სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

ბაჩოს თასი 2017: სპორტულ ჟურნალისტთა ფესტივალს ოლიმპიური სასახლე უმასპინძლებს

თარიღი: 2017 ივლისი 06



7 ივლისს, 10:30 საათიდან ოლიმპიური სასახლე სპორტულ ჟურნალისტთა ტრადიციულ ფესტივალს - ბაჩოს თასი 2017 - უმასპინძლებს. შეჯიბრებები ოლიმპიური სასახლის მცირე დარბაზში გაიმართება.

სპორტულ ჟურნალისტთა ტრადიციული ფესტივალი მეექვსედ ჩატარდება. ის 2010 წელს, მძიმე ავადმყოფობის შედეგად გარდაცვლილი ახალგაზრდა სპორტული ჟურნალისტის ბაჩო სვანიძის სახელს ატარებს. ღონისძიება სპორტულ ჟურნალისტთა ასოციაციის ეგიდით ტარდება, მხარდამჭერები კი სპორტისა და ახალგაზრდობის საქმეთა სამინისტრო, ეროვნული ოლიმპიური კომიტეტი, ფეხბურთის და კალათბურთის ფედერაციები არიან.

წლევანდელი ფესტივალის სპორტული პროგრამა ვაჟთა შორის საფეხბურთო და საკალათბურთო (3X3) ტურნირებს მოიცავს, ასევე გოგონათა საფეხბურთო მატჩს. ბაჩოს თასი 2017-ის ეგიდით გაიმართება ამხანაგური შეხვედრა მინიფეხბურთში ქართველ და 19-წლამდელ ფეხბურთელთა ევროპის ჩემპიონატზე აკრედიტებულ უცხოელ ჟურნალისტებს შორის. ფესტივალის გამარჯვებულებს და პრიზიორებს ბაჩო სვანიძის სახელობის თასები და მედლები გადაეცემათ. საფეხბურთო ტურნირის საუკეთესო მოთამაშე წელს გარდაცვლილი ტელეკომენტატორის ალეკო ჯიბლაძის სახელობის სპეციალური პრიზით დაჯილდოვდება.

სპორტული პროგრამის დასრულების შემდეგ, 20 საათზე, ოლიმპიურ სასახლეში საქართველოს სპორტულ ჟურნალისტთა ასოციაციის ყოველწლიური პრემიების დაჯილდოების ცერემონია გაიმართება.

2014 წელს საქართველოს სპორტულ ჟურნალისტთა ასოციაციამ ბაჩოს სვანიძის შესახებ წიგნი გამოსცა - „ღიმილის ბიჭი". კრებულში თავმოყრილია ბაჩოს მეგობრების მოგონებები და სხვადასხვა დროს გაზეთ „სარბიელში" გამოქვეყნებული ბაჩო სვანიძის ინტერვიუები მსოფლიო სპორტის ვარსკვლავებთან: ლეგენდარულ დიეგო მარადონასთან, სახელოვან ჩოგბურთელებთან კრის ევერტთან და გაბრიელა საბატინისთან, მსოფლიო რაგბის ვარსკვლავებთან ტანა უმაგასთან, ჯორჯ გრეგანთან, ენდი მერთენსთან, დენ ლუგერთან, ფრენბურთელ ეკატერინა გამოვასთან და იტალიის ოლიმპიური კომიტეტის პრეზიდენტთან მარიო პესკანტესთან.

სამინისტროს პრესსამსახური

სხვა ახალი ამბები
კატეგორია : არაოლიმპიური თარიღი : 2017 ნოემბერი 14
6-12 ნოემბერს ემეიშანში (ჩინეთი) ჩატარდა მსოფლიოს მე-7 კუნგფუს (ტრადიციული უშუ) ჩემპიონატი, სადაც 57 ქვეყნის 927 სპორტსმენი ღებულობდა მონაწილეობას.  
კატეგორია : არაოლიმპიური თარიღი : 2017 ნოემბერი 09
ჩინეთის ქალაქ ემეიშანში დაწყებული კუნგ-ფუს (ტრადიციული უშუ) მე-7 მსოფლიო ჩემპიონატის პირველ საშეჯიბრო დღეს საქართველოს ნაკრებმა 4 მედალი მოიპოვა: ოქრო, 2 ვერცხლი და ბრინჯაო!
კატეგორია : არაოლიმპიური თარიღი : 2017 ოქტომბერი 25
სპორტისა და ახალგაზრდობის საქმეთა მინისტრმა ტარიელ ხეჩიკაშვილმა დღეს ჰიმალაიდან დაბრუნებულ მთამსვლელებს არჩილ ბადრიაშვილს, გიორგი ტეფნაძეს და ბაქარ გელაშვილს უმასპინძლა.
კატეგორია : არაოლიმპიური თარიღი : 2017 ოქტომბერი 09
1 ოქტომბერს, დიღმის ჭალებში მდებარე „ახალი თბილისის" ტერიტორიაზე, ვაჟა კაჭარავას სახელობის ფრენბურთის არენაში, კონტაქტურ კარატეში ტრადიციული საერთაშორისო ტურნირი „კავკასიის თასი" გაიმართა. შეჯიბრებაში 7 ქვეყნის, აზერბაიჯანის, სომხეთის, საბერძნეთის, უკრაინის, ირანის, ყაზახეთისა და საქართველოს 60-მდე სპორტსმენი ასპარეზობდა, რომლებიც კაცებში 4 წონით, ხოლო ქალებში აბსოლუტურ წონით კატეგორიაში იბრძოდნენ.    
კატეგორია : არაოლიმპიური თარიღი : 2017 ოქტომბერი 04
საქართველოს უშუ სანდას ეროვნულმა ნაკრებმა მონაწილეობა მიიღო მე-14 უშუს მსოფლიო ჩემპიონატზე ქალაქ ყაზანში, სადაც ნაკრების წევრმა მანუჩარ კვაშილავამ ბრინჯაოს მედლის მოპოვება შეძლო.