სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

თბილისი უშუს ევროპის ჩემპიონატს მასპინძლობს

თარიღი: 2017 მაისი 15



თბილისის ოლიმპიური სასახლე 14-20 მაისს უშუს ევროპის ჩემპიონატს მასპინძლობს. აღსანიშნავია, რომ საქართველოში ევროპის ჩემპიონატი სპორტის ამ სახეობაში პირველად ტარდება.

ევროპის ჩემპიონატში 28 ქვეყნის 800-ზე მეტი სპორტსმენი მონაწილეობს. ტურნირის გახსნის ოფიციალური ცერემონია 16 მაისს, 19:00 საათზეა დაგეგმილი. 14-15 მაისს ტურნირი სახეობა ვინჩუნჩში ჩატარდა, 17-დან 20 მაისის ჩათვლით კი სპორტსმენები ტრადიციულ უშუში შეეჯიბრებიან ერთმანეთს.

შეჯიბრების მხარდამჭერები არიან საქართველოს სპორტისა და ახალგაზრდობის საქმეთა სამინისტრო, ქალაქ თბილისის მუნიციპალიტეტის მერიის განათლების, სპორტისა და ახალგაზრდულ საქმეთა საქალაქო სამსახური და ჩინეთის სახალხო რესპუბლიკის საელჩო საქართველოში, ჩემპიონატი ტარდება საქართველოს უშუს ეროვნული ფედერაციის ორგანიზებით.



ევროპის ჩემპიონატზე დასასწრებად, საქართველოში იმყოფებიან ევროპის უშუ-კუნფუს ფედერაციის პრეზიდენტი - რაიმონდ უილიამ სმიტი და საერთაშორისო უშუს ფედერაციის ვიცე-პრეზიდენტი - გლებ მუზრუკოვი.

ევროპის და საერთაშორისო ფედერაციის მაღალჩინოსნებს, 15 მაისს სპორტისა და ახალგაზრდობის საქმეთა მინისტრი ტარიელ ხეჩიკაშვილი სამინისტროში შეხვდა, სადაც ტურნირის ოფიციალური პრესკონფერენცია გაიმართა. პრესკონფერენციას მინისტრის მოადგილეები აკაკი ლოდია და შალვა გოგოლაძე, ასევე უშუს ფედერაციის პრეზიდენტი გიორგი ვერულიძე, თბილისის მერიის განათლებისა და სპორტის საქალაქო სამსახურის უფროსის მოადგილე ზაზა ცინაძე და საკრებულოს წევრი გიორგი მუსხელიშვილი ესწრებოდნენ.

"პროექტ "check in Georgia"-ს ფარგლებში კიდევ ერთ საერთაშორისო ტურნირს ვმასპინძლობთ. აღსანიშნავია, რომ ევროპის ჩემპიონატი უშუში საქართველოში პირველად ტარდება. ეს, რა თქმა უნდა დიდი საჩუქარია საქართველოს უშუს ფედერაციის და ჩვენი სპორტსმენებისთვის, ასევე უშუს მოყვარულებისთვის.

უამრავ ადამიანს მიეცემა საშუალება მობრძანდნენ ოლიმპიურ სასახლეში და უშუს ჩემპიონატს დაესწრონ. დარწმუნებული ვარ, რომ ამ შანსს ყველა გულშემატკივარი გამოიყენებს. მსურს ჩვენს სპორტსმენებს წარმატება ვუსურვო. მნიშვნელოვანია, რომ საქართველო ღირსეულ ადგილს იმკვიდრებს უშუს საერთაშორისო ოჯახში, როგორც ტურნირის მაღალ დონეზე ორგანიზების, ასევე  საუკეთესოი შედეგების თვალსაზრისით." - განაცხადა ტარიელ ხეჩიკაშვილმა.

მნიშვნელოვანია , რომ ჩემპიონატი ხორციელდება პროექტის - „Check in Georgia" ფარგლებში. ასევე აღსანიშნავია, რომ კონტინენტის პირველობასთან დაკავშირებით ჩინეთის საელჩომ უშუს ეროვნულ ფედერაციას ორი ძვირადღირებული საშეჯიბრო ხალიჩა გადასცა.



ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : არაოლიმპიური თარიღი : 2017 ოქტომბერი 09
1 ოქტომბერს, დიღმის ჭალებში მდებარე „ახალი თბილისის" ტერიტორიაზე, ვაჟა კაჭარავას სახელობის ფრენბურთის არენაში, კონტაქტურ კარატეში ტრადიციული საერთაშორისო ტურნირი „კავკასიის თასი" გაიმართა. შეჯიბრებაში 7 ქვეყნის, აზერბაიჯანის, სომხეთის, საბერძნეთის, უკრაინის, ირანის, ყაზახეთისა და საქართველოს 60-მდე სპორტსმენი ასპარეზობდა, რომლებიც კაცებში 4 წონით, ხოლო ქალებში აბსოლუტურ წონით კატეგორიაში იბრძოდნენ.    
კატეგორია : არაოლიმპიური თარიღი : 2017 ოქტომბერი 04
საქართველოს უშუ სანდას ეროვნულმა ნაკრებმა მონაწილეობა მიიღო მე-14 უშუს მსოფლიო ჩემპიონატზე ქალაქ ყაზანში, სადაც ნაკრების წევრმა მანუჩარ კვაშილავამ ბრინჯაოს მედლის მოპოვება შეძლო.
კატეგორია : არაოლიმპიური თარიღი : 2017 ოქტომბერი 04
1 ოქტომბერს, რუსთვის რაგბის ცენტრალურ სტადიონზე საქართველოს ამერიკული ფეხბურთის ეროვნული ჩემპიონატის ფინალური მატჩი გაიმართა.
კატეგორია : არაოლიმპიური თარიღი : 2017 სექტემბერი 20
სპორტისა და ახალგაზრდობის საქმეთა სამინისტროს დღეს მკლავჭიდელთა და პარამკლავჭიდელთა ნაკრების წევრები და ხელმძღვანელები ესტუმრნენ. მინისტრის მოადგილე შალვა გოგოლაძესთან სტუმრებმა მსოფლიო ჩემპიონატის შედეგები შეაჯამეს.
კატეგორია : არაოლიმპიური თარიღი : 2017 სექტემბერი 19
უნგრეთის დედაქალაქ ბუდაპეშტში გამართული მკლავჭიდის მსოფლიო ჩემპიონატი ქართველი სპორტსმენების დიდი წარმატებით  დასრულდა.