი 13
სპორტისა და ახალგაზრდობის საქმეთა მინისტრმა ტარიელ ხეჩიკაშვილმა მოჭადრაკე ვაჟთა ევროპის ინდივიდუალური ჩემპიონატის ვერცხლის მედალოსანს ბაადურ ჯობავას უმასპინძლა.