სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ჯომარდობა: საქართველოს ახალგაზრდული ჩემპიონატი 4 აგვისტოს იწყება

თარიღი: 2017 ივლისი 19


ჯომარდობაში საქართველოს ახალგაზრდული ჩემპიონატი მოყვარულთა შორის 4 აგვისტოს დაიწყება, გამარჯვებულები კი 15 ოქტომბერს გამოვლინდებიან. ღონისძიებასთან დაკავშირებით დღეს სპორტისა და ახალგაზრდობის საქმეთა სამინისტროში პრესკონფერენცია გაიმართა.

საქართველოს ახალგაზრდული ჩემპიონატი სპორტის ამ სახეობაში საუნივერსიტეტო სპორტის ფედერაციის ახალი პროექტია. ის სპორტისა და ახალგაზრდობის საქმეთა სამინისტროს და თბილისის მერიის განათლების, სპორტისა და ახალგაზრდულ საქმეთა საქალაქო სამსახურის მხარდაჭერით ხორციელდება.

ჩემპიონატში 18-დან 29-წლამდე ასაკის 6 ათასამდე ახალგაზრდა მიიღებს მონაწილეობას. საორგანიზაციო კომიტეტის განცხადებით, ჩემპიონატი რამდენიმე ეტაპად გაიმართება, მონაწილეთა მგზავრობას კი თბილისის მერიის შესაბამისი სამსახურები უზრუნველჰყოფენ.

„მაისის მიწურულს საქართველომ ჯომარდობაში ევროპის ჩემპიონატს უმასპინძლა. პირადად დავესწარი ტურნირს და მინდა გითხრათ, რომ ეს იყო ძალიან სასიამოვნო და საინტერესო სანახაობა. სპორტის ასეთი სახეობები ხელს უწყობს ახალგაზრდებში ჯანმრთელი ცხოვრების წესის დანერგვას, რეგიონების გამოცოცხლებას და სპორტული ტურიზმის განვითარებას. სწორედ ამიტომ მივესალმებით ასეთ პროექტებს. ჩემპიონატს მცოდნე ხალხი ატარებს და ამიტომ, დარწმუნებული ვარ, ყველაფერი ჩინებულად ჩაივლის. მონაწილეებს და საორგანიზაციო კომიტეტის წევრებს წარმატებას ვუსურვებ", - განაცხადა სპორტისა და ახალგაზრდობის საქმეთა მინისტრმა ტარიელ ხეჩიკაშვილმა.

„როდესაც კონკრეტულ ღონისძიებაში 6 ათასამდე ადამიანი მონაწილეობს, სამართლიანია ვთქვათ, რომ ძალიან დიდი და მნიშვნელოვანი პროექტი ხორციელდება. ჯომარდობის ფედერაციას საკმაო გამოცდილება აქვს საიმისოდ, რომ ჩემპიონატი უმაღლეს დონეზე ჩაატაროს და დარწმუნებული ვარ, ასეც იქნება. მსურს მადლობა გადავუხადო სპორტისა და ახალგაზრდობის საქმეთა სამინისტროს, დედაქალაქის მერიის განათლების, სპორტისა და ახალგაზრდულ საქმეთა საქალაქო სამსახურს და საუნივერსიტეტო სპორტის ფედერაციას ამ წამოწყების მხარდაჭერისთვის", - განაცხადა ჯომარდობის ფედერაციის ხელმძღვანელმა დავით ქაცარავამ.

პრესკონფერენციის დასრულების შემდეგ ჟურნალისტთა კითხვებს თბილისის მერიის განათლების, სპორტისა და ახალგაზრდულ საქმეთა საქალაქო სამსახურის უფროსმა ირაკლი გვილავამ და საუნივერსიტეტო სპორტის ფედერაციის პრეზიდენტმა ჯემალ არჯევანიძემ უპასუხეს.

საორგანიზაციო კომიტეტის თქმით, ჩემპიონატი რამდენიმე ეტაპად ჩატარდება, თითო საშეჯიბრო დღეს კი 32 გუნდი იასპარეზებს. ჩემპიონი რამდენიმე დაშვების ჯამში გამოვლინდება. ტურნირი გრძელ და მოკლე დისტანციებზე გაიმართება.

სამინისტროს პრესსამსახური

რეგისტრაციის ბმული

სხვა ახალი ამბები
კატეგორია : საუნივერსიტეტო თარიღი : 2016 თებერვალი 29
ბაკურიანში, საუნივერსიტეტო სპორტის ფედერაციის ორგანიზებით „ზამთრის უნივერსიადა 2016"  ჩატარდა. სხვადასხვა უმაღლესი სასწავლებლის 130-მდე სტუდენტი ერთმანეთს სკი-კროსში, სნოუბორდ-კროსში და წელს პირველად - პარალელურ გიგანტურ სლალომში შეეჯიბრნენ.
კატეგორია : საუნივერსიტეტო თარიღი : 2016 თებერვალი 19
23-24 თებერვალს დაბა ბაკურიანში გაიმართება ტარდიციული ტურნირი სტუდენტებს შორის ‘'ზამთრის უნივერსიადა 2016''.
კატეგორია : საუნივერსიტეტო თარიღი : 2015 მაისი 29
საქართველოს საუნივერსიტეტო ფუტსალის უმაღლესი ლიგის გამარჯვებული სეუს გუნდი გახდა.
კატეგორია : საუნივერსიტეტო თარიღი : 2015 მაისი 28
29 მაისს 15:00 საათზე სპორტკომპლექს არენა2-ში ფუტსალში საქართველოს საუნივერსიტეტო უმაღლესი ლიგის გათამაშების ფინალური მატჩი გაიმართება.
კატეგორია : საუნივერსიტეტო თარიღი : 2014 სექტემბერი 25
საქართველოს მკლავჭიდელთა ეროვნული, ახალგაზრდული და ჭაბუკთა ნაკრებები დიდი წარმატებით დაბრუნდნენ ლიტვის დედაქალ ვილნიუსში გამართული მსოფლიო ჩემპიონატიდან, სადაც 45 ქვეყანა მონაწილეობდა.