სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

პირველი სვლა ჩემპიონის პარტიაში საპატიო სტუმარმა გააკეთა...

თარიღი: 2017 სექტემბერი 04

ვაჟთა შორის მსოფლიო თასზე, რომელსაც თბილისი მასპინძლობს, პირველ ტურში პირველი სვლა ფიდეს ვიცე-პრეზიდენტმა გეორგიუს მაკროპულოსმა გააკეთა. მსოფლიოს ჩემპიონის მაგნუს კარლსენის და ოლუვაფემ ბალოგანის (ნიგერია) პარტიაში. ჩემპიონმა იოლად მიიღო უპირატესობა მასზე თითქმის 600-მდე ნაკლები რეიტინგ-ქულის მქონე მეტოქესთან. დასაწყისშივე გაცვალა ლაზიერები და ენდშპილში დამაჯერებლად დაამარცხა მოწინააღმდეგე.

უბრძოლველად გადავიდა მეორე წრეში ალექსანდრ ონიშუკი. მისმა მეტოქემ, იორასლავ ჟერებუხმა ამერიკის ვიზასთან დაკავშირებული პრობლემების გამო ვერ შესძლო ქვეყნის დატოვება და მსოფლიო თასზე მონაწილეობის მიღება.

როგორც ამბობენ მარტო რეიტინგით ვერ ვიმსჯელებთ თუ ვისი გამარჯვებით დასრულდება პარტია. ყოველთვის არსებობს მცირე ალბათობა მოულოდნელი შედეგის. პირველ ტურშიც დაფიქსირდა მოულოდნელი შედეგები.

ტურნირის ერთ-ერთმა ფავორიტმა, მსოფლიო საჭადრაკო რეიტინგ-სიის ნომერ მეორე მოჭადრაკემ, მაქსიმ ვაშიე-ლაგრავმა ფრედ დაასრულა პარტია ტაჯიკეთის წარმომადგენელ, საერთაშორისო ოსტატ მუჰამად ხუსენხოიაევთან.

ასევე ფრედ დასრულდა მსოფლიოს ვიცე-ჩემპიონის სერგეი კარიაკინის და ტურნირის ყველაზე ახალგაზრდა მონაწილის ანტონ სმირნოვის შეხვედრა. გამოცდილმა კარიაკინმა შავებით აღარ გარისკა და უმცროსი კოლეგის შეთავაზებულ ყაიმს დათანხმდა.

მოულოდნელი იყო ძლიერი ინდოელი დიდოსტატის ჰარიკრიშნას მარცხი 200-სარეიტინგო ქულით ნაკლებ კუბელ დიდოსტატ იური ვიდალ გონსალესთან.

ყაიმით დაამთავრა პარტია ქართველი გულშემატკივარის ფავორიტმა ბაადურ ჯობავამაც.

სამწუხაროდ, გუშინ თამაში ვერ აეწყოთ დანარჩენ ქართველ მოჭადრაკეებსაც, იმედი ვიქონიოთ, რომ მომდევნო ტურში ჩვენები შესძლებენ მდგომარეობის გაუმჯობესებას.

თუმცა, საერთო ჯამში პირველი წრის პირველ ტურში მოსალოდნელი შედეგები დაფიქსირდა. დღეს, გადამწყვეტი ტურია და მოჭადრაკეები უშეღავათოდ იბრძოლებენ შემდეგი წრის საგზურის მოსაპოვებლად.

პირველი ტურის შედეგები

შეხვედრების ბადე

ტექნიკური მონაცემები

ასპარეზობის ოფიციალური ვებგვერდი

2017 წლის ფიდეს კალენდრის მთავარ ღონისძიებას - რიგით მე-15 მსოფლიო თასის გათამაშებას საქართველოს დედაქალაქი 2 სექტემბრიდან 28 სექტემბრის ჩათვლით მასპინძლობს. ტურნირში, რომელიც Chack in Georgia Sport-ის ფარგლებში ტარდება, 48 ქვეყნის 128 მოჭადრაკე მონაწილეობს, მათ შორის მსოფლიო საჭადრაკო რეიტინგ-სიის ტოპ-15 მოჭადრაკე.

 

gcf.org.ge

სხვა ახალი ამბები
კატეგორია : ჭადრაკი თარიღი : 2017 ნოემბერი 08
საბერძნეთიდან დაბრუნების შემდეგ, საქართველოს ქალ მოჭადრაკეთა ნაკრების წევრებს და ჭადრაკის ფედერაციის პრეზიდენტ გიორგი გიორგაძეს სპორტისა და ახალგაზრდობის საქმეთა მინისტრი ტარიელ ხეჩიკაშვილი, მოადგილე შალვა გოგოლაძესთან ერთად სამინისტროში შეხვდა და წარმატება მიულოცა.
კატეგორია : ჭადრაკი თარიღი : 2017 ნოემბერი 07
ევროპის გუნდური ჩემპიონატის დასკვნით ტურში საქართველოს ქალთა გუნდმა იტალიის ნაკრები დაამარცხა და მეორე საპრიზო ადგილზე გავიდა!
კატეგორია : ჭადრაკი თარიღი : 2017 ოქტომბერი 16
ბათუმის საჭადრაკო კლუბი "ნონა" ევროპის საკლუბო ჩემპიონატის გამარჯვებული გახდა!
კატეგორია : ჭადრაკი თარიღი : 2017 ოქტომბერი 11
ანტალიაში გამართულ ჭადრაკის საერთაშორისო ფედერაციის, ფიდეს 88-ე კონგრესზე, საქართველოს ეროვნული ნაკრების წევრს, ნინო ბაციაშვილს ვაჟთა შორის საერთაშორისო დიდოსტატის წოდება მიენიჭა!  
კატეგორია : ჭადრაკი თარიღი : 2017 სექტემბერი 27
თბილისის მსოფლიო თასი სომეხი დიდოსტატის ლევონ არონიანის გამარჯვებით დასრულდა. ფინალში, ოთხი პარტიის ყაიმით დასრულების შემდეგ, არონიანმა დამატებით ტაი-ბრეიქში სძლია ჩინელ მეტოქეს დინ ლიჟენს.