სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

სამინისტრო: ტარიელ ხეჩიკაშვილი რეინჰოლდ მესნერს ალპინისტთა კლუბში შეხვდა

თარიღი: 2017 ივლისი 11


საქართველოში საქმიანი ვიზიტით მყოფ ლეგენდარულ მთამსვლელს, მსოფლიოს ყველა უმაღლესი მწვერვალის დამლაშქრავს, იტალიელ რეინჰოლდ მესნერს სპორტისა და ახალგაზრდობის საქმეთა მინისტრი ტარიელ ხეჩიკაშვილი და მთასვლელთა გაერთიანებული ფედერაციის პრეზიდენტი ავთანდილ ცინცაძე ვერის პარკში მდებარე ალპინისტთა კლუბში შეხვდნენ

ტარიელ ხეჩიკაშვილმა ევროპარლამენტის ყოფილ წევრთან ერთად ქართული მთამსვლელობის ისტორიის ამსახველი ფოტომასალა დაათვალიერა, შემდეგ კი ქვეყნის სამთო კურორტების პოტენციალსა და განვითარებაზე ისაუბრა.

„მთამსვლელობის ისტორიაში რეინჰოლდ მესნერი უდავოდ გამორჩეულია და სამართლიანად ითვლება ყველა დროის ერთ-ერთ საუკეთესო ალპინისტად. მას მსოფლიოს თითქმის ყველა მაღალმთიანი რეგიონი მოვლილი აქვს, უდიდესი გამოცდილების პატრონია და აქედან გამომდინარე, მისი აზრი ჩვენი ქვეყნის შესახებ ძალიან საინტერესოა", - განაცხადა სპორტისა და ახალგაზრდობის საქმეთა მინისტრმა ტაარიელ ხეჩიკაშვილმა.

„საქართველოს საქმიანი ვიზიტით ვეწვიე - ჩემს მასპინძლებთან ერთად თქვენი ქვეყნის სამთო კურორტებს ვათვალიერებ და საკუთარ შეხედულებებს გიზიარებთ. ერთი რამის თქმა ახლავე შემიძლია: საქართველოს სამთო კურორტების განვითარების ძალიან კარგი შანსი აქვს, რაც მთავარია, ბუნებრივი პირობებია საუკეთესო. ვფიქრობ, სათანადო ინფრასტრუქტურის მოწყობის შემთხვევაში, საქართველო ერთ-ერთი მოწინავე სამთო-ტურისტული ქვეყანა გახდება არა მხოლოდ რეგიონში, არამედ ევროპაშიც", - განაცხადა რაინჰოლდ მესნერმა. მოგვიანებით მან მთამსვლელობაზე ისაუბრა, არაერთი საინტერესო ისტორია გაიხსენა, უხვად დაარიგა ავტოგრაფები და სამახსოვრო ფოტოები გადაიღო.

სახელგანთქმული ალპინისტი საქართველოს მთის კურორტების პოტენციალის გასაცნობად ესტუმრა. რეინჰოლდ მესნერს პრემიერ-მინისტრმა გიორგი კვირიკაშვილმა კახეთში უმასპინძლა და ტურიზმის მიმართულებით პოზიტიურ დინამიკაზე, ასევე სხვა საინტერესო საკითხებზე ესაუბრა. მომდევნო დღეებში იტალიელი სტუმარი სვანეთს, თუშეთს და ყაზბეგს მოინახულებს.

1986 წელს რეინჰოლდ მესნერმა (ჰანს კამერლანდერთან) ერთად მწვერვალი ლჰოცზე (8516მ) დალაშქრა და პირველი მთამსვლელი გახდა, რომელმაც დედამიწის თოთხმეტივე 8-ათასიანი დაიპყრო. პირველი 8-ათასიანი - ნანგა პარბატი (8125მ) - მან 1970 წელს დაიპყრო.

დედამიწის უმაღლეს მწვერვალებზე ასვლის გარდა იტალიელმა ალპინისტმა სახელი გაითქვა არნახული ლაშქრობებით: 1989-1990 წლებში მან ანტარქტიკა გადაკვეთა (2800კმ), 2004 წელს კი მსოფლიოს უდიდესი, გობის (მონღოლეთი) უდაბნო (2000კმ).

2006 წლის 11 ივნისს იტალიის ჩრდილოეთით, სამხრეთ ტიროლის მხარეში რეინჰოლდ მესნერის სახელობის მთამსვლელობის მუზეუმი გაიხსნა. ბოლო წლებში ლეგენდარული სპორტსმენი მუზეუმის საქმიანობითაა დაკავებული.

სამინისტროს პრესსამსახური

სხვა ახალი ამბები
კატეგორია : არაოლიმპიური თარიღი : 2017 ივლისი 06
7 ივლისს, 10:30 საათიდან ოლიმპიური სასახლე სპორტულ ჟურნალისტთა ტრადიციულ ფესტივალს - ბაჩოს თასი 2017 - უმასპინძლებს. შეჯიბრებები ოლიმპიური სასახლის მცირე დარბაზში გაიმართება.
კატეგორია : არაოლიმპიური თარიღი : 2017 ივლისი 03
1-2 ივლისს ყაზახეთის დედაქალაქ ასტანაში მსოფლიოს მეექვსე ჩემპიონატი ჩატარდა შინკიოკუშინკაი კარატეში, სადაც საქართველოს ნაკრებმა ორი მედალი მოიგო: ვერცხლი და ბრინჯაო.
კატეგორია : არაოლიმპიური თარიღი : 2017 ივნისი 27
23 ივნისს, პოლონეთის ქალაქმა კროტოსუნმა უმასპინძლა ევროპის თასის გათამაშებას სუმოისტთა შორის. შეჯიბრებაში მონაწილეობა მიიღეს უფროსი ასაკის სუმოისტებმა. საქართველოს ნაკრებმა პოლონეთში 4 სპორტსმენით იასპარეზა და 2 მედალი მოიპოვა. 
კატეგორია : არაოლიმპიური თარიღი : 2017 ივნისი 27
29 ივნისს, საქართველოს კონტაქტური კარატეს ეროვნული ნაკრები, ყაზახეთის დედაქალაქ ასტანაში გაემგზავრება, სადაც 1-2 ივლისს მსოფლიო ჩემპიონატი გაიმართება. შეჯიბრება ოთხ წელიწადში ერთხელ ტარდება და სპორტის ამ სახეობაში, ყველაზე პრესტიჟულ ღონისძიებად ითვლება.   
კატეგორია : არაოლიმპიური თარიღი : 2017 ივნისი 16
სპორტისა და ახალგაზრდობის საქმეთა მინისტრმა ტარიელ ხეჩიკაშვილმა უშუს ეროვნული და ასაკობრივი ნაკრები გუნდის წევრები დღეს ქართული სპორტის მუზეუმში მიიღო.