სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

თბილისი ჭადრაკის მე-15 მსოფლიო თასს მასპინძლობს

თარიღი: 2017 სექტემბერი 04


საქართველოს ჭადრაკის ფედერაციის პრეზიდენტი გია გიორგაძე

მსოფლიოს ჩემპიონი მაგნუს კარლსენი (მარცხნივ)

დღეს ფუნიკულიორზე ჭადრაკის მსოფლიო თასის გახსნის საზეიმო ცერემონია გაიმართა. შეგახსენებთ, რომ 2-28 სექტემბერს თბილისი ჭადრაკის რიგით მე-15 მსოფლიო თასს უმასპინძლებს ვაჟთა შორის.

უმაღლესი რანგის ტურნირში 48 ქვეყნის 128 მოჭადრაკე იასპარეზებს, მათ შორის მსოფლიო საჭადრაკო რეიტინგის ტოპ-25 მოჭადრაკე.

საზეიმო გახსნის ცერემონიაზე სპორტისა და ახალგაზრდობის საქმეთა მინისტრმა ტარიელ ხეჩიკაშვილმა სტუმრებს სიტყვით მიმართა: „ქალბატონებო და ბატონებო, ჭადრაკის საერთაშორისო ფედერაციის ხელმძღვანელებო, თბილისის მსოფლიო თასის ორგანიზატორებო და მონაწილეებო, საქართველოს სტუმრებო, ძვირფასო გულშემატკივრებო! ჩვენი ქვეყანა პირველად მასპინძლობს ჭადრაკში უმაღლესი კატეგორიის ტურნირს. ეს, გულწრფელად უნდა განვაცხადო, მხოლოდ და მხოლოდ მისასალმებელია. ქართული ჭადრაკი, რომელიც სამართლიანად ამაყობს ბრწყინვალე წარსულით, დიდი გამოწვევების წინაშე დგას - გაისად კვლავ საქართველოში ვიხილავთ მსოფლიოს საუკეთესო მოჭადრაკეებს, თუმცა თბილისის ნაცვლად ზღვისპირა ბათუმში, სადაც საჭადრაკო ოლიმპიადა გაიმართება. თბილისის მსოფლიო თასი, სადაც ისტორიაში პირველად იასპარეზებს მსოფლიო რეიტინგის პირველი ოცი მოჭადრაკე, ერთგვარ გამოცდად შეიძლება მივიჩნიოთ ოლიმპიადის წინ. მე მჯერა ქართული ჭადრაკის მესვეურების, ვაფასებ მათ გამოცდილებას და ყოველივე ამის გათვალისწინებით, დარწმუნებული ვარ თბილისის მსოფლიო თასი, ისევე, როგორც 2018 წელს დაგეგმილი ოლიმპიადა, უმაღლეს დონეზე ჩაივლის და სათანადო შეფასებას დაიმსახურებს ჭადრაკის საერთაშორისო ფედერაციის მხრიდან. აქვე ვადასტურებ, რომ საქართველოს მთავრობა დაინტერესებულია ქართული ჭადრაკის წინსვლით და კვლავაც მზადაა აქტიურად ითანამშრომლოს საქართველოს თუ ჭადრაკის საერთაშორისო ფედერაციასთან. 2017 წელს ჩვენმა ქვეყანამ არაერთ საერთაშორისო ტურნირს უმასპინძლა. საქართველოში გაიმართა მსოფლიოს ახალგაზრდული ჩემპიონატი რაგბში, 19-წლამდელ ფეხბურთელთა ევროპის პირველობა, ჭაბუკთა მსოფლიო ჩემპიონატი ხელბურთში, უამრავი საერთაშორისო ასპარეზობა სპორტის ოლიმპიურ თუ არაოლიმპიურ სახეობებში. უკლებლივ ყველა მათგანმა საერთაშორისო ფედერაციების უმაღლესი შეფასება დაიმსახურა.
მჯერა, ჭადრაკის დიდი ოჯახიც სათანადოდ შეაფასებს ჩვენს ძალისხმევას. გისურვებთ წარმატებებს"!

ასპარეზობას განსაკუთრებულ მნიშვნელობას მატებს მსოფლიოს მოქმედი ჩემპიონის, მაგნუს კარლსენის (ნორვეგია) მონაწილეობა. მსოფლიო თასის გათამაშების ისტორიაში პირველი შემთხვევაა, როცა ტურნირში მოქმედი ჩემპიონი ასპარეზობს. ტურნირში ასევე მონაწილეობენ: მსოფლიოს ექსჩემპიონები: ვიში ანანდი (ინდოეთი), ვესლეინ ტოპალოვი (ბულგარეთი), ვლადიმირ კრამნიკი (რუსეთი), ქალთა შორის მსოფლიოს ექსჩემპიონი ჰოუ იფანი და მოქმედი ჩემპიონი ტან ჟონგი (ორივე ჩინეთი).

საქართველოდან საჭადრაკო მსოფლიო თასის მოსაპოვებლად იბრძოლებენ: ბაადურ ჯობავა, მიხეილ მჭედლიშვილი, ლევან ფანცულაია. წესების თანახმად ვაჟთა ტურნირში მასპინძელი ფედერაციის ნომინაციით ასპარეზობს ევროპის მოქმედი ჩემპიონი ნანა ძაგნიძე.

საჭადრაკო მსოფლიო თასი იმართება Check in Georgia Sport-ის ფარგლებში. საჭადრაკო მსოფლიო თასი ერთგვარი წინამოსამზადებელი ღონისძიებაა ქვეყანაში მსოფლიო ოლიმპიადის წინ, სადაც 190 ქვეყნის ვაჟთა და ქალთა ნაკრები გუნდები მიიღებენ მონაწილეობას. ოლიმპიადა 2018 წლის სექტემბერ-ოქტომბერში ბათუმში გაიმართება.

ორგანიზატორები: საქართველოს სპორტისა და ახალგაზრდობის სამინისტრო; ქალაქ თბილისის მერია; 2018 წლის მსოფლიოს საჭადრაკო ოლიმპიადის საორგანიზაციო კომიტეტი; საქართველოს ჭადრაკის ფედერაცია. საჭადრაკო მსოფლიო თასის წარმდგენია კომპანია „სოკარი". საინფორმაციო მხარდამჭერი - საზოგადოებრივი  მაუწყებელი.



სამინისტროს პრესსამსახური

სხვა ახალი ამბები
კატეგორია : ჭადრაკი თარიღი : 2017 სექტემბერი 13
თბილისში მიმდინარე საჭადრაკო მსოფლიო თასზე დამქანცველი ტაი-ბრეიქის შემდეგ შედარებით მშვიდობიანი გამოდგა მერვედფინალის პირველი სათამაშო დღე.
კატეგორია : ჭადრაკი თარიღი : 2017 სექტემბერი 12
ქართველ ქომაგთა სასიხარულოდ, ეროვნული ნაკრების ლიდერმა ბაადურ ჯობავამ დამატებით ტაი ბრეიქში დაამარცხა რუსი დიდოსტატი იან ნეპომნიაში და მერვედფინალის საგზური  მოიპოვა
კატეგორია : ჭადრაკი თარიღი : 2017 სექტემბერი 04
ვაჟთა შორის მსოფლიო თასზე, რომელსაც თბილისი მასპინძლობს, პირველ ტურში პირველი სვლა ფიდეს ვიცე-პრეზიდენტმა გეორგიუს მაკროპულოსმა გააკეთა. მსოფლიოს ჩემპიონის მაგნუს კარლსენის და ოლუვაფემ ბალოგანის (ნიგერია) პარტიაში. ჩემპიონმა იოლად მიიღო უპირატესობა მასზე თითქმის 600-მდე ნაკლები რეიტინგ-ქულის მქონე მეტოქესთან. დასაწყისშივე გაცვალა ლაზიერები და ენდშპილში დამაჯერებლად დაამარცხა მოწინააღმდეგე.
კატეგორია : ჭადრაკი თარიღი : 2017 აგვისტო 21
კიდევ ერთხელ გვასახელა ქართული ჭადრაკის ლეგენდამ  ნონა გაფრინდაშვილმა! უბერებელი ჩემპიონი, ბარსელონაში დასრულებულ ევროპის ჩემპიონატზე 65+ ასაკის ქალთა შორის  პირველ ადგილზე გავიდა.
კატეგორია : ჭადრაკი თარიღი : 2017 აგვისტო 10
2-28 სექტემბერს თბილისში ჭადრაკში მსოფლიო თასის გათამაშება გაიმართება. ტურნირთან დაკავშირებით სპორტისა და ახალგაზრდობის საქმეთა მინისტრის პირველმა მოადგილემ აკაკი ლოდიამ დღეს ფიდე-ს მაღალჩინოსნებს, ვიცე-პრეზიდენტს ისრაელ გელფერს და გენერალურ მდივანს ჯეფრი ბორგს უმასპინძლა.