ხელბურთელები ფინალში, ფუტზალელები ნახევარფინალში

ესპანეთის ქალაქ კორდობაში მიმდინარე ევროპის პირველ საუნივერსიტეტო თამაშებზე წარმატებულად გამოდიან ქართული გუნდები. ტურნირზე, რომელიც განსაკუთრებულად მასშტაბური გამოდგა, საქართველოს ხელბურთში ტექნიკური უნივერსიტეტის გუნდი, ფუტზალში კი სახელმწიფო უნივერსიტეტის გუნდები წარმოადგენენ.

ხელბურთელებმა ქვეჯგუფში ზედიზედ 4 გამარჯვება მოიპოვეს და ფინალურ შეხვედრაში თამაშის უფლება ვადაზე ადრე გაინაღდეს. მე-4 გადამწყვეტ ტურში ტექნიკური უნივერსიტეტის ხელბურთელებმა პრინციპულ შეხვედრაში ესპანური "მალაგა" 39:36 დაამარცხეს, 20 ივლისს ქართველი ხელბურთელები ჯგუფის აუტსაიდერ - ჰოლანდიის "ნაიმეგენს" ხვდებიან, რომლებმაც ჯგუფში ყველა შეხვედრა წააგეს.

ტურირის ფინალში, რომელიც ხვალ, 21 ივლისს გაიმართება ქართველ ხელბურთელთა გუნდის მეტოქე A ჯგუფის გამარჯვებული ესპანური ან ხორვატული გუნდი იქნება.

წარმატებულად თამაშობენ ქართველი ფუტსალელებიც. ქვეჯგუფში მასპინძელი "კორდობას" 6:5 დამარცხების შემდეგ, მართალია თსუ-ს გუნდმა ფინურ "იავასკილას" უნივერსიტეტთან 0:1 დათმო. მაგრამე მე-3 ტურში ქართველმა ფუტსალელებმა ლიტვის უნივერსიტეტი 12:2 გაანადგურეს და მეოთხედფინალში ბურთების უკეთესი შეფარდებით, ქვეჯგუფში მე-2 ადგილიდან გავიდნენ.

ტურნირის მეოთხედფინალში ქართველებმა ასევე იოლად - 10:3 სძლიეს პოლონურ ადამ მიცკევიჩის სახელობის უნივერსიტეტის გუნდს, 20 ივლისს გასამართ ნახევარფინალში კი სტუდენთა მეტოქე რუსეთის, ციმბირის უნივერსიტეტის გუნდი იქნება.



სამინისტროს პრესსამსახური